اتكلم براحتك واحكى لنا ؟

**7oDa_elray2** · 12-08-2008 02:43 AM

اه والله عندك حق يا مونى
فكر يا احمد بيه
اعصر

**Spider GirL**(•'.'•) · 12-08-2008 02:45 AM

وانا بقى دلقوتى جت فى دماغى حاجة تانية
انت يا احمد مالكش دعوة احكى انت بس
اى عضو عايز يحكى موقف حصل مع كابتن ميسى يحكى براحته لكن لازم يكون حصل مع ميسى
يعنى ميسى عمل حاجة عجبته او زعلته يقول واحمد مش هيزعل ماتقلقوش على مسئوليتى ههههههههه

**7oDa_elray2** · 12-08-2008 02:47 AM

بس كده بقى يا امانى هنعرف المستخبى اسرار بتهم هتكون عندنا
عشان كل المواقف هتكون مع اخوه ماجووووووووو

**7oDa_elray2** · 12-08-2008 03:02 AM

ههههههههههههههههههههههههه ههههههههههههههههههههههههه ههههههههههههههه

**● **TiTaNiC LoVeR** ●** · 12-08-2008 05:30 PM

خلاص بقى طالما هو مش عايز يقول حاجه تانيه
اختارى بقى عضو تانى

**Spider GirL**(•'.'•) · 12-08-2008 05:40 PM

لا يا شريف
هو يحكى ولما يخلص هنعرف لأنه هو اللى هيختار مين يحكى بعده
يلا يا احمد

**Messi** · 12-08-2008 09:17 PM

لاء انا مش هحكى كفايه عليا كده
انا بختار تايتنك يكون بعدى

**● **Snow White** ●** · 12-08-2008 10:01 PM

ههههههههههههههه

مجانيييييييييين

يلا شريف أكتب لنا التقرير اليومى يا باشا

**● **TiTaNiC LoVeR** ●** · 13-08-2008 04:39 PM

طيب ان شاء الله الساعه 12 بيليل هكتب التقرير بتاعى
ده انتو هتقروا
يلا مش عايز احرقك عليكو الفيلم

**● **TiTaNiC LoVeR** ●** · 14-08-2008 01:57 AM

أزيكم يا بنادمين
إليكم التقرير اليومي
هو تقرير غريب بس ده اللى انا عملته

8,30: صحيت من النوم الحمد لله
8,45 دخلت الحمام واتوضيت وصليت
9,00: كنت بفكر افطر
9,05 رجعت فى كلامى روحت قاعد على الكمبيوتر
حوالى 10,20 : سمعت كده ناس عملين يزعقوا ففتحت الشباك فلاقيت ناس ماسكه فى بعضها ونزلين ضرب
روحت مكبر دماغى ورجعت للكمبيوتر
12,10: سبت الكمبيونر وروحت احضر ليا فطار لان الجماعه وفطروا من غيرى
12,30 : روحت فتحت التليفزيون قلبت كده فى قنوات الدش ولا قناه عجبتنى فقفلت التليفزيون
1,15 : قمت ورحت صليت الظهر
1,30: فضلت انا وماما نرخم على بعض كده وطبعا فى الرخماه متقدرش عليا فضلنا نرخم لحد ما اترهنا على حاجه ساقعه وطبعا زى كل مره انا خسرت الرهان وعزمتها على كانز
3,00: قعدت على الكمبيوتر
3,15: حسيت انى اتخنقت من الكمبيوتر فقمت
3,20 : قولت اروح انام شويه
4,30 : لاقيت مخده اتحفت عليا وطبعا اتخضيت ( معتز اخويا هو اللى حدفها عليا عشان انا فى مره كان نايم رشيته بالميه )
4,40 : حسيت انى جعان فسألت عملين ايه على الغداء معجبنيش الاكل خبطت فى دماغى اعزمهم على الغدا سألتهم عايزين تتغدوا فباسم اخويا قال انا نفسى فى فطير مشلتت
4,55 : روحت اشتريت الفطير
5,25: جبت الفطير وقعدنا عشان نتغدا اتفاجت فى اصحابى بيندهولى طبعا نزلتلهم
6,00: طبعا طلعت والمفاجه بقى ملقتش حته فطيريه على الطرابيزه كانت الطرابيزه اتمسحت نهائيها
6,15 : قولت ارح اشترى طاجن عشان اتغدى بدل اللى اتاكل وقولت اروح عند واحد زميلى فاتح محل واكلت عنده بس كان عنده مشكله فقال يستشرنى فى حل المشكله فعملت فيها المحقق كونن وطبعا معرفتش احل المشكله
7,15 : روحت البيت فقولت افتح التليفزيون فقلبت فى القنوات لحد ما رسيت على قناه mbc 2 لاقيت فيلم
مهمه مستحيله 2 الجزء التانى بتاع الممثل العالمى توم كروز
9,00: الفيلم خلص فقولت اقلب فى القنوات فلاقيت كليب راجعين بتاع الكيج عمرو دياب لسه هيبتدى قولت اسمعه
9.30 : زهقت من البيت قولت اروح عند خالى اعد معاه شويه عشان وحشنى اوى بالصدفه كده لاقيت مانش الاهلى شغال فاتفرجت معاه على الماتش بصراحه ماتش كان زباله والاهلى زى كل مره معودنا بانتصراته اتهزم 2/0 من المصرى
11,45: قولت اروح بقى البيت
12,00 : كنت قدام البيت فضلت واقف بتاع خمس دقايق قدام البيت فقولت اطلع عشان اكتب التقرير فى المنتدى مرضتش اطلع فقولت هروح اكتب التقرير عند مصطفى شومان
12,15 : كنت وصلت عند مصطفى شومان
12,25 : بدأت اكتب التقرير
12,50:خلصت كتابه التقرير
12,57: حطيت التقرير على المنتدى لانى كنت بكتبه فى تيكست