خطيب اخر زمن ...

[| Bugs Bunny ●]

هو وهى مشيين على الكورنيش .. الجو حار .. الشمس محرقة .



هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس .

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت سينما مع بنت حلوة كده فالفلوس خلصت .

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق . #:-S#:-S

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله برص بيفهم انه حبني.

هي : بجد كده كتير .
X(X(X(
هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد .

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لاااااااااااااااااااااااا ااااااااااااااااااااااااا
ااااااااااااااااااااااااا ااا...............

هو : ينفع كده ترمي نفسك في الميه مين هايوصلني بقى !!

[Messi]

ههههههههههههههههههههههههه ههههههههه

الواد ده جامد والله

[Spider GirL(•'.'•)]

عاجبنى الواد دة صريح كدة برخامة اه بس صريح
وبعدين كان خارج مع بنت حلوة خلصت ع فلوسه تبقى تقدر موقفه بقى

هههههههه
جامدة ياروكا

[| المقصرة في حق الله ●]

يا عيني عليها

[| Bugs Bunny ●]

X(X(X(X(X(X(
ميسى و امانى ازاى عجبكم الولد ده , ده ينقط و يجيب المراره , على اقل اقفى فى صف البنات يا امانى



ايه كده يا هند شجعى البنات

[| Bugs Bunny ●]

X(X(X(X(X(X(
ميسى و امانى ازاى عجبكم الولد ده , ده ينقط و يجيب المراره , على اقل اقفى فى صف البنات يا امانى



ايوه
كده يا هند شجعى البنات

[| Nadooosh ●]

تصدقى انى اتخنقت من الواد دة

دة واد غلسسسسسسسسسسسسسس



شكرا ياستى

[Spider GirL(•'.'•)]

والله يا روكا الواد دة دمه زى العسل
وبعدين هو بارد هى كانت لازم تكون ابرد منه
ماتتخنقش بسرعة عشان هو اللى يضايق

[Wezooo(•'.'•)]

هههههههههههههههههههه
والله مش ليها حق تسيبه يروح لواحده
بجد جميله اووووى بس لو الواحد يعرف يعمل كده
ياااااااه
شكرااا ليكى يا روكا

[MeEeGoOoO(•'.'•)]

الله يخربيت البرود