حد عايز يرد عليه ؟؟

**Hot Ice** · 07-01-2009 03:23 AM

أهلا بيك للمرة التانيه ياويزوو ..

علي فكرة انا عامل موضوع اسمه خبر عاجل بتكلم فيه

عن كيفية الاصلاح وانه لازم يبدأ مننا أولا كأفراد .. يعني مش

هختلف معاك في النقطه دي .. لحد كدا كويس ؟ أوك

اللي هختلف معاك فيه ..

هفترض اننا شعب متخلف .. بلاش اتكلم عن الشعب ...

هتكلم عن نفسي هفترض اني مواطن ( زباله ) وفيا بلاوي الدنيا

والحكومه بئا مثلا مثلا .. ( وبعد الشر عنهم ) حكومه اسلاميه

بلاش اسلاميه أحسن يعتبروني إخوانجي .. حكومه قويه وكما

تعطيك حقك تحاسبك علي تقصيرك ..

في الحاله دي هعرف ( أتسيب ) وأعمل أي حاجه من اللي قلتها حضرتك ؟

طبعا لأ !

إذن مفهوم الهرم ( اصلاحيا ) لازم يبدأ من فوق مش من تحت !! صح ؟

السعوديه مثلا .. السرقه فيها زي مصر ؟؟؟؟؟

عارف السبب ؟؟ طبعا علشان ايده بتتقطع !

وبعدين استحاله تجمع وتوحد ال 80 مليون علي انهم يرموا الزباله في

السلة .. استحاله .. لكن لو حد اتحاسب هيلم نفسه ويفكر مرتين !

وماتفهمش من كلامي اني عايز سياسة الكرباج .. أبدا

اللي عايز اقوله ان الهرم بيدأ من ( فوق ) .. اصلاحيااااا !
.
.

**Wezooo**(•'.'•) · 07-01-2009 03:55 AM

بص انا هقولك حاجه ياعم هوت سيدنا محمد لما جه يدعى ويبنى الدوله الاسلاميه مش بدأ بالقمه يعنى الدوله بدات صغيره جدااااااااا واحده واحده بدات تكبر لحد ما بقت امبراطوريه فى عصر الصحابه يعنى لازم برده احنا والشعب يبقى مسلمين صح
اما بنسبه لتطبيق الشريعه الاسلاميه فى الحدود فا ده عندك حق لازم بس برده
لازم احنا ننادى بكده لو السعوديه بطبقه فا دى مش يمنع ان فيه ناس بتسرق وناس بتقتل يعنى الجريمه مش هتنتهى لازم تبقى موجوده دى حاجه موجوده من اول ما وجد الانسان
اما التغيير لازم يبدا من تحت هقولك حاجه الناس اللى فوق دول حرميه هتلى حد ينفع يمسك بدلهم هتلاقيهم برده حرميه عارف لو فيه حد بقى كويس خلاص هتبقى العيشه زى الفل هيبقى فيه امل

**..●●**آه...لو**●●..** · 07-01-2009 03:55 AM

اعذرني يا احمد
انا قرايبي وقرايبك وجراني وجرانك ماتو بالسرطان
وعارف انو هرب ومحصلوش حاجه
طيب لو مش هتقدر تعمل حاجه متكتبش ده في الجرايد وفي المنتديات عشان الاجنبي ميعرفش لان المصريين بطبيعه الحال اساسا عارفين
انا انتخبت حسني مبارك وكمان انتخبت محافظ الدقهليه وعضو مجلس الشورى اللي في بلدنا
حكايت السعوديه والاصلاح
اساسا اساسا السعوديه مفسدتش او مكنش عندها قانون وغيرتوا
بس احنا عندنا ولما تيجي تغيروا
مينفعش خالص تحاسب واحد من النص عشان الباقي يتعظ تب اشمعنى ده ....تقدر ترد عليا ؟
لما نحب نصلح الهرم صلحو من تحت مش من فوق لان اللي اتحت مش هيوصل للي فوق الا لو اجتمع
ودي وظيفه محمد حسين يعقوب وعمروا خالد ومحمد حسان ووغيرهم وغيرهم وظيفت العمده او المحافظ
انت وانا مقدرش احاسب رئيس الجمهوريه او الوزير
ولما قائد الاخوان ايام السادات قالو ان ربنا اللي هيحاسبك وقعد يقولو اسحب الكلمه والواقعه المشهوره
قالو ربنا عشان رحم الله امرؤ عرف قدر نفسه
وانا عمري مكنت متحامل عليك وانا كمان بحبك وبحترم وجهه نظرك وخوفك ع البلد
ومتخافش مصر عندها اللي يدافع عنها
ومش قصدي ع جيش حسني
احنا مش محتاجينوا عشان نبقى "احسن جنود الارض"
قصدي عليا وع ولادي وولادك
بس
ومتزعلش مني

**Hot Ice** · 07-01-2009 04:26 AM

اقتناعك ان مافيش حد غيرهم يمسك استسلام وهزيمه وقبول للمنكر

اللي أُمرنا اننا نغيره ( من رأي منكم منكرا فليغيره ...الخ الحديث

الشريف )

وأديك قلتها لو حد جه كويس ( هتبقي فل ) ! هي دي البدايه

اللي بتكلم عليها !

**Wezooo**(•'.'•) · 07-01-2009 04:39 AM

بص انا هنام وبكره هنكمل اصلى تعبان اووووووووى
وبعدين انا ليسانس
حقوق

**Hot Ice** · 07-01-2009 05:00 AM

والله ياتيفا ربنا اللي يعلم .. عمري مازعلت منك

انا أزعل لو الحوار فقد معناه وتحول لتشبث بالرأي أو

لمعركة شخصيه .. والحمدلله عمرنا ماهنوصل لكدا

وبعدين ياعمنا مش اسمه جيش حسني .. الجيش ده زي ماقلت

أنا وانت واخوك واخويا وابني وابنك ...

وعلشان نوصل لهدف واحد .. انا هنفذ طلبك

ومش هتكلم عن مساويء مصر .. أقصد الحاكم

وان كنت اتكلمت عن مساؤهم فلأني حسيت انكم

بتتكلموا عنهم كأنهم ملايكه ...

يالا بقي صالحني !!

**| **المقصرة في حق الله** ●** · 07-01-2009 05:01 AM

انا مش فاهمة حاجة الموضوع شكله من زمااااااااااااان حسني مبارك ماسك الحجم من اكتر من عشرين سنة ولموضوع بعد حكمه بتلات سنين
ينفع نرد دلوقتي؟!

**..●●**آه...لو**●●..** · 07-01-2009 05:09 AM

بص يا حبيب قلبي من باب عدم التشبث بالراي
انا معاك ان حسني مش كامل بس فعلا لو بصيت للي اترشحو قصادو كنت انت هتعرف انو احسن الوحشين
وطبعا مع احترامي ليك قانون المرور مش قانون لقمت العيش فيه فرق
ربنا يصلح حالنا
وانا بجد عاوز اقعد معاك في اجازه نص السنه ضروري يا ابو حميد
وربنا العالم انا بحبك قد ايه وعارف ثقافتك وطبعا انت الكبير
والصغير له الحقق يتبغدد يعملوها الصغار ويقعوا فيا الكبار مش كده ولا ايه يلا تصبح ع خير
وكله قشطه متخفش
احنا شباب الانترنت
سلام

**Hot Ice** · 07-01-2009 05:16 AM

يااهلا يا ميني .. نورتي الموضوع

قصدك بقاله 30 سنه مشرفنا ومظبطنا

وعلي فكره .. في بداية حكمه ماكانش كدا

وراجعي تحركاته ولقاءاته وأرشيف الصور الضخم مع الفلاحين

والعمال وبساطته ايامها في التعامل ..

لكن كرسي السلطان لايُبقي علي حال !!

شوفي خلفائنا كانوا بيعملوا ايه علشان ( الكرسي ) مايغيرهمش !

ولو ماكانش ينفع نرد دلوقتي يا ميني .. هنرد امتي ؟؟

لما اخواتك وأهلك بيدبحوا واحنا بنتفرج .. هنرد امتي ؟

لما بيديهم الغاز علشان الالة العسكريه الصهيونيه تخنقنا بيه

ولما بنبني للصهاينه الجدار العازل بالحديد والاسمنت المصري

هنرد امتي ؟؟

نورتيني ياميني واسمك ضميته للقايمه لو أخدوني !

**Hot Ice** · 07-01-2009 05:28 AM

ياباشا يالا ربنا يوفقك بس كدا وتخلص

وأنا أتشرف والله بمقابلتك ومتعة الكلام معاك

علي فكرة يادرش عرفت اللي اترشحوا أُدام معاليه

مصيرهم ايه ؟ أكيد عرفت ... واحد بيموت في السجن

وواحد مات في حادثه غريبه .. وواحد ( العربجيه ) حرقوا

مقره .. وواحد ياعيني جاله زهايمر انتكاسي مرتجع وبعد

ماكان بيلبس الطربوش بقي يمسكه في ايده ويقول حالو ياحالو

والباقي أخدوا الجنسيه الصوماليه .. وشغالين قراصنة بحار !!