يبقى انت اكيد ... ( فى صيدلـــــــــــــــــــــ ــــــــــــة )

**Spider GirL**(•'.'•) · 13-11-2008 11:26 PM

أزاى تكون متاكد 100 % انك فى كلية الصيدلة؟؟؟chemi cals
لما تبقى ريحتك *تقرف و الناس فى الشارع تبعد عنك و انت طالع من سكشنorganic ولا الـ analyticalالـ و انت يا عينى مش عارف ليه !!...
يبقى انت اكيد اكييد فى صيدلة
لما ايدك تبقى ألوان الطيف كلها و صوابعك محروقة .
. يبقى انت اكيد اكيد فى صيدلة
لما يبقى البالطو بتاعك *"dirty"( موضة يا اهبل) من كتر الالوان اللى بتقع عليه, و يا سلام بقى لو مخرّم من الـconc sulphuric مع انك مشتغلتش بـ conc sulphuric اساسا! ! يبقى انت ايييييييييه؟ شاطر

باين عليك ف صيدلة
لما تشوف وردة... بدل ما تشمها زى البنى ادمين ولا تقول سبحاااان الله... تقوم..( لأ مش تاكلها

تفكّر ياااا ترى دى من اى family ؟؟ و ياااا ترى ايه هو الـ active constituent بتاعها ؟؟ طب ممكن تيجى فى الامتحان؟؟؟ يبقى انت اكيد بتمووووت فى الـ;) cognosy
لما تمتحن 55 مرة فى الترم.. عملى و نظرى و نظرى عملى و عملى عملى .. لغاية ما تنسى ايه هى المواد اللى بناخدها اصلا....... ؟
.. يبقى انت اكيد فى ( نسيت و الله )
لما تمتحن نظرى نص السنة فى 28 يوم مع ان المواد *5 بس !!!
يبقى انت اكيد فى صيدلة
و لما تقرر انك تتوب و تذاكر جامد جدا جدا و تدخل الامتحان .. انك تفتكر كلمة!!! .... ابقى قابلنى..و لو ربنا فتح عليك و افتكرت .. تطلع م الامتحان مزقطط و تعزم اصحابك على حاجة ساقعة ( طبعا الصيادلة مشهورين بالكرم ;).. يجيلك واحد رزل يراجع معاك (و انت مبسوط بقى) تكتشف ان كل حلولك غلط تديله بالازازة على دماغه ولا يحصله حاجة!!!
... يبقى انت وهو....اكيد اكييييييد فى صيدلة
لما ييجى دكتور يقولك **فيه كلام هنسى اشرحه فى المحاضرة موجود عندك فى الكتاب.. حضرتك مطالب بيه فى الامتحان...و فيه كلام هنسى اقوله فى المحاضرة و نسيت اكتبه فى الكتاب ... برضه سيادتك مطالب بيه !!!
يبقى انت اكييييد اكيد فى صيدلة!!
و لما ييجى دكتور تانى( من المفترض انه محترم يعنى )يقول فى (وسط) المحاضرة :" ***** يا ......." (الرقابة حذفتها ) يا اخى ده فى تجارة و حقوق اخرهم يقولوا للواد يا حمار !!!
يبقى انت اكيد اكيد فى محاضرة الدكتور ..... ( برضه الرقابة حذفتها ) معلش و اهم حااااجة بقى لما تكون علطووول.... مشمئنط لأ و كمان حاسس باشمئنااااط مفيش بعد كده و تحس ان الدكاترة و المعيدين كلهم مشمئنطين منك ...
مرحبا بكم فى صيدلة

ربنا معانا
والله بنتعب جامد
ادعولى

**| Mysterious man ●** · 14-11-2008 12:54 AM

الحمد الله انا فى كلية تجارة .. تجارة تجارة ...

**Wezooo**(•'.'•) · 16-11-2008 07:29 PM

ههههههههههههههههههههههههه هههههههه
ربنا معاكى يا بنتى
ممكن سؤال دى صيدله ولا .................. الرقابه بقى حذفتها

**Karmouty** · 29-11-2008 11:21 AM

بصراحة بعد اللى قلتية دة كلة بردة هندسة اصعب بكتيررررررررررررررر

داحنا بنشوف الويل

يالا ربنا معانا ومعاكم بجد يعنى

**Spider GirL**(•'.'•) · 31-12-2008 02:18 AM

الحمد لله
ربنا يوفقك
شكرا روحيم

**Spider GirL**(•'.'•) · 31-12-2008 02:21 AM

ههههههههههه
الرقابة بتحذف حاجات كتير

استعين بحد فى صيدلة الزقازيق ( مش اان طبعا ) حد بيحضر يعنى هيقولك المحذوفات دى هههههههههههههه

**Spider GirL**(•'.'•) · 31-12-2008 02:26 AM

المسألة مش صعبة او سهله احنا بنتبهدل فى الكلية وفى المعامل
وربنا معانا كلنا

**| Nadooosh ●** · 31-12-2008 09:07 PM

هههههههههههههههههههههههاا ااااااااااااااااااااااااا اااااااااااااااااااااى

ياكبدى يابنتى

انتى بتشحتى ع النت ولا اية

ربنا معاكى يابت يامانى وان شاء الله هتخلصى من الكلية الى معقداكى دى

**Hot Ice** · 31-12-2008 09:42 PM

طب والله ومش مجامله ... كانت أمنيتي أدرس طب أو صيدله

ولحد دلوقتي لسه بفكر !!

معلش ياأماني ( انزلي ) تحت شويه .. انتي عارفه

معظم الريحه بتطلع ( فوق ) حد قالك ( اطلعي ) !!