ادخل واحكى واضحك واخرج

**Messi** · 21-02-2009 02:48 AM

الموضوع فكرته ببساطه ان كل واحد يدخل يكتب مواقف محرجه حصلتله
حاجه بسيطه يعنى
هتدخل تحكيلنا عن موقف عن موقفين عن تلاته
زى ما تحب
بس كده

موقفى الاول فى المشاركه اللى جايه

**Messi** · 21-02-2009 02:55 AM

بسم الله

الموقف ده حصلى من قريب يعنى بتاع شهرين كده
المهم
كنت راجع البيت الساعه واحده ونص كده وكان معايا واحد صاحبى
فصاحبى كان عاوزينى تانى يوم اروح معاه مشوار كده يعنى
المهم هو عارف دماغى ايه يعنى وانا مبروحش مشاوريه
فانا قمت مديلو وش خشب وخليته يروح من طريق غير اللى انا بروح منه من اننا قريبن من بعض
وانا مروح بقى قاعد عمال افكر اقول ازاى انا ايمن يفكر انى ممكن اعمل معاه الحوار ده وماشى بقى مخنوق قمت مقابل كلب واقف
الكلب ده انا عارفه طيب يعنى فمخفتش منه طبيعى يعنى
المهم وانا بقرب من الكلب فضلت اكلمه واقوله يعنى يا كلب ينفع انا اعمل كده بقى بالذمه ده اسمه كلام؟وبكلمه لحد اما وصلت عنده سمعت ناس بتضحك ببص فوق لقيت فى عيله كامله ماشاء الله واقفين فى البلكونه وبيضحكوا عليا
المشكله انهم يعرفونى ويعرفوا البيت عندنا فى علاقات يعنى وكان فيهم بنات:">
قمت متنح لهم ومتنح للكلب وضاحك بغباء وروحت ومن يوميها اول اما اشوف حد منهم بفضل حاطط وشى فى الارض ومبرفعهاش ابدا

منه لله الكلب

**Messi** · 21-02-2009 02:56 AM

بعد كام موقف كده هبقى احكيلكم على موقف تانى

**| سندباد ●** · 21-02-2009 03:05 AM

هحكيلك على حاجة حصلت معايا امبارح

معرفش هى مضحكة اساسا ولا لأ......

انا جيت من الكلية وصليت العصر ونمت
وبعدين صاحى دايخ اصلا الساعة 6وشوية

المهم المفترض كان ورايا معاد
ومعرفش ايه اللى حواليا

روحت دخلت الحمام واتوضيت
وطلعت صليت المغرب والعشا

لحسن الواحد يموت بره هيقابل ربنا ازاى ؟؟؟

خرجت وانا واقف بره البيت
لقيت آذان بيأذن..

كان آذان العشا

روحت صليتها فى المسجد

**************
وبس

فكرة حلوة يابو حميد

**| **Silent Guardian** ●** · 21-02-2009 03:11 AM

ههههههههههههههههههه

ميت مساء عليك يا ابوحميد
انا هقع على الارض من الضوحك
ضوحك = ضحك بوضع ضامة بعد الضاد
انا بيحصلي كل يومين موقف من دول
بس كلهم طايرين من نفوخي
بس اكيد هتشوفني في التوبيك ده كتير
و فكرة جامدة
موية موية
موية = مية بوضع ضمة بعد الميم

**| سندباد ●** · 21-02-2009 03:13 AM

جامدة موت يا احمد

حاوارك ده فكرنى بواحد صاحبى بالليل

بصراحة كان مسطول شوية

واحنا ماشين فى الشارع
كان فيه واحد أخرس معدى علينا

فرد قال "وعليكم السلام ورحمة الله وبركاته"
قال يعنى بيرد السلام

على واحد أصلا مش بيتكلم
واحنا متنا عليه من الضحك

*************

**Karmouty** · 21-02-2009 04:34 AM

اولا فكرة جميلة زيك

كنا بنلعب كورة ولميت واحد قدى فى الجسم تلات اربع مرات كدة وبقيت انفرا بالجون

المهند سبت الكورة وقعدت اضحك والحمد لله الكورة ضاعت

بس كان حتة يوم اتببهدلت فية بس الحمد لله كسبنا تقريبا على ما اتذكر

المشكلة انى من بعدها بلعب باك يمين او خط وسط منعا للتهزيق وخلافة

**Messi** · 21-02-2009 03:15 PM

هكمل حكياتى مع الكلاب طيب
وشكرا للى شارك
ومستنيك يا شومان

وانا فى اسماعليه فى سنه تالته ايام الامتحانات كنت قاعد فى شقه فى منطقه اسمها حى السلام
المهم كنا ايامها بنصلى الفجر وننام شويه ونروح نمتحن على الساعه 9 او 10 مش فاكر والله
المهم كنت انا ومحمود اللى هو مواطن مصرى لو حد فاكره وواحده اسمه ماجد
ماجد بقى تخين شويه كده وبكرش وعيل مشكله
ومحمود مشكله اكتر منه وبيخاف من الكلاب بطريقه بشعه
انما انا بقى بموت من الكلاب
المهم راجعين من الفجر فسمعنا صوت كلاب من بعيد
قولتلهم يا جماعه محدش يجرى ومتخافوش والكلاب بتحس بينا لو خوفنا وعملت فيها سبع رجاله فى بعض
لقيت محمود بيكلبش فيا وماجد وشه احمر وقالى يا عم مش هنجرى بس احلفوا
قولتله يا عم متخافش
المهم دخلنا الشارع اللى احنا ساكنين فيه لقينا اربع كلاب محمود قام ماشى فى وسطنا وجابنى جمب الكلاب
فبقول لمحمود اجرى يا محمود بصوت عالى على اساس انى بخوفه يعنى
لقيته نط وقام فاتح فى الجرى
سمعت الكلاب بتطلع صوت كده اكيد انتوا عرفينوا
قمت فاتح اسبرنت :">وبجرى لقيت اللى ماسك فى هدومى وبيشد فيا
كان ماجد وانا اقوله يا عم سيبنى وهو يقولى متسبنيش
بس على مين قمت ضاغط بنزين وفاتح ع الاخير محمود لقيناه فى اخر الشارع وانا حصلته وماجد قامت لازق فى الحيطه ومشى جمبها والكلاب سابته

بس ضحكنا ضحكنا يوميها قلبنا كان هيقف وفى ناس كانت ماشيه ورانا ماتت من الضحك هى كمان علينا
:">:">

**Messi** · 21-02-2009 03:28 PM

كنت عند واحد صاحبى عاوزين نخرج
فقام عشان يغير هدومه فقام جايب البنطلون من ع الحبل
وبعد اما لبسه بشويه لقيته بيقول ااااااااااااااااااااااااا اااااه
اتارى كانت فى نحله مستخبيه جوه البنطلون
واول لما لبسه انتقمت منه على طول
وياعينى مقدرش يقعد بعدها كذا يوم