ممكن الافادة لو سمحتم

**| please smile ●** · 30-01-2009 08:33 PM

انا لسة فى اعدادى هندسة وعاوز ادخل قسم ميكانيكا

بس فى ناس كتير خوفونى من القسم دة فممكن اراءكم فى القسم دة؟

او ممكن اراءكم فى اية هو القسم اللى شغال حاليا جامد فى مصر

**| **Silent Guardian** ●** · 30-01-2009 09:31 PM

السلام عليكم
انا مصطفى شومان
في تالتة اتصالات
بص يا سيدي
اول هام
انا كان نفسي انك تقولي انك في تالتة ثانوي
عشان اقولك و انا قلبي مطمن عليك
يا ابني اكتب رغبتك الاولى " تجارة انجليزي " و متكتبش هندسة دي خالص
بس للاسف انت ظلمت نفسك و دخلتها
اختيارك للقسم بتاعك خليه بناءا على كذا حاجة
أولا : رغبتك الشخصية
انت حابب ايه؟
طبعا السؤال ده سيادتك بس اللي يقدر يجاوب عليه
لو انت راجل بتعمل اللي انت بتحبه بغض النظر على باقي الاختيارات , يبقى انت كده هتلخص الموضوع

ثانيا : سهولة الدراسة
هي بتختلف من جامعة لجامعة طبعا
بس مش كتير
لان المناهج تقريبا واحدة
لو هنتكلم على جامعة الزقازيق اللي انا فيها كمثال
اصل قسم من ناحية الدراسة و متابعة الدكاترة والمعيدين و توافر الورق والكتب
هو مدني
و بقولها باعلى صوت مدني احسن قسم في كلية الهندسة جامعة الزقازيق
ثم بعد ذلك
قسم الهندسة الصناعية
قسم الهندسة المعمارية
قسم الهندسة الميكانيكية
و اخيرا و ابعد عن الشر و غنيله كهرباء بمشتملاتها ( باور واتصالات )

ثالثا من ناحية الشغل
اولا كله بيشتغل
و متصدق اللي يقولك قسم كذا مضمون
لا كله مضمون
و كله زي الفل
لكن بتفرق في مكان الشغل , و ظروف الشغل
و المرتب طبعا
يعني مثلا مش هاخد مهندس اتصالات اوقفه في موقع مباني , و لا مهندس ميكانيكا اشغله في فودافون . اظن دي واضحة
بس كله بيشتغل , حتى بتوع قسم صناعية

و اخيرا , شوف انت حابب ايه , و صلي صلاة استخارة و باذن الله ربنا يهديك من امرك رشدااااااااااااااااا
سلاموعليكم

**| **المقصرة في حق الله** ●** · 30-01-2009 10:54 PM

يابني بجد لو هندسة الزقازيق احسن قسم واحسن معيدين فيه هو مدني واحسن طلبة بجد قسم حلو بس ذاكر
وميكانيكا حلو والله برضه اهم حاجة تدخل قسم تذار فيه واللي عايز يشتغل بيشتغل حتى لو معاه ايه
ربنا يوفقك ان شاء الله

**| سندباد ●** · 31-01-2009 11:58 AM

للافادة فقط

طبعا انت مجموعك هيحكمك ...... ودى مشكلة فى بلدنا

وطبعا لازم تسمع كلام مصطفى شومان .....

أما لو أنت خلاص ميكانيكا وحابب تطمن ع الشغل
انا أخويا مهندس كهربا باور وبيقول ان فى كل مكان مطلوب مهندسين ميكانيكا "يعنى فى كل مصيبة مطلوبين وأكتر كمان فى شركات البترول "

************
وربنا يعينك يا سيدى ويهديك للطريق الصح
وياريت تستخير ربنا فى موضوعك ده

**| please smile ●** · 31-01-2009 01:41 PM

بجد شكرررررررررررررا على المعلومات دى

بس انا مش متفق مع مصطفى شومان انى كنت كتبت تجارة انجليزى

ياريت بس اعرف كنت اختارها على اى اساس ؟

ومتقوليش علشان التجارة انجليزى اسهل من الهندسة لان كل كلية فيها الصعب والسهل

ولا الهندسة راحت عليها؟!!!!!!!!!!!!!!!!!!!!!!!!!!!!!!!!!!!!!! !!!!!

ومتزعلوش دة نقاش

**Jasper** · 02-02-2009 12:55 AM

بص انت اختار بنفسك متخليش حد يختارلك لانك انت اللى هتدرس من انا ولا اى حد فى المنتدى وانت اخترت خلاص هندسه يبقى متندمش علشان متكرهش الدراسه خالص ويارب اكون افادتك