عائلة مش طايقة نفسها

**Spider GirL**(•'.'•) · 29-08-2008 02:29 AM

حوار عادي جدا بس يرفع الضغط والسكر

حوار عادي بين افراد مش طايقه حاجه
( الأب مخاطب الابن ) : تعالى وله
الابن و بكل براءة : نعم
الأب :نعامة ترفصك ... تعالى يله
الابن : ليه عملت إيه؟
الأب : عملك إسود ومنيّل
الابن : طب في إيه؟
الام : في عصاية تكسر دماغك ....رد على ابوك بأدب يله
الابن : هوه انا قولت حاجه؟
الأب: قلقلوا عضامك اوقف عدل يا حيوان
الابن : حاضر
الأم :يحضروا على قبرك العفاريت الزرق انشالله ... لما ابوك يتكلم انت تخرس
الابن :أخرس؟
الأب : ايوه تخرس
الابن: ماشي
الأم: جاك مشش في ركبك ما تقوم منه انشالله يا بعيد
الابن :مشش ؟؟؟ إيه المشش ده؟؟
الأب: اما انك قليل الحيا ...وبترد كمان على امك ؟ هات العصاية وتعال يله
الابن: انا رديت على امي؟ يمّـه ما تقوليلك كلمه
الأم: موّ لما يطلع مصارينك .... قلتلك اخرس

الابن الان اصبح مغلوب على امره ومش فاهم ايه الموضوع وسكت

الأب: أما جيل قليل الأدب...إنطق ياض ... مالك اتخرست ليه
الابن : طب أقول إيه ؟ اذا نطقت تقولوا عني قليل حيا وشايفني غلط
الام :حيا لما تقرصك يا بعيد ... قلتلك إتأدب وانت بتكلم أبوك
الأب : و إيه 'شايفني غلط' ده ... شايفنا عميان ولا حول ؟
الابن : لا اله الا الله
الأم : الله ياخذك انشالله .... يا ريتني خلفت ابن الجيران ولا خلفتكش إنت
الأب: انا مش عارف الواد ده إمتى هيبقى راجل ...دايما فاضحني بين الرجاله
الابن: طيب اعمل عشان تشوفني راجل ؟
الأب: قلتلك اخرس يله
الابن: طب أؤمرني و أنا أنفز

الأم: اه صحيح انت ناديت ليه عالواد يا راجل ؟
الأب :تصدقي يا وليّه اني نسيت.... نساني الكلب كنت عايز أقوله إيه
الاب : خلاص روح غور على أوضتك الله يحرقك

**| Nadooosh ●** · 29-08-2008 03:17 AM

ههههههههههههههههههههههههه ههههههههههههههههههههههههه ههههههههههههههههههههههههه ههههه

ههههههههههههههههههههههههه ههههههههههههههههههههههههه ههههههههههههههههههههههههه ههه
ههههههههههههههههههههههههه ههههههههههههههههههههههههه ههههههههههههههههههههههههه ههه

لا حول ولا قوة الا بالله

اية العيلة دى ؟؟؟؟؟؟؟؟؟؟؟؟

ربنا يجعل كلامنا خفيف عليهم

**..●●**آه...لو**●●..** · 29-08-2008 03:40 AM

والله امي ساعات بتعمل معايا كده بس بحبها بردوا
وبعمل عبيط

**Dr_Matrix** · 29-08-2008 03:54 AM

انتى متاكده ان دول فعلا امه وابوه
دول كدروا الواد خالص يا عيني
بس انتى عارفه احسن رد عليهم
انه يكست خالص ويبتسم وما يردش بولا كلمه

**● **TiTaNiC LoVeR** ●** · 29-08-2008 05:11 AM

هههههههههههههههههه

**بسمة** · 29-08-2008 05:33 AM

ههههههههههههههههههههههههه هههههههه
اكيد مش ابنهم
شكراااااااااااااااااااااا اااا

**MeEeGoOoO**(•'.'•) · 29-08-2008 02:43 PM

ههههههههههههههه
عيله خنقه اوى
ربنا يكون فى عون الولد

**MeEeGoOoO**(•'.'•) · 29-08-2008 02:44 PM

ههههههههههههههه
عيله خنقه اوى
ربنا يكون فى عون ابنهم

**| Mannora ●** · 30-08-2008 06:55 AM

هههههههههههههههههههههه

دى ايه العيله دى انا لو مكانه اخنقهم وادخل فيهم اللومان واخلص

والاب شكله كاره نفسه او متعقد وبيطلع اللى ابوه عمله فيه على ابنه حتى لو مفيش سبب

ربنا يبعدنا عن العيله اللى من النوعيه دى

وميه ميه الموضوع يا مونه