مميزات العزوبيّة

**Dr_Matrix** · 27-06-2008 07:04 AM

من الطبيعي ان لكل شئ مميزات وعيوب

وطبعا انتوا عايزين تعرفوا وبسرعه ايه هي مميزات العزوبيه
طبعا حتقولولي انت مجنون هو فيه احسن من الزواج
وتعيش مع شريك/شريكة حياتك
حقولكم لا طبعا
ديي احسن حاجه

بس من وجهة بعض الناس المحبين للعزوبيه
مميزاتها كالاتي:

مميزات العزوبية للبنــات
اولا: تنامي براحتك على السرير وتتحركي كما تشائين بدون ان تزعجي اللوح اللي نايم جنبك
ثانيا: غطاء الفراش لكى وحدك بدون ان تستيقظي فى منتصف الليل لتجديه اختفى مع البني ادم اللى جنبك
ثالثا: تستمتعين بنوم هاديء بدون ازعاج شاكمان العربية اللي على السرير
رابعا: ريموت التلفزيون سيظل لكى وحدك بدون استغلال الطرف الاخر لمشاهدة ماتشات الكورة
خامسا: اذا قمتي بتنظيف البيت سيبقى نظيفا لمده طويلة لعدم وجود ساكن الزريبة
سادسا: تستطيعين شراء اي شيء نِفسك فيه مهما كان الثمن بدون الاستماع الى العبارة الشهيرة: في حاجات أهم من كده ياهانم
سابعا: لن تضطري الى استضافة اصدقائه الذين يقضون السهرة في الحديث عن ملكات الجمال ومذيعات القنوات الفضائية
ثامنا: لن تضطري الى مشاهدة النشرات الاخبارية والبرامج السياسية والرياضية بالاجبار
تاسعا: تشيلي مسئولية بيته ليه؟ هوّ كان من بقيّة عيلتك؟

*******
مميزات العزوبية للشبـاب
اولا: تنام على السرير براحتك زى الطيارة بدون ان يزقك حد او يوقعك على الأرض بتعمد
ثانيا: مفيش ازعاج من المدام على اي صوت غريب او انها خايفة من الضلمة او اي شىء يقطع عليك منامك و راحة بالك
ثالثا: تصيع زي ما انت عايز.. تطلع الصبح زي ما تحب و ترجع وقت ما تحب وتقعد مع من تحب, من غير ميعاد معين لرفع الشبشب
رابعا: تتفرج على التليفزيون براحتك من غير المدام اللي بتموت فى هم و غم المسلسلات او برامج الطعام السقيلة
خامسا: جعان؟؟ مفيش ابسط من كده.. اتلقح على اي مطعم و كل وجبة سريعة او حتى اطلب بالدليفري او حتى نام خفيف
سادسا: الغسيل؟؟ سهل قوي.. غسالة فول اوتوماتيك او حتى هاف توماتيك تقضّي الغرض وتخلي غسيلك زي الفل و لا الحوجة
سابعا: تلاقي وقت كافي لممارسة رياضتك المفضلة
ثامنا والمهمة جدا: قرشك فى جيبك فى الحفظ والصون, بدون المحاولات المستميتة من المدام للاستيلاء على أموالك

ايه رايكم