وعجبى...,

**| Mannora ●** · 19-08-2008 03:29 AM

اولا يا جامعه فكره الموضوع خطرت ليا من اللى شوفته النهارده

قال ربنا هبالنى وقولت اروح لدكتور الاسنان فى المنصوره وياريتنى

ما روحت .والله قعدت فى الموصلات رايح جاى 9 ساعات

طب تعرفوا السبب ايه ......يلا خمنوااااااااااااا!

قال ايه فقلين الشوارع والناس تخبط تقلب فى بعضها

علشان مامى سوزان .قال يعنى الناس بتحبها ولا بلاش غلط

لنروح فى داهيه.والشوارع مرشقه بوليس وعساكر وامن مركزى

كأن القيامه قامت

المهم انا عندى سؤال هما ليه بيعملوا كل ده علشان يعنى خايفين حد

يموتهم طب هو مين اللى عمل كده مش هما السبب

كل الناس قرفانه فى عشيتها من غلو الاسعار تاره ولا

الوظيف اللى مترميه فى الشارع ياعينى مش لاقيه حد يشتغلها

ولا الموصلات الفاااااااااااااضيه ولا الشباب الضايع اللى مش ليه اى طموح

وكله ماشى بالهبولى ولا اللى زاد وغطى عمكوا قانون المرور الجديد

قال ايه بيطوروا في البلد يلا هتيجى على دى

لا واللى بنقط فيظل كل الحاجات دى والناس بقت بتحارب علشان تجيب

بجنيه عيش طنط سوزان تجى تقول القراءه لجميع ويصرفوا فلوس اد كده

على الافشخنات بتاعتهم وسيبين الناس هتولع فى بعض طب اعملوا بيها حاجه للبلد

والله حاجه تجيب الضغط!!!

ولا الللى زاد وغطا مصر بلد سياحيه يا بنى لازام نعتز باثار اجدادنا دول هما

التاريخ والحضاره قال يعنى احنا شوفنا الحاجات دى اوى دا اخرنا الاهرمات و

ابو الهول وشويت الحاجات اللى خدناها فى المدرسه

طب دا فى حتت فى مصر محرم على المصريين الدخول فيها زى القرى السياحيه

فى دهب والمناطق دى يعنى ومش عايزه اجيب سيره طابا اللى فى رأى لسه محتله من

اليهود كلها يهود ولا كأن حاجه حصلت خالص

يا جماعه انا شايفه الصوره كده غامقه وعمرها ما هتبقا فاتحه

وزى ما سعد باشا زغلول قال"ما فيش فايده"

معلش يا جماعه باكتب كده اصلى هطق وجبت اخرى
و
يا ترى يا جماعه العيب فى مين فينا ولا فى الحكومه ولا هو ده الشعب وهيفضل

طول عمره كده؟ واحنا الشباب دورنا ايه هنفضل كده مفيش حاجه فلحين فيها

الا اخر اغنيه للمرب فلان واخر فيلم للممثل علان وخلاص ومقضينها طناش

ولاايه؟

ياريت كل واحد يدخل يقول رأيه فى الحله اللى احنا فيها

وعجبى..

**| Nadooosh ●** · 19-08-2008 04:25 AM

اولا احب الفت نظرك لحاجة

ان اولا ومن الاساس العيب فى الحكومة وفى المالكين للبلد(معروفين طبعا)

لانهم فعلا استعملوا سياسة مع الشعب المصرى

وهو ان عود نفسك على كدة

بمعنى انة اتعود على انك تبقى سلبى وتسكت وملكش دعوة بغيرك وملكش دعوة باللى بيحصل حواليك طالما

ومتعترضش ولو عايز تعترض اعترض ومالة احنا سامعينك

وييجى ياعينى الراجل يفتكر بقى انة خلاص هيقول الى فى نفسة والى كاتمة من يوم مااتولد

وقبل ماينطق يلاقى نفسة ورا الشمس

يبقى تفتكرى احنا فى ايدينا اية غير اننا ندعى ان ربنا ياخد( ناس معينة )ويخلصنا منهم

حتى دى بردو منقدرش نعملها

ماهو لو ربنا خد الناس دى

اكيد هييجى ناس تانية انيل منة

وفى وسط الاحباط واليأس دة كلة

مطلوب مننا اننا نعيش ونصبر ونعلم اولادنا الصبر بردو

بجد يا جيجى ربنا يسامحك

الواحد كان عامل نفسة عبيط و مش واخد بالة

بس قلبتى عليا المواجع

لا بس موضوع حلو قوى

وشكلة طالع من جوة جوة القلب

تسلم ايدك
وياريت متروحيش المنصورة تانى
انتوا معندكوش دكاترة فى بلدكوا ولا اية ..........؟؟؟؟؟؟؟؟؟؟

**Spider GirL**(•'.'•) · 19-08-2008 06:34 AM

اية الجمالدة يا بت يا منار طريق المنصورة بيطلع ابداع

بصى يا منار انا هرجع مرة تانية ارد عشان فى الضياع حاليا

مساحة محجوزة

**| Mannora ●** · 20-08-2008 04:03 AM

ربنا يخليكى ليا يا قمر على ردك ماعيا

وثانيا لو كلنا عملنا نفسنا مش واخدين بالنا يبقى قولى

يا رحمان يارحيم على بلدنا......!

وكمان هاخد برأيك واحاول ما اروحش لدكتور ده

ههههههههههههههههههههه

**| Mannora ●** · 20-08-2008 04:06 AM

ماشى يا امانى مستنيه رأيك معايا فى الموضوع

**Hot Ice** · 21-08-2008 06:28 AM

أهلا أهلا .. أكيد ماعندكيش فكرة يا جي جي عن

( منتجع ) القناطر للسيدات .. ونصهم هناك اللي مدخلاهم

( ماما ) سوزي .. ! بتحبي العيش والحلاوة ولا ياتري

تحبي نزورك هناك بإييييه !!!