أيوه هقولها

**لست قلبى** · 12-07-2010 07:52 AM

ايوه هقولها

ومش هخبى يا قلبى تانى

حكاويك عنها

دنا ياما داريت الشوق عن قلبها

وكلمة احبك خلاص حان وقتها

ومش هستنى تانى

دنا قلبى مش قادر على بعدها

ايوه هقولها

انى ياما كتير حلمت بقلبها

وسهرت الليل على رمشها

مستنى اللحظة اللى فيها هقولها

ان قلبى مال واشتاقلها

يتمنى يكمل عمره الجاى جمبها

ولا يبعد تانى عن حضنها

ايوه هقولها

ان فى احلامى ياما قابلتها

وكنت احكيلها اللى فى قلبى واعيدلها

ياخدنى جمالها واشاهد بحور حُسْنها

ده القمر فى ليله يغير منها

ايوه هقولها

انى شفت كتير قبلها

محستش ان ليا قلب

الا لما نطق ودق باسمها

حبيت الدنيا والناس اللى كرهتها

بنظرة عينها انسى اللى فات

وابدأ اعيش بعدها

ايوه بحبها

ونفسى اعيش العمر فى قربها

**| Amino2 ●** · 12-07-2010 06:27 PM

الله
بجد جميله وشدتنى
تسلم ايدك

**| Mannora ●** · 12-07-2010 09:12 PM

جاااااااااااااامده اوى احساسها رائع ورقيق اوى

**لست قلبى** · 13-07-2010 12:34 AM

والله يا باشا منورنى بردك الجميل ده
وبالكوسة اللى تخلى الريق يجرى
تصدق جوعت عالمنظر
تحياتى وتقديرى

**لست قلبى** · 13-07-2010 06:09 AM

ميرسى اووووووى يا منورة على ردك ومرورك
الذى مازال يسعدنى
تقديرى وتحياتى

معلومات الموضوع

أيوه هقولها

الموضوع: أيوه هقولها

أدوات الموضوع