حليم - قصة حقيقية متجددة ان شاء الله

[كوكى]

فى الحقيقة حليم مكنش من السهل علية انة لما يشوفها يبعد عنها بس هو خاف من جمالها حليم خاف من حبة ليها
لانة لما بيحب بيحب اوى بيعتبر حبيبتة كل حاجة فى ولى.
بعد كدة قابل اصحابة وفضلو يتمشو فى الجامعة وقالو يلى نتطلع الكافتريا
وهما فوق حليم ويونس وهادى وسمير بيبصو لقو ريهام ورباب جاين عليهم حليم كان مش عارف يتصرف ازاى ويهرب على فين خلاص عيونهم علية وسمير كان بيدعى انة عادى وبيضحك بهستريا زاد شك حليم فى يونس وقرر انة يسالو لما يكونو لوحدهم
دخلت ريهام ورباب وبداو بالسلام
عاملين اية
سمير قال كويسسن
وهادى قال الحمد للة
ويونس قال احسن منكم
رد حليم وعنية على رباب وقال
بلسانة الحمد للة حلوين
وبقلبة قال.. بحبك من قبل ما اشوفك ارحمينى من نظرة عنيكى
رباب حست ان حليم عايز يقول حاجة بس خايف او مش متاكدى باختصار حست ان حليم جواة حاجة
فضل اليوم طبيعى ويهرجو ويضحكو عادى.
وفجأة يونس اختفى ومعاة هادى
وفضل حليم مع رباب
وريهام مع سمير
الكلام الى دار بين حليم ورباب كان غريب وسريع ما اخدوش وقت فى التعارف زى ما يكون عارفين بعض من زمان.
رباب سالت حليم وقالت
انت بتحب او حبيت او تعرف حاجة عن الحب او بتؤمن بالحب من اول نظرة
حليم بلسانة قال
طبعا اكيد انا عن نفسى كدة
وبقلبة قال بحبك اوى اوى وخايف اقرب منك بعدين اتوة فى حضنك ارحمين من دفى قلبك ونظرة عنيكى
حليم لما احس انة بيضعف دور بسرعة حولية من غير رباب ما تاخد بلها وغمز لواحد من اصاحبة عشان يجلو حليم خدها فرصة وقال اقوم اعمل اى حاجة عشان اتمالك نفسى.
رباب شافت واحد صاحب حليم بيندهلو
حليم اعتزر وقلها بعد اذنك
قالت اتفضل
قام حليم وهو مكسوف وجسمة بيترعش بيسال نفسة اية الى بيحصلى دة
ريهام قالت لسمير اية دة رباب وحليم بيتكلمو عن الحب من اول نظرة وفضلت تضحك
رد سمير وقالها هو انتى مش مؤمنة بالحب من اول نظرة
ريهام اتكسفت وسكتت
حليم مزال واقف مع صحبة الى غمزلة
صاحبة بيقولو كنت عايز حاجة حليم
قال اة كنت بتطمن عليك
حليم اقنعة انة كان عايزة المهم حليم بقا خايف لصاحبة يسيبة ويمشى وريجع تانى للنار الى كان فيها
وبعد الوقت مزاد صاحبة قالة حليم هسيبك انا بقا
حليم قال اوك اشوفك وقت تانى وسورى ان كنت اخرتك
رد وقالة متقولش كدة حليم انت صاحبى
حليم ابتسم وقال فى سرة اكيد هتحسبهالى جميلة
رجع حليم لرباب
وكان الفرق بينة وبينها 6خطوات حليم مشيهم كانهم بحور
وفضل ماشى ليها وعايز يقعد بسرعة لانة مش قادر يشوف ادامة اساسا
واول لما وصل قالها ها عاملة اية
رباب الحمد للة
فضل حليم يتكلم فى اى حاجة عشان الوقت يفوت
وفعلا عدى اليوم وجة وقت المرواح
وكالعادة حليم ويونس وسمير وهادى بيركبو الاتوبيس كانو بيجرو علية قبل ما يوصل المحطة
لاكن النهاردة جريو علية مش عشان يحجزو لاربع اشخاص بل ستة اشخاص
وفى اليوم دة حليم ورباب كانو جنب بعض
فسالت حليم قالتلو انت بتحب السيما
حليم اة طبعا
قالتلة اية اخر فلم شوفتة
قالها رحلة حب
قالتلة ممكن تحكية
قالها طبعا
فضل حليم يحكيلها الفلم زى ما شافة وكان بيوصفلها المشاعر الى فى الفلم
وكانت رباب منجذبالة جداااااااااا وبتستمع الية
ولما خلص الفلم قالتلة انت جميل اوى يا حليم حتى فى مشاعرك
حليم سكت وبص جنبة هربا من عنيها
فضل حليم فى اليوم دة مش عارف ينام وبيتمنى انة يشفها تانى
وقرر انة يقولها انة على الاقل معجب بيها
ياترى حليم بكرة هيقولها ولا لا ؟

يارب تعجبكوا لو قولتوا كملى هاكمل.

[Master Man]

الله عليكى يا كوكى




كملى ياختى كملى

[amante romántico]

تسلمى ياكوكى جميلة اوى
اه طبعا كملى مستنين باقى الحلقات
:7op::7op::7op::7op:

[النجوم]

راااااااااااائعة يا:fr: كوكي :fr:

والقصة فعلا حال كثير من شباب الجامعة (واقعية )
متميزة حتي في نقلك واختيارك للمواضيع
لكي ودي

[جزيرة الحب]

تسلمى يا كوكى رااااااااائعة كملى
:7op::7op:

[فينوس]

غصب عنك مش برضاكى هتكملى
عيزين نشوف رباب دى حكايتها ايه
ياسلام طول عمرك بتختارى صح حتى اسماء بطلات قصتك

[كوكى]

ميرسى يا احلى اعضاء واصحاب واخوات ان شاء الله هانكمل

[كتكوتة المنتدى]

تسلم ايدك ياكوكى فعلا موضوع اكثر من رائع
طول عمرك مبدعة مستنظرين جديدك ومنتظرين الحلقات الباقية

[كيوبيد]

روعة يامنى..
استمري معلش انا اتأخرت بس قريتها ربنا يكرمك جميلة جدا

[ابو اسكندر]

متميزة ديما يا كوكي