جاى بعد ايه

[memaro]

جاى تتالم بعد ايه جاى تتكلم
وعلى قلبى تلوم وتتندم
مش انت اللى بعت الهوى
وانا اللى كنت فاكره ان اللى ما بينا عمره ما هيضيع هوى
سبتنى ومشيت وعلى قلبى جنيت



كنت فى حبك مخدوع
بلاش ياقلبى تبكى الدموع
دى جراحه جراح
بس عمر الزعل ما هيرجع اللى راح
كنت فاكراك حبيب
ومن القلب قريب
لقيت الغدر منك اقرب قريب
جاى دلوقتى بتلوم على قلبى
بعد ما حبك جرحنى
وبكل قسوه قلبك دبحنى
مع واحده تانيه خانى
ده انت حتى قولت انى انانيه
وان جرح قلبى كان بإيديا
ده انت سبتنى مجروح
وكنت فاكراك دوى للروح
كنت بخاف عليك
ده انا كنت جوى قلبى بخبيك
ليه القسوه ليه
وليه الجرح يبقى من إيديه
فاكر ياقلبى لما هونت عليه
وسابك وراحلها
وانت بكل طيبه دعتله يلاقى السعاده فى حضنها
حتى الدبله ادتهاله
وقولتله دبلتك مش علشانى
ومابيبنى ومابينك ايامى
حتى احلامى سرقتها
وانا بين إيديك ضيعتها
وبعد ده كله وبكل بساطه وعاوز يرجعلى ومن تانى
يتفنن فى غدرى
اه عليك يازمانى




وقالى انا من بعدك عايش وحيد
انا فى حضنك عمرى ما كنت غريب
وبكل سذاجه صدقته
ورضيت بحبه ورجعته
اصل هو ليا الحبيب
وحبه فى قلبى بيسرى فى الوريد
واستحملت عذابه
وقفت كتير على بابه
اترجى حنانه
بس القسوه كانت عنوانه
جاى دلوقتى يتندم ومن جرح قلبى يتألم
وبيقول انى ظلمته
وبكل سهوله دمرته
ناسى حضنى كان بالنسباله ايه
ناسى انا كنت بضحى عشانه قد ايه
جاى يتألم
جاى بعد ايه تتكلم
وعلى قلبى تلوم وتتندم
خلاص حضنى مبقاش علشانك
وقلبى نسى ظلمك واحزانك
تعبت كتير علشانك
وداويت جرحك ونورتلك ايامك
وكان الكدب هو اساسك
خلاص انا بقيت بعذب اللى من اجناسك
وهدوس على قلبك ياللى فاكر نفسك اغلى ناسك
هعلم قلبى عدم الاحساس
اصلى عرفت ان الحب ده ليه ناس وناس
مانا خلاص اتعلمت خلاص

[سندريلا البحر]

كلامات جميلة اوى

[رحيق العسل]

تسلم ايدك