اتكلم براحتك واحكى لنا ؟

**Spider GirL**(•'.'•) · 11-08-2008 04:59 PM

كلنا فى المنتدى دة اخوات واصحاب
كل عضو منا بيعيش حياته لكن بتربطنا مع بعض علاقات صداقة قوية
وعشان نتعرف ع بعض اكتر ونستفيد من حياة كل واحد فينا هنتكلم عن حياتنا
هنختار عضو يحكى لنا عن يومه بيكون ازاى
عمل فيه أية
استفاد منه اية
زعل من اية فيه
فرح امتى
موقف غريب حصلك
موقف ضحكت بسببه
مشكلة او اختلاف فى الرأي

احكى لنا عن كل حاجة فى يومك
صديق اتعرف عليه جديد
كتاب قريته
فيلم عجبك
ماتش كورة فرحت بسببه او دمك لتحرق عشانه
احكى لنا عن مواقف مرت بيك فى حياتك ومش قادر تنساها

ويتكلم بحرية تامة واسلوب اللى يعجبه وياخد وقته كامل زى مايحب يوم يومين اسبوع المهم ان هو يحكى حاجات كتير فى حياته
وبعض ما يحس ان هو خلص وقال كل اللى هو عايزه يختار عضو بعده عشان يحكى

وانا هختار اول واحد يحكى لنا عن حياته وهيكون كابتننا وسوبر ستار المنتدى

MESSI

**Messi** · 11-08-2008 05:41 PM

اولا شكرا ع التوبك
ثانيا مش شكرا على اختيارى
ثالثا انا هجاوب بليل بقى لما اليوم يخلص عشان مفوتش منه حاجه
انتظرونى بليل ان شاء الله

**Spider GirL**(•'.'•) · 11-08-2008 05:58 PM

اوك احمد منتظرينك بالليل
وبعدين انت فاكر انك هتحكى يوم واحد بس لالالالا
انت هتحكى النهاردة ومواقف حصلت زمان
وتحكى بقى كل حاجة تيجى فى دماغك خد وقتك وفتكر واحكى يا كابتن

**M@GO** · 11-08-2008 08:49 PM

يالا يا ميسى ما شفناش حاجة يعنى

**Spider GirL**(•'.'•) · 11-08-2008 09:03 PM

ماتقلقش يا ماجد هنشوف منه وهيحكى
وكويس انك هنا عشان لو نسى حاجة خبى علينا حاجة هتقولنا عليها ههههههههههههه
ماشى اوعى تعرف حاجة عنه وتسكت ههههههههه

**● **Snow White** ●** · 11-08-2008 10:53 PM

الله عليكى يا جميل

يلا إلى الجهاد

ربنا معاكو

**7oDa_elray2** · 12-08-2008 02:13 AM

تسلم ايديك يا سبيدوره
موضوع ميه ميه والله
يلا يا سوبر استار المنتدى

**Messi** · 12-08-2008 02:17 AM

طب دلوقتى انا المفروض هحكى كده صح؟
طيب بسم الله
دلوقتى بالنسبه للنهارده كان اليوم شبه عادى
صحيت الساعه 1.36 دقيقه بالظبط
صليت الضهر وقومت قاعد ع النت بعديها بشويه الست الوالده طلبت منى اشترى ليها طلب وبعدين رجعت تانى على العصر كده قعدت برضه ع النت صليت العصر وبدءت اظبط امورى عشان اشوف اكل عيشى الكوره اقصد

روحت لقيت الناس متجمعه كان عندنا ماتش فى بلد اسمها تلبانه ودى عرفتانها تبع مركز منيا القمح الحمد لله كسبنا فى البلنتيات وانا حطيت رابع واحده.
اه من الحاجات الحلوه اللى حصلت النهاردهانى قابلت الواد زجله كان بقالى كتير اوى مشفتوش اصله عقبال ولادكم بقى يلعب فى المقاولين وكده.
المهم كسبنا وهنلعب نهائى يوم الخميس النهارده هيحضر النهائى اسلام الشاطر وخالدبيبو وطارق الادور وحمدى سيف ودول للى ميعرفهمش اول اتنين لعبوا فى الاهلى والتالت معلق ومحلل رياضى جامد جدا والاخير بيلعب فى المقاولين دلوقتى.
خلصنا الماتش ورجعنا من الحاجات الحلوه برضه اللى حصلت ان عمرو فرخه وده الفرود بتاع الفرقه عزمنا على عصير قصب وده اول مره يعملها معانا.
المهم رجعت البيت بعد ما غيرت وكده قعدت شويه ع النت وبعدين خرجت لصحابى عدينا على واحد زميلنا متجوز قريب قعدنا معاه شويه ورخمنا عليه وسيبناه على السعه 12 كده بعد لما انطردنا من عنده .
بعد كده اتمشينا شويهوعدينا على المقله اشترينا تسالى وبعدين انا روحت البيت
قابلنى الحج عز قعد يكلمنى ساعه اللاربع فى مستقبلى وكده لحد لما تعب من الكلام وانا تعبت من القاعده وقمت اقعد ع النت عشان اقولكم اللى حصلى النهارده

ده ملخص يومى النهارده لحد ناو

**7oDa_elray2** · 12-08-2008 02:34 AM

ههههههههههههههههههههههههه ههههههههههههههههههههههههه هههههههههههههههه
يومك زى العسل يا ميسى والله
وانت كمان زى يومك

**Spider GirL**(•'.'•) · 12-08-2008 02:40 AM

اية اليوم الجميل دة يا كابتن احمد

لا انا هحقد عليك بصراحة
لكن انت حكيت يوم عملت فى اية
لكن كدة فى نص اليوم مافتكرتش حاجات قديمة ومواقف قديمة قلت عايز اقولها للعيال المفكوكين

فكر
فكر كمان مرة