اللى هيدخل يستحمل نتيجة غلطتة

**| Nadooosh ●** · 24-08-2008 10:42 PM

شوفو بقى الموضوع ده اسئلة لتحديد الشخصية نبدأ الاسئلة

1-- لو طلبت منك انك تصرخ بأعلى صوتك بحيث
هايسمعك كل من فى الكرة الارضية ياترى هاتصرخ
وتقول اية ؟

2- لو جبتلك آلة الزمن وقولتلك انك هاترجع بالزمن
لورا وطلبت منك تختار زمن من الازمنة علشان
تعيش فية ياترى هتختار اية ؟ ولية ؟

3- لو قولتلك انك لازم تختار صفة واحدة بس من
الصفات دى وتقتل اى صفات تانية فيك ياترى هتختار
اية ؟

( الصدق - الامانة - الحب - الوفاء - التواضع - الاخلاص - التسامح )

4- ولو جبتلك مسدس وطلبت منك تقتل صفة واحدة
بس من الصفات دى وتخلصنا منها تماما هتختار اى
واحدة فيهم ؟

( الكرة - الشك - الخيانة - النفاق - الغرور-الحقد - الانانية -الكذب)

5- لو قولتلك انك هاتبقى رئيس جمهورية لمدة 24
ساعة بس وان اليوم دة هايتكتب فى التاريخ وكل
الاجيال هاتشهدلك بية تفتكر ممكن تعمل اية علشان
ترضى شعبك كلة ؟

6- لو جبتلك 4 خواتم واحد الماظ والثانى ذهب والثالث
فضة والرابع معدن وطلبت منك تهديها ل 4 شخصيات
فى حياتك ياترى هتختار مين ؟

7- لو حصل ان جميع الشخصيات فى العالم كلة اتبدلوا
واتلخبطوا واضطريت تكون شخصية تانية خالص....!!
ياترى اى الشخصيات تحب تكون انت؟ واشمعنة
الشخصية دى ؟

8- لوانا جبتلك طيارة كبيرة وقولتلك ان بيها هتقدر تلف
العالم كلة من اكبر دولة لأصغر دولة وقولتلك ابحث عن
اى حاجة انت طول عمرك بتدور عليها ياترى هتكون اية
هى الحاجة دى ؟

9- لو انت قولتلى انك نفسك تحقق امنية ما وبتحقيقها
هيكون حبيبك فى قمة سعادتة و فتحتلك باب
الاختيارات وقولتلك اختار الحاجة اللى هتسعدك وتسعد
حبيبك ياترى هتختار اية ؟

**Spider GirL**(•'.'•) · 24-08-2008 10:55 PM

لما افوق من صدمتى فيكى ابقى ارد
بجد موضوع جميل جدا
طيب والنتيجة ولا هنجاوب وبس

ع العموم
مساحة محجوزة لحد ما افوق

**Prince of Persia** · 30-08-2008 11:04 PM

موضوع حلو و اسئله احلى بس الاجابه محتاجه تفكير طويل.
وبعدين انا عايز اسال نفس السؤال هوا احنا حنجاوب وخلاص؟

على العموم لما ابقى الاقى الاجابه اكيد هاقولهالك

.

**Messi** · 31-08-2008 11:40 AM

شكرا يا منتوسه على التوبك

**حبيبه احمد** · 02-09-2008 02:19 PM

شكرا والموضوع جامد اوي بس نفس السوال احنا هنجاوب وخلاص؟ المساحه محجوزه لحد لما القي الجواب

**| **Silent Guardian** ●** · 02-09-2008 02:41 PM

مع اني ممكن اعمل عبيط و ماردش ,, عشان اقول انه مش اجباري بس

بس عشانك بس يا منتوسة هبطل الافكار الشيطانية بتاعتي دي

**| **Silent Guardian** ●** · 02-09-2008 02:56 PM

1-- لو طلبت منك انك تصرخ بأعلى صوتك بحيث
هايسمعك كل من فى الكرة الارضية ياترى هاتصرخ
وتقول اية ؟

لا مش هصرخ

2- لو جبتلك آلة الزمن وقولتلك انك هاترجع بالزمن
لورا وطلبت منك تختار زمن من الازمنة علشان
تعيش فية ياترى هتختار اية ؟ ولية ؟

لو زمن الازمنة اللي عيشتها
تبقى الحضانة
لو زمن الازمنة و خلاص
يبقى العصر الحجري .. على الاقل مفيش الزحمة دي

3- لو قولتلك انك لازم تختار صفة واحدة بس من
الصفات دى وتقتل اى صفات تانية فيك ياترى هتختار
اية ؟

( الصدق - الامانة - الحب - الوفاء - التواضع - الاخلاص - التسامح )

مش لاقي الصفة اللي عايزها
هي الندالة

4- ولو جبتلك مسدس وطلبت منك تقتل صفة واحدة
بس من الصفات دى وتخلصنا منها تماما هتختار اى
واحدة فيهم ؟

( الكرة - الشك - الخيانة - النفاق - الغرور-الحقد - الانانية -الكذب)

برده مش لاقي اللي عايزها

5- لو قولتلك انك هاتبقى رئيس جمهورية لمدة 24
ساعة بس وان اليوم دة هايتكتب فى التاريخ وكل
الاجيال هاتشهدلك بية تفتكر ممكن تعمل اية علشان
ترضى شعبك كلة ؟

مممممممممممم
1- هخلي كل الاتصالات في اليوم ده ببلاش عشان الحبيبة يشوفوا شغلهم
2- قنوات التيلفزيون كلها مش هتعرض غير هيفاء و نانسي و مروة و روبي و شاكيرا شاكيرا و بريتني و بس
3- هوزع بيبسي ببلاش على الشعب كله
4- المواصلات ببلاش .. حتى الطيران
5- هسيب الحكومة اللي بعدي بقى تلم ضرائب زيادة تمن التكاليف دي كلها

6- لو جبتلك 4 خواتم واحد الماظ والثانى ذهب والثالث
فضة والرابع معدن وطلبت منك تهديها ل 4 شخصيات
فى حياتك ياترى هتختار مين ؟

الالماظ لماما
الذهب ل .....
الفضة ليكي انتي يا ندى

و المعدن هرميه في البحر

7- لو حصل ان جميع الشخصيات فى العالم كلة اتبدلوا
واتلخبطوا واضطريت تكون شخصية تانية خالص....!!
ياترى اى الشخصيات تحب تكون انت؟ واشمعنة
الشخصية دى ؟

ممممممممممممممممممم
صعب قوي السؤال ده
انا فعلا بدأت احس ان دخول الموضوع ده خطأ مش بيتحمله الا اللي دخل

ممممممممم
شخصية
مين مين مين؟
خالي حمدي

8- لوانا جبتلك طيارة كبيرة وقولتلك ان بيها هتقدر تلف
العالم كلة من اكبر دولة لأصغر دولة وقولتلك ابحث عن
اى حاجة انت طول عمرك بتدور عليها ياترى هتكون اية
هى الحاجة دى ؟

هههههههههههههه
مانتي عارفة
ههههههههههههههههههه

9- لو انت قولتلى انك نفسك تحقق امنية ما وبتحقيقها
هيكون حبيبك فى قمة سعادتة و فتحتلك باب
الاختيارات وقولتلك اختار الحاجة اللى هتسعدك وتسعد

حبيبك ياترى هتختار اية ؟

خاتم الخطوبة

** اللي حاسس ان في حاجة غلط مش غلطان