قصه حب فاشله

[| Mysterious man ●]

انا كنت طول عمري مليش في موضوع العلاقات ده حتي في عز فتره المراهقه مفيش مانع اني اعجب بواحده غالبا من نفس الفصل وغالبا بتتغير كل سنه مع تغير الفصول , لكن عمري ما كلمت واحده عن حب او ارتباط او خلافه لدرجه اني اتخانقت قبل كده مع بنتين مره وانا في تالته اعدادي ومره وانا في تانيه ثانوي لانهم كانوا بيحاولوا يقربوا مني جدا وده مش لأني واد تقيل لكن لأني مكانش في دماغي من ناحية وهم مكانوش مطابقين للمواصفات من ناحية اخري
اما عن اول قصة حب تمنيت انها تكمل للنهايه كانت وانا في سنه تانية في الكليه لما اتعرفت عليها كانت ملاك يسير علي الارض في منتهي الرقة والجمال , هي مكانتش معايا في الكليه هي كانت في كلية اداب وفي جامعة تانيه وساكنة في محافظة تانية كمان امها كانت لبنانية وابوها مصري وده يمكن يوضحلكم منتهي الجمال اللي كانت عليه , عشنا مع بعض فترة جميلة للغاية بس للأسف كانت فترة قصيرة جدا حوالي تلات اربع شهور بس لغاية ماحصل الموقف النهائي واللي بسببه انتهت العلاقة
كان بقالي فترة مشفتهاش وطلبت كذا مره منها اني اشوفها لكنها كانت بترفض وتتحجج بحجج واهية وميصدقهاش عيل لغاية ما فيوم قالتلي ان في فرح لواحدة قريبتهم واني ممكن اجي واشوفها في الفرح كان في محافظتها, وفي يوم الفرح رحت غسلت الحتة اللي الحبل وكويت الحتة اللي الحبل وبعدين لبست الحبل معلش قصدي لبست الحتة اللي الحبل ورحت لابس اشيك ساعة عندي وحاطت من اغلي برفام ورحت مطلع اقدم قزازة براندي عندي واللي تاريخا يرجع ل 1901 ورحت واخد منها رشفة ورجعتها الخن تاني , وبعدين نزلت نقيت افخم عربية عندي , علي اعتبار اني عندي كذا واحدة يعني ما انا مش هاقولكم اني نزلت اتبهدلت في المواصلات والهدوم اتكرمشت والبرفام تحول لريحة بنزين وهباب ما علينا , وصلت مكان الفرح وقلبي بيدق خلاص هشوفها بعد فترة وبعد ما وحشتني جدا وفضلت مستني اترقب الوجوه هي دي لأمش دي هي دي لأ مش دي وفضلت مستني مستني مستني لغاية لما قارب الفرح علي الأنتهاء قولت اتصل بيها واتصلت اتصلت اتصلت ملقيتش حد بيرد طبعا اتضايقت جدا ورجعت قفايا يقمر عيش وبعدين فوت يوم والتاني لعلها تتصل تعتذر او تقول اي حاجة ولكن لا حس ولا خبر, رحت متصل بيها لسه بقول الو لقيتها بترد ببهجة وفرح وحنية قلت في سري هي هتعمل دور العبيطة ولا ايه؟ رحت متدهاش فرصة وقعدت اديها علي دماغها لغاية ما طلعت شعلة الغضب اللي جوايا ورحت قافل السكة ومن ساعتها لا كلمتها ولا اعرف حاجة عنها
ولكني لحد الان ندمان اني مسمعتش منها ومسبتلهاش فرصة تدافع عن نفسها ,وكتير بفكر اتصل اعرف اخبارها علي الاقل لكن كرامتي بتنقح عليا

[| سندباد ●]

بص يابنى

مادام امها لبنانية
يبقى ممكن تفكر ترجعلها

ومادمت هى كلمتك وانت دخلت فيها شمال
يبقى لازم تصالحها وتسمع منها للآخر



اما عن كرامتك
انت لو بتحبو بعض بجد مش هتكون موجوده فى قاموس حبكم

وشكرا
تقبل مرورى ،،،

[Kool]

بصراحه هى القصة مؤثرة جدا
بس لازم تتنازل شويه وتكلمها
وتعرف منها ايه اللى حصل
وأكيد هى هتشرحلك الموقف بصراحه
وربنا يهديك ومتنرفزهاش تانى

[| Silent Guardian ●]

I can't hide it, but i'm strongly touched

there's only one cure for your case in case i understood well

1- Tell your message.
You have to tell her how you feel and tell her every thing you ever wanted to say.
Note : get a paper and write them down in case you forget anything . . . This may be your last time.(trust of i've done this lately and wished i said everything)

2- try as much as possible to end the coversation friendly without getting nervous at all. You should feel you are only a messenger delivers your heart feeling. (i didn't do that and ended with fight. Avoid that)

3- if you did that. Told her everything you ever wanted to say. Now you relation becomes her responsabilty. The decision will be hers and trust me you feel great releaf.

Truely hope this works as long her mum is lebanon

waiting to hear happy end of the story inshalah.
Have faith in your heart and sorry for the english i'm writing from mobile.

[| Silent Guardian ●]

على فكرة أنا لاحظت ملاحظة غريبة لما قريت الموضوع ثاني
هتاكد لما ارجع البيت
:-‏?‏
الساحر حاسس بريحة تعويذة و لازم تتفك

[Samar Alam]

ايه دا فى كده فالدنيا سورى بقى معلش دا غباء ما احنا ياما بنستحمل عمايلكو السودة لما نغلط بقى تبهدلوا الدنيا
روح صالحها احسنلك مش يمكن كا عندهم اى ظروف
وبعدين ردت عليك وهى فرحانة اهه عايز ايه بقى
ايه يا عم انت الرخامة دى
يا سااااااااااااااااااتر