كل ولد ناوى يخطب يدخل ضرورى .

**بسكوتة** · 03-09-2008 05:23 PM

كادر 1
( الحبيب يسير بجوار خطيبته ماسكا يدها ، يسيران على كورنيش النيل ، ويظهر فى الكادر مقعد سيمران عليه بعد لحظات )
الحبيبة : عارف ياحبيى أجمل حاجة فينا إيه
الحبيب : إيه ياروحى
الحبيبة : أننا متفاهمين دايما

كادر 2
( جلسا على المقعد ، الحبيبة شاردة ببصرها )
الحبيب : سرحانة فى إيه ياحبيبتى ؟
الحبيبة ( تتنهد ) : مفيش ياحبيبى ، كنت باتخيل حياتنا الجميلة بعد الجواز

كادر 3
الحبيبة : تخيلت ياحبيبى أن احنا جبنا ولاد بقى ودخلناهم مدارس خاصة
( بدأت تظهر علامات الغضب والضيق على وجه الحبيب الذي رفع حاجبه مستنكرا )

تستكمل الحبيبة : وتخيلت بقى وهما صاحيين الصبح وأنا باعملهم اللبن قبل مايروحوا مدارسهم
( يزداد وضوح الغضب على وجه الحبيب ، ويتصاعد الدخان من رأسه )

كادر 4
تستكمل الحبيبة : وباعملهم بقى السندوتشات فى الفينو ، ولما كبروا بقي دخلنلهم الدى أس ال وطبعا تحت رقابتنا ياحبيبي
( الحبيب يصل إلي ذروة ضيقه ، وتبدأ رأسه فى الأشتعال )

كادر 5
تستكمل الحبيبة : وباتخيل كمان ياحبيبـــ
يقاطعها صارخا : لاااااااااااااااااااااااا .. حرام .. كفاااااااااااااية

كادر 6
الحبيبة : فى إيه ياحبيبى ، باخطط لمستقبلنا
الحبيب صائحا : مستقبل إيه بس .... أولا أنا مش هأدخل دي أس ال خالص ، انتي ماتعرفيش ان الكيلو بايت بقي أغلي من الكيلو لحمة ، وبعدين فينو أيه اللي أنتى هتعملي فيه السندوتشات ، ماتعرفيش أن الدقيق غلى والخمسة فينو بقوا بجنيه ، وكمان عايزة تشربيهم لبن ، أنتى ناسية ان اللبن فيه سيراميك

كادر 7
الحبيب يستكمل : ومدارس خاصة إيه بس ، أنتي اتهبلتى أدفع الأف فى مدارس والعيال تخرج في الأخر عواطلية .. وغير كده اساسا مين قالك أني هأجيب عيال ، العيال دلوقتي بيجيلها حصبة وعشان كده مش هأجيب عيال خالص
( علامة استفهام كبيرة فوق رأس الحبية )

كادر 8
الحبيبة : أنا كنت حاسة من الأول اننا مش هنتفق
الحبيب : احسن برضه ... عننا ما أتفقنا
( كل منهما يخلع دبلته ويلقيها علي المقعد ويسيران في اتجاهين متضادين )

كادر 9
( حبيبان أخران يمران من أمام المقعد ، ويندهشان من المفأجاة فقد وجدوا الدبلتين )
الحبيب : خلاص ياحبيبتى مشاكلنا اتحلت وأدى الدبل جت من عند ربنا
( يجلسان علي المقعد ذاته فارحين .... تشرد الحبيبة ببصرها )

يسألها الحبيب : سرحانة في إيه ياحبيبتى ؟؟
( المقعد يظهر من الخلف وكأنه له فم ويبتسم ابتسامة خبيثة

منقووووووول

**Wezooo**(•'.'•) · 03-09-2008 05:38 PM

هههههههههههههههههههه
شكرااااااااا ليكى يا بسكوته على الموضوع الجامد ده وانا هاخد بالى لما اخطب اساس
دى لو حصل
انا هقعدها على الكورنيش بس مش علشان الدبل لالالالالالا
انا علشان لما تقول كده ارميها فى النيل وخلص

**Spider GirL**(•'.'•) · 03-09-2008 05:38 PM

هههههههههههههههههههه
واضح انهم متفقين جامد جدا
وبعدين خيالها واسع اوى

**| Mannora ●** · 03-09-2008 06:30 PM

هههههههههههههههههه

لذيذ اوى التوبيك يا بسكوته

**Dr_Matrix** · 03-09-2008 07:05 PM

جاااااااااااااااااااااااا ااامده
ههههههههههههههههههههههههه هههههههههههههههههه
اللي عاجبني المقعد ده
لما ابقى اخطب مش حبقي اقعد في حته

**| Nadooosh ●** · 09-09-2008 02:37 AM

ههههههههههههههههههههههههه ههه

جامدة يا بسكوتة

وادى حال المخطوبين

وكويس انهم فضوها من الاول

**Hot Ice** · 09-09-2008 03:44 AM

كادر 10 :

12 مفكوك بيضحكوا وانا معاهم

كادر 11 :

ال 12 مفكوك بقوا 24 مربوط ومربوطه بعد ماخطبوا !

كادر 12 :

ال 24 في نفس واحد : ياريتنا فضلنا مفكوكين !!!!

بسكوته .. فتحتي نفسي منك لأقرب محل صاغه !!!

.........