والله أنا حالى معاك بيبكى

**جوليت** · 10-07-2010 01:10 AM

والله أنا حالى معاك بيبكى

ولا تصدق دا يضحك موت

أنت تقولى كلام وتحكى

وأنا يوصلنى كلام فى سكوت

تهت أحترت من أللى أنا فيه لا عارفة أصدق

ولا عارف أكدب طب أعمل أيه ؟

كل دا ليه قلبى أتعذب وأنت ...

وأنت نسيه وجى بتلومه وتيجى عليه ؟

قالوا فى قلبك حب جديد سكت

...... وقولت أنا أللى فى بالك

جوه عيونهم تهت بعيد ولما رجعت ......

حيرنى أنا حالك

جوه عنيك شفت غرام ...........

خايفة أصدق بقى دا ليه ؟!

ولا أنا شفت فى عنيك أوهام والله حرام دا كفايه عليا

أيوة تعبت ....... أيوة فى حبك شفت جرح وعذاب

حتى فى قربك شفت المر وجوه عنيك أمل كذاب

أنا مش بشكى ولا بحكيلك أنا بترجى تبعد عنى

لما تشفنى أو حتى أجيلك خدنى فى حضنك قرب منى

شفت الحيرة شفت عذابى
شفت يا حب عمرى يا كل أحبابى

والله انا معاك بيبكى

**لست قلبى** · 10-07-2010 01:29 AM

كلمات جميلة وموضوع اجمل
بس ياريت تنسقي الموضوع فى ابيات
وفعلا الشك فى الحب بيدمر احيانا
كل شئ حلو فيه
تقديرى لقلم شخصك

**جوليت** · 10-07-2010 01:52 AM

مرسى قوى لزوقك
وحولت انسق الموضوع اكتر من مرة بس الحقيقة مطلعش زى ما كنت منظمه ومعرفش ليه
بس اهم حاجة تكون الكلامات وصلت والاحساس

**| **Silent Guardian** ●** · 10-07-2010 02:03 AM

حلوة يا سمر
صعبتي عليا الصراحة
و ربنا ييسرلك الامور
o:-)

**جوليت** · 10-07-2010 02:27 AM

ميصعبش عليك غالى يا مصطفى متقلقش انا كويسة ومفيش حاجة
دى مجرد فكرة وموهبة وانت مقولتليش رايك فى فكرتى وموهبتى واحساسى

**| **Silent Guardian** ●** · 10-07-2010 02:36 AM

الموهبة جامدة من زمان
و انا ايه يعني عشان احكم عليكي
و الاحساس , الصراحة محبيتهوش
حزين و مش طالبة كئابة
75% من حالات الكلام عن الحب ارتبطت بالحزن
مع ان الواحد بيحب عشان ينبسط!
بس ولا اي انبساط

انا محبيتهاش عشان حزينة
بس هي جامدة طبعا يا سمورة

**..●●**آه...لو**●●..** · 10-07-2010 02:36 AM

الله والله حلوه يا سمر بجد احساسك حلو وتملي نكديه
يا بنتي والله انتي طريقك سالك مع هاني شاكر اساليني انا

**| Mannora ●** · 10-07-2010 02:47 AM

مبدعه كاعاده يا سمر كلام احساسه جامد وفكره هايله بتعبر عن ناس كتير وكمان

كلامك خفيف وقريب من القلب

حاولت اظبط التوبيك شويه على شكل مقاطع اصل الصفحه صغيره من فوق وبتعمل

معايا كده كتير الاقى حاجه غير اللى كنت منسقاها

**| Mannora ●** · 10-07-2010 02:49 AM

ديما بتقول حكم يا كبير.....

**جوليت** · 10-07-2010 03:25 AM

اولا يا مصطفى انا عوزاك تحكم عليا باحساسك وتحكم على معنى الكلامات والاحساس وان كان الحب فيه لحظات حزن كتير يمكن لان لحظات الفرحة فى الحب صعب التعبير عنها ووعد منى خلال يومين انزل حاجة تبقى رومنسة واحسن بس غصب عنى موعدكش ميكنش فيها شوية قلق وخوف على الاقل طبعى كده

ومرسى يا فهمى على وصفى بنكدية بس بعرف اكتب رومسى وحاجات تفرح ووصفى بنكدية اكدلى ان احساسى فى الاغنية وصل ودا اكيد يرضى غرورى واقدر اول انى فى يوم ممكن اوصل وابقى حاجة فى مجال الكتابة

تسلمى يا منورة على تظبيط التوبك انا والله ةحولت بس فشلت ويارب دايما كدة كلماتى تعجبك

معلومات الموضوع

والله أنا حالى معاك بيبكى

الموضوع: والله أنا حالى معاك بيبكى

أدوات الموضوع