احمد فؤاد نجم بلدي وحبيبتي....على فكره اللي مش هيسمع هيندم والله على كلام روعه هيفوتو

[..●●آه...لو●●..]

دايما بنسمع
الشاعر العظيم احمد وهو ثائر طبعا بس مين فيكم بقى
شافو وهو بيحب في عزه
عارفين عزه
لا
يلا بينا نعرفها
ونضحك ونحزن ونحب سوى
على فكره اللي مش هيسمع هيندم والله على كلام روعه هيفوتو

اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/

الغرام فى الدم سارح
والهوى طارح معزة
والحنين للقرب بارح
والنوى جارح يا عزة
يابتسامة فجر هلت
بددت ليلى الحزين
يا ندى الصبح اللى شقشق
فوق خدودى الدبلانين
بل شوقهم
صحى لون الورد فوقهم
مين يدوقهم
مين سواكى
يا حياتى يا ملاكى
يا نسيم الحب لما هب هز القلب هزة
يا هوى الأحلام يا عزة
ومين سواكى
الليلة دى يا حبيبتى
جم خدونى
جوز تنابلة ونص دسته من التيران
كنت بحلم يا حبيبتى
كنت بحلم بيكى انتى
ومين سواكى يا حياتى يا ملاكى
يا نسيم الحب لما هب هز القلب هزة
يا هوى الأحلام يا عزة
كنا قال انا وانتى قال
فى جنينة خضرا ومحاوطها البرتقان والسيسبان
وانتى جوا قرنفلاية فى العبير بتستحمى
اجرى يمك يا هوايا تسبقينى وتجرى يمى
احضنك واشرب عبيرك من شفايفك
والغصون واقفة شايفة بتراعينا
بس خايفة من العيون
والعيون بتقول كلام
والكلام طاير حمام
بيهادينا بالمحبة وينادينا بالسلام
وانطلق فى الجو فجأة
يا حبيبتى صوت مفاجأة
صوت يخلى الدم يجمد
اصحى ياحمد اصحى ياحمد
انتو مين؟
فين إمام ؟
احنا ناس مكلفين
تيجى سالك مش هاتتعب
واحنا طبعا معذورين
انتو دود الأرض والآفة المخيفة
انتو ذرة رمل فى عنين الخليفة
انتو علة فى جسم بلدى
انتو جيفة
سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كممونى يا حبيبتى
كتفونى
قومونى
قعدونى
كل شعرة فى جسمى بالعين فتشوها
والمخدة من جنانهم شرحوها
وانتهى التفتيش
مافيش..صدقينى ماتخافيش
هو انا يا عزة عندى ممنوعات
غير بحب الناس واكره السكات
بص واحد من التنابلة جوا عينى
وانتى عارفة عنيا صافية وطيبين
شباكين عالقلب دوغرى منورين
كان مناه يلمح علامة خوف بسيطة
طب هاييجى الخوف منين ابن العبيطة
هو مين فينا الجبان
ولا مين فينا اللى خان
اللى قلبه بالأمانى وبالربيع الأخضر مزهر والأغانى
ولا كلب الصيد وأسياده الأباطره اكالين لحم البشر فوق الصوانى
هو بص فى عينى بصة وانحمق وفى حلقةه غصة
واتعوج ومال وقال كلمتين مش مفهومين
أصله شاف صورتين جمال
فى العيون الطيبين
مصر فى العين الشمال
وانتى فى العين اليمين

[| love ●]

جاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااامد
عظمه على عظمه

[| please smile ●]

من الاخر نجم دة استاذ
كلامه روعة مش هنا بس لا فى كل اللى بيقوله
هو كلام شعبى جدا بس فعلا جااااااااااااامد

[..●●آه...لو●●..]

شكرا لاف وشكرا حوده
مبسوط انها عجبتكم
وتابعونا علطول بقى في كل جديد

[..●●آه...لو●●..]

الله عليك يا عم تجموانته بتقول الحتهدي
اصحى ياحمد اصحى ياحمد
انتو مين؟
فين إمام ؟
احنا ناس مكلفين
تيجى سالك مش هاتتعب
واحنا طبعا معذورين
انتو دود الأرض والآفة المخيفة
انتو ذرة رمل فى عنين الخليفة
انتو علة فى جسم بلدى
انتو جيفة

[Spider GirL(•'.'•)]

جميلة اوى اوى اوى اوى خالص يا كوكى

[| Mannora ●]

ايـــــــــــــــه الراجل ده

جامد جامد يا عم احمد

حساه زى جدى ولا حد قريبنا كبير

لممنا حوليه وبيحكى لينا

كلامه حلو كده اوى وسهل وقريب لقلوبنا

اللـــــــــــــه عليك يا عم احمد انت وعزه

[| Mannora ●]

بص واحد من التنابلة جوا عينى

وانتى عارفة عنيا صافية وطيبين

شباكين عالقلب دوغرى منورين

كان مناه يلمح علامة خوف بسيطة

طب هاييجى الخوف منين ابن العبيطة

هو مين فينا الجبان

ولا مين فينا اللى خان

اللى قلبه بالأمانى وبالربيع الأخضر مزهر والأغانى

ولا كلب الصيد وأسياده الأباطره اكالين لحم البشر فوق الصوانى

هو بص فى عينى بصة وانحمق وفى حلقةه غصة

واتعوج ومال وقال كلمتين مش مفهومين

أصله شاف صورتين جمال

فى العيون الطيبين

مصر فى العين الشمال

وانتى فى العين اليمين



جامده الحته دى اوووووووووووووووى

[..●●آه...لو●●..]

مبسوط اوي يا جماعه انها بتعجبكم
مش عاوزكم تنسو الجمايل دي
شكرا موني
شكرا منورا

[| Mannora ●]

مش هننسى ما تقلقش