معركة ما بعد زوال الحب

[Haneen]

معركة الحب
الحب أحيانا بيتحول لمعركة
أحيانا يتعادل الطرفين
وأحيانا اخرى يكون هناك منتصر ومهزوم

اللى فوق ده لغة المعارك
ما ينفعش نطبقها على الحب حتى عندما يكون معركة
لانه فيه احتمال تالت ان الطرفين يبقوا مهزومين
وما فيش اى معركة فى الدنيا ممكن يبقى فيها الاحتمال ده

للحب أنواع كثيرة
بس أنا حأتكلم هنا على نوع واحد,,,شائع
اتنين عرفوا بعض ,, حبوا بعض وارتبطوا ببعض
كلام جميل ,, ربنا يهنيهم
من امتى الدنيا بتهنى حد؟؟
دخل ولاد "الحلال " بينهم.....وما أكثرهم فى هذه الدنيا
وكانت النتيجة انهم سابوا بعض
كل طرف فاكر نفسه مجنى عليه
وهما فى الحقيقة الاتنين جانيين
جنوا على حبهم
سمحوا لغيرهم يقطّع ابنهم ...حبهم
مش الحب اللى اتولد بينهم ده يبقى ابنهم؟؟

حصل اللى حصل
وجه الفراق
وتحول الحب الى معركة
كل طرف عايز يثبت للتانى أنه الخسران
غيرهم قطع حبهم وهما كملوا تقطيعه

احنا فى معركة دلوقتى
كل طرف بيحاول يجرح الطرف التانى على اد ما يقدر
ونسيوا كرامة الايام الماضية
لما كل طرف كان بيحاول يحمى التانى على اد ما يقدر

طرف من الطرفين ظروفه اتغيرت
ارتبط
سواء عن حب او بغير حب اهو ارتبط

بقانون المعارك هو كده حقق نصر على غريمه (طرفه الثانى سابقا)
واستمر فى معركته وكده داس على اول خط الغلط
ليه بقى غلط؟؟
لان الطرف التانى اكيد تألم لما عرف أنه ارتبط ,, انجرح أكتر
ما تضربش خصمك ابدا وهو مجروح
ولو لا بد من ضربه حاول ما تضربوش فى الجرح
مهما كان آذاك
خليك دايما فارس نبيل فى كل معاركك حتى لو اللى قدامك ما كانش كده,,حتى لو كنت مجنى عليك فعلا

ما تنساش دايما ان الايام دول
ومن يأمن للدنيا كمن يأمن للسراب
سيذكر لك غريمك دائما انك ضربته فى جرحه
وقد تتبدل الكراسى والادوار (وكثيرا ما يحدث)
لن يرحمك حينها لأنك لم ترحمه الان

الى كل من تحول حبهم الى معركة
أذكروا يوما كان الغريم لكم حبيبا
حتى وان انتهى هذا الحب
لا تطعنوا غريم معركة الحب فى جرحه فلن ينساه

[| Nadooosh ●]

الله
حلو قوى الكلام دة
وياريت كل الناس تفهمة
شكرا حنين
بجد انتى مبدعة

[tiger]

تسلم ايديكى يا حنين على الموضوع الجامد جدا ده

[ReRe]

الله عليكيبجد متميزه يا حنين

[Wezooo(•'.'•)]

الموضوع حلو اووووووووى يا حنين
ويا ريت الحب مش يبقى زى الحرب او يتشبه بيه لان الحرب مش بيقى فيها غير الدمار
اما الحب ...بيبنى مش بيهدم

[Haneen]

(المشاركة الاصلية تمت بواسطة منتوسة) الله اية الكلام الجميل دة
وياريت كل الناس تفهمة
شكرا حنين
بجد انتى مبدعة
ربنا يخليكي ياندي علي مجاملتك وذوقك ميرسي للمرور

[Haneen]

المشاركة الاصلية تمت بواسطة tiger تسلم ايديكي ياحنين علي الكلام الجامد جدا دة الرد ميرسي لذوقك بجد ياتايجر وميرسي لمرورك الجميل

[Haneen]

المشاركة الاصلية تمت بواسطة rere اللة عليكي بجد متميزة ياحنين الرد ميرسي ياقمر لردك الجميل تسلمي

[Haneen]

المشاركة الاصلية تمت بواسطة wezooo]الموضوع حلو اووووووووى يا حنين
ويا ريت الحب مش يبقى زى الحرب او يتشبه بيه لان الحرب مش بيقى فيها غير الدمار
اما الحب ...بيبنى مش بيهدم
الرد ميرسي ياويزو لتعليقك الجميل نورت التوبيك

[ELwAd ELsHa2Y]

ميرسى على الموضوع