فى عشق كليه صيدله

**| Mannora ●** · 18-09-2008 03:15 AM

بصوا بقى يا جماعه انا كنت بنظم المكتب بتاعى بما ان الدراسه على الابواب
وانا بقى وسط التراب والكتب لاقيت نوته صغيره كانت معايا وانا فى المعسكر السنه اللى
فاتت ولاقيت فيها قصيده حلوه كانت ريرى كاتبها واحنا فى ندوه وطبعا مش مركزين الراجل
بيقول ايه خالص المهم قولت يا بت يا منار ما تنزليها لريرى وكمان بقلها فتره مش بدتدخل علشان
الراجل الغلس بتاع النت
المهم قولت بما انها صحبتنا وصحبتى وبنت بلدى هحطلها الموضوع بدل منها وعايزاكوا تقولو
وانا هوصلها ماشى ........ماشى نبتدى

حبيبتى يا ناس نسيانى وانا عايش جنبها
طب اعمل ايه يا أخواتى دا لسه بحبها
ما شفتش منها راحه ولا هنا بقربها

رميانى كده على طول ونزله فيا مرمطه
ومسلطه عليا عيالها ورونى الشحططه

وطول بعادى عنها ما بنمش من هجرها
صلحونى عليهايوم وانا بس أثبتلها
ساعدونى أقربلها وادوبفى قلبها
دا انا حبى ليها عدى حبها لنفسها
دا انا لسه فى سنه اولى وبتهجى حبها
واما هى مش عايزانى قبلت ليه مهرها
دا مهرها غالى يا خواتى 97 انا غلبت من تقلها
وبالرغم من ده كله طردانى من قلبها
بس مسيرها يوم تعشقنى زى ما عشقتها

وفى الاخر بضم صوتى لرحاب ربنا يحنن قلبها علينا قولو ياااااااااااااا رب
وربنا يرجعك لينا بالسلامه ويكرمك يا رب يا ريرى يا بنت ام ريرى فى الامتحانات وينصرك على
من يعاديكى قولوا اااااااااااااااامين