ادخل واحكى واضحك واخرج

**● **TiTaNiC LoVeR** ●** · 08-03-2009 02:41 AM

كان فى يوم من الايام
كنت انا وابويا كنا بنعمل الكهربا بتاعه البيت
وفضلت مع ابوي لحد ما قربنا نخلص بقى
فواحد جه وكان عايز ابويا
وكان فاضل فيشه كهربا نركبها
فابويا قالى هتعرف يا شريف تربكبها
قولتله عيب عليك يا ابو حميد
فقالى انا مش خايف الا من ابو حميد دى
قالى انا هكلم الراجل
وانا لله وانا اليه راجعون
فعملت فيها عبقرينو
وربط الحاجه وخلاص قولت اجربها
يا دوب لسه بفتح زرار الفيشه
لاقيت كهربا البيت كلها حاصلها قافله
وابويا اول ما طلع وشافنى ساكت كده
يلا يابنى ربنا يهديك

**| Tears Of The Moon ●** · 08-03-2009 02:58 AM

أنــا بقــى أحكيلكم على موقف حصلــى وانا فى الإعدادى
كان وقتها بقــى للسة طالعة حكاية الجن والجماعة الشباب بتوع الكهف والليلة دى
المهم
فأنا طبعا يوم ما صورت الورقــة وفرحان بيها
وروحت البيت
أجى أنام ألاقى الششيش بتاع الشباك بيلعب
وأنــا كل شوية أغطس فى السرير
الشيش يتحرك وأنـا أغطس
روحت فى يومها حلمت بالجن
المهم اليوم عدى بطوله وبعرضه
تانى يوم ماشى فى الشارع بتلفت حواليا
وزى ما يكون الجن مستنينى هنا ولا هنا
روحت المدرسة وعلى ما نسيت
كان عندى بالليل درس علوم عند أستاذة
الله يمسيها بالخير
المهم السيرة جت بقــى
وانا قاعد مرعوووووووووووب وفجأة والله على العظيم على السيرة النور يقطع
وكننا حنا بناخد فى أوضة صغيرة على السطوح
ومافيش لا باب ولا شباك وحالة منيلة خالص
وفجأة النور يقطع
المهم انا أقوم سايب مكانى وروحت ناطط فى حضن الأبلة واخدها بالحضن
لحد ما النور جه والكل مش متوقع الحكاية دى
انى أكون قاعد جنبى
وفجأة اكون فى حضن الأبلة
المهم الكل كركع من الضحك
وأخينا بقــى واقف خايف ومحروج وكانت حالتى بالبللللللللة
بس الحمد لله عدت على خير

**| Mannora ●** · 08-03-2009 08:37 PM

ههههههههههههه

جامد ياشريف طول عمرك كده...وبعدين اللى ما يعرفش حاجه ما يفتيش فيها......

وانت يا احمد بلاش خوف اما الراجاله راحت فين.....

وبعدين الجن موجود ودول امم زينا وحرام لما نخاف اوى منهم

لانهم ما يقدروش يعملوا لينا حاجه الا لما ربنا يكون عايزها

**| Tears Of The Moon ●** · 09-03-2009 01:35 AM

ههههههههههههههههههه
مرجلة ميـــــــــن..؟
بقولك انا كنت فى تانية إعدادى
وكانت حالتى منيلة خالص
هو أنـا هنســى ده يوم أسود
الف شكر ليكى يا منورة

**LovelyGirl55** · 09-03-2009 02:57 AM

ههههههههههههههههههههههههه هههههههههموضوع زى الفلوانا بجد يا احمد مش قادرة امسك نفسىهفتكر بقى اى حاجه واحكيها المرة الجايةسلاموووووووووووووز

**بسمة** · 09-03-2009 05:21 AM

كله يسكت انا هتكلم
مره كان عندي امتحان وكان صعب جداااااااا
المهم كان نفسي اشوف نفسي في المرايه
بس مافيش وقت قمت اخدت الموبايل وصورت نفسي وشفت الصوره مش هقولكم شكلي كان فيها ازاي (( بس انا ماقدرتش ابص في الصوره كتير ))

المهم نسيت امسح الصوره
بعد كم يوم موبايلي كان مع ابن اخويا الصغير بيلعب بيه
وجاني مسج قمت اخدته منه وفتحت المسج نشوف مع بعض المسج

(( يعني عامله نفسك مؤدبه ومش عايزه تردي طيب بترسلي صورتك ليه ؟؟ وياريت حلوه ))

طبعا انا مش بتصور في جوالي هي الصوره اليتيمه والنمره واحد كان بيرخم قمت حفظت النمره باسم (ازعاج )) وابن اخويا بعت صورتي

**| Mannora ●** · 09-03-2009 01:03 PM

ههههههههههههه

جامد اوى الموقف ده يا بسمه....

بس احسن حاجه انه مش هيتصل تانى...

الله يخرب بيت الامتحانات اللى بتعمل فى الواحد
كده

**Gana** · 03-04-2009 04:47 PM

استكمال للقصص مع الكلاب كان عندنا كلب بابا جيبه لمحمد اخويه من هو صغير محمد بيحب الكلاب اكنر منا والله ممكن ياخد الاكل بتاعنا واللبن علشان ياكله للكلب المهم انا الكلب ده بكرهو موت المهم انا وجوزى كنا بنشوف بعض كل يوم فى الجامعه قبل ما نتجوز طبعا فلما الامتحانات خلصت قعدنا مده منشوفش بعض المهم هو جرنا اصلنا كلمنى وقالى لازم اشوفك قولت ماشى منوره اللى هى اختى اقترحت على انه يجى فى الجنينه تحت الشباك وانا اكلمه كلمتين ويمشى والكلب فين طبعا فى الجنينه المهم لسه جاى وبنتكلم عينكم ما تشوف اللى النور الكلب عمال يهوه وفضح الدنيا ومنوره عماله تراقب ونجيب للكلب اكل علشان يسكت ياكل الاكل وههوه برده المهم بن عمى صحى مراته مراته اللى هى اخت جوزى هو بيخاف وعمال يقول مين وطلع فى الجنينه المهم جوزى طلع يجرى واول ما شاف بن عمى قاله اجرى فى حراميه كانو بيجرو ورايه طبعا بن عمى اول ما عرف ان فى حراميه فص ملح وداب المهم تانى يو بن عمى قعد يقول عن بطولاته مع الحراميه امبارح وانه ضرب كل الحرميه لوحده وما يعرفش ان انا ومنوره كنا سمعين كل اللى بيقوله