هل تؤيد دخول الشاب للمظبخ

**Spider GirL**(•'.'•) · 04-09-2008 08:38 PM

ميه مسا ع الحلوين

كتير من شباب الايام دي بيقولك انا هدخل المطبخ اشوف هعملي حاجه اكلها

او حروح احضر الفطور او الغذا فحبيت اشوف رايكو ..

هل تؤيدون دخول الشاب للمطبخ ويحضر لنفسه ولا لاء ودة اختصاص البنات

يعني محدش يدخل المطبخ غيرهم وعيب ان الولد هو الي يطبخ ويجهز الاكل بنفسه؟؟

عايزة اعرف رأيكم ومش هيغير حاجة انتوا بردو هتعملوا لنفسكم

**| **المقصرة في حق الله** ●** · 04-09-2008 09:36 PM

يدخلوا طبعا بدون شك ليه يعني مش هما اللي هياكلوا

**Messi** · 04-09-2008 09:52 PM

والله لو هدخل عشان اكل مفيش مانع يبقى هدخل كل شويه

انما ادخل عشان اطبخ والكلام الفاضى ده يبقى معطلكوش مش فاضى

**Wezooo**(•'.'•) · 04-09-2008 11:23 PM

على راي مسى ممكن ادخل علشان اكل مش مشكله
بس ادخل علشان اطبخ دى مش ينفع ابدااااااا
ولا اقولك ممكن ادخل حتى اطبخ حاجه تتاكل احسن ما الواحد يفضل يصوم على طول
دى حنا لما نتجوز هنشوف ايام ايه جميله
وبعد بنات الايام دى ممكن ندخل علشان مش نصوم على طول

**Dr_Matrix** · 04-09-2008 11:27 PM

عن نفسي انا غاوي اطبخ واعمل الاكل بنفسي هي هوايه مش اكتر بعملها لما تضرب في دماغي
واحسن اكل باكله على فكره هو اللي بعمله بايدي
بس برضه مش على طول يعني ده هو يوم او اتنين في الاسبوع اللي ممكن اعمل كده
لظروف ان ما فيش حد يعمل اكل
بس غير كده اخش المطبخ عشان اكل والحاجه بقى هي اللي تطبخ

بس من ناحية اؤيد انا اؤيد وبشده لان الشباب لما بيطبخوا بيبدعوا وبيعملوا الحاجه بنفس اكتر من البنات
وبعدين اشهر واحسن الطباخين في العالم رجاله مش ستات

**● **TiTaNiC LoVeR** ●** · 05-09-2008 12:19 AM

طبعا اؤيد
امال افضل طو اليوم جعان
حتى كمان اعتمدت على نفسى عشان لو حصل موقف
مفيش حد عارف ايه اللى فى الغيب

**| Mannora ●** · 05-09-2008 06:30 PM

مفروض يدخلوا ويتعلموا ولا هو اكل ومرعى وقله صنعه

وكمان يتعلم علشان هو مش عارف الايام مخبيه له ايه اهو يبقى خد حظره واتعلم

**● **Snow White** ●** · 05-09-2008 07:02 PM

اه طبعا عادى

دا حتى الرسول و صى أن الراجل يساعد مراته

و بعدين دى مش تقليل من شأنهم يا جماعه أحنا أكيد احنا إلى هنطبخ و نوضب بس أنت مش أحسن من الرسول عليه الصلاة و السلام

و بعدين سيد القوم خادمهم

و كل سنه وأنتم طيبيييين

**Hot Ice** · 08-09-2008 11:50 PM

انتي ياأماني حسستيني انك بتكلمي عن دخول مفاعل

نووي مش مطبخ ! فين المشكله انا قعدت 5 سنين في اسكندريه

تخصصي مطبخ وواحد تاني تخصصه غسيل اطباق والتالت

نضافه وحموم !

وعلي رأي اللي قالوا في ظل غياب الوعي النطيري عند البنات

( نسبه الي ابله نظيرة ) .. فلازم مضطرين نتعلم كل حاجه

وربنا يخليلنا الشيف اسامه !