*،* احكى يا شهرزاد *،* ( متجدد)

[كيوبيد]

احب العضو ذو المشاركة الفعّالة والذي يضيف الى جمال الموضوع جمالا

[ابو اسكندر]

عندك حق فعلا يا اسلام

[ابو اسكندر]

كان يوم طويل ماكان يفعل سوا انتظار الليل


ليقابل عيون محبوبتة الجميلة


واتى المساء باجمل شذى عطر فى الوجود


عطر شهرزاد لقد اسر قلب وحواس شهريار


وفى لهفة وشوق ولوعة مشتاق لنور الفجر لايامه


ضم شهرزادة بعيونة واعترف لها القلب بصمت الكلام


انى مشتاق وملهوف لضمك لقلبى الباقى من عمرى


فهمت شهرزاد وفى دلال الانثى نظرت له وقالت


كيف حال مولاى


قال لها حالى كحال كل منتظر لكلماتك وحكاياتك


قالت اسألك عن حالك لا حال الاخرين


احكى لى وانطق بما تخفية


قال لها انا كما انا واية الى ممكن احكية


قالت حالك تغير يا مولاى والقلب بلوع الشوق ولهان


وفى السهد والتفكير فى المحبوب ميال


وقالت عيونك على الى انت فى النفس مدارى


نظر لها ومازال العناد يتحكم فى النفس


انا يا شهرزاد قلبى بيدى واتحكم فى دقاتة وحياتة


قالت شهرزاد


ولا نعرف اهى طال بها الصبر ام طال بها التحدى والعناد


يا شهريار انت مكابر ومغرور


ولك معى ميعاد مهما طال الانتظار


دق قلب شهريار وهو يتمنى الاعتراف لشهرزادة وقال لها

اكملى حكايات همام واميرة الزمان واتركى شهريارك يستمع فى هدوك


نظرت نظرة لن ينساها شهريار مهما عاش وقالت فى دلال

حاضر يا شهريارى سأكمل لك حكاية بطلنا همام



اصبح همام كما قلنا اول خطوات رحلة المجهول


ليحضر لاميرتة اكبر مهر وهو اعظم شئ فى الكون


ويعرف الاجابة على الاسالة الثلاثة


وكان كلام الحكيم على طول فى فكرة


عن الصعاب الى ممكن يشوفها فى طريقة وسكتة


ومر فى طريقة وترك البلاد وفكرة سارح مع اميرتة الحسناء


ومر باول قرية فى طريقة كان ناسها بالطيبة مشهورين




وبويتها فقيرة وبسيطة زرعها اخضر وخيرها كتير



سأل همام فين ممكن يقضى الليل ويرتاح من طول سفر


قالوا له على بيت عجوز القرية


راجل حكيم وبالطيبة مشور


ودق بابة همام وقابلة العجوز بالترحيب ووجه بشوش مسرور


وبعد الترحيب كان الكلام بين العجوز الحكيم وبطلنا همام


حكى همام وسمع رد العجوز علية وكان قلبة للكلام مفتوح


وفى الصباح ودع همام العجوز وشكرة على كرم الضيافة


ولكن قال له العجوز كلمات احتار فيها همام


قال له يا بنى


لا تصدق صديق الطريق


ولا تثق فى كلام فتاة بك تستغيث


ولا تسمع لصوت من نادى بالحب والامان


احتار كتير همام وقبل ما يرد ويسأل اى سؤال


افتكر كلام حكيم بلادة


لازم كلامة يكون قليل حتى لو كان الكلام قناطير


وابتسم لة العجوز وودعة فى امان


ولكن احتار همام وكمل طريقة


وكالعادة الفكر سارح فى محبوبتة اميرة الزمان


وفى الطريق شاهد على البعد


رجل راكب حصانة كفارس من الاساطير


نادى علية همام ياابن العرب عندى لك سؤال


منين اروح بلاد فيها من الكنوز اغلى ما يكون فى الكون


قالة الغريب ومين قالك ان هيكون بلد بكلامك دة موجود


قالة همام انا عابير سبيل وبسأل وبدور واملى فى يوم اوصل


ضحك الغريب وقالة ......


وهنا صاح الديك واعلن عن طلوع النهار


نظر شهريار بنظرة المتوسل بالرجاء لمحبوبتة طالب منها الاستمرار


يا عينى عليك يا شهريار كدة بينك وبين ديك الفجر الف طار


ردت شهرزاد مولاى طلع النهار


ولا زم هنا اسكت ويسكت الكلام


قالها شهريار الا يحلى كلام النهار


ضحكت شهرزاد وهزت الضحكة ارجاء قلب شهريار وقالت


الكلام يا شهريارى على ضوء القمر مغزول


وفى المساء انتظرنى هرجع لك وهقول


واقولكم اية ما لنا فى الامر اى حيلة غير اننا نتظر

شهرزاد

تكمل لينا الحكاية

[حكايه]

شهريار ده جبااااااااااار
تسلم يا حسن
ودى اكتر حلقه قريتها بتمعّن

[Eshoo_m7m]

وقريبا قلبه سينطق بحبها

جمييييييييييييييل قوى ياسكندر
كمل كمل كمل كمل

[النجوم]

:fr::fr:في انتظارك ياااااااااااا راوي الحكايات
لا تحرمنا من قربك
لك تحااااياي :fr::fr::fr:
:fr::fr::fr::fr:

[مشاعر صادقه]

الله الله ياابو اسكندر

رائع ومميز


ولى عوده لقرأتها كلها


بجد موضوع خطيييييييييييييير


تسلم ايدك ياقمر

[كيوبيد]

الكلام يا شهريارى على ضوء القمر مغزول


وفى المساء انتظرنى هرجع لك وهقول

انت بجد مكسب كبير ياحسن

[ابو اسكندر]

ميرسي ليكم جميعا على كلامكم الجميل دة وانتظرو باقى ليالي شهرزاد

[ابو اسكندر]

يوم جديد وشوق فى القلب بيزيد



شهريار من طول السهر اشتكت عيونة



فكرة سارح محتار والقلب بنار الحب اتكوى



يناجى محبوبتة فى هيام وشوق ولهفة كاشتياق الورد لحبات الندى



ومن بعيد ظهر طيف شهرزاد



زاد قلب شهريار فى دقاتة



وبرعشة فى ايد ملهوفة ضم ايدها فى شوق



ولاول مرة طفى نار القلب بقبلة على يد شهرزاد



آآآآه يا فرحة قلبك يا شهرزاد



دق القلب وحمرة الخجل فى الخدود اعلنت بصمت الكلام



عن فرحة فى القلب وشوق لشهريار



وقالت فى صوت اروع من صوت كروان



تغير حالك يا شهريار واعلنت عن شوق فى القلب من لوعة الانتظار



وبلغة العيون رد عليها شهريار



انا من نار الاشتياق سلمت فى الهوا راياتى



ولعيونك يا اميرتى اتنازل عن سيفى ودرعى وجوادى



واهيم فى ساحتك اعزل واقدم لكى ولائى



فهمت شهرزاد وتنهد القلب تنهيدة اشعلت جسد شهريار



وقالت انطق يا مولاى وصرح لى عن حالك



فى عنيك كلام حائر مشتاق لمحبوبة ملكة على عرش ايامك



وقف الكلام على لسان ادم واعلن العصيان



ياترى سيسلم شهريار راياتة حقا لشهرزادة



ياترى ينتصر حبك على عنادك ايها الطفل الكبير



ولكن بعد صمت نطق وقال كيف كان حالك يا شهرزاد



قالت والصبر فى الكلام اعلن الاستسلام



حالى .. اتسأل عن حالى



انا يامولاى انتظر ومنتظرة وسأنتظر



احتار شهريار وقال احكى وسمعينى يا شهرزادى



حاضر يا مولاى هكمل لك حكاية همام واميرة الزمان






لما قابل همام الراجل العربى الغريب وسألة عن بلاد

الكنوز علشان عاوز يجيب اغلى ما فى الكون



ضحك الغريب وقالة وهل انت تملك الثمن



قال له همام مهما يكون الثمن انا هقدم واتقدم



قالة الغريب انا هصحبك لبلاد الكنوز هى على بعد يوم وليلة



قالة همام انا عابير سبيل وبسأل وبدور واملى فى يوم اوصل



قالة انا معاك نبتدى المشوار واتكلموا وكل منهم شرح حالة



وطال بيهم السفر وقبل طلوع النهار قال الغريب



انا هنا هقف وانت اتقدم هتلاقى كل الى عاوز منة تقدم



قالة وانت

قالة لاء انا مش عاوز منها شئ انا بس صاحبتك مساعدة ليك



قالة همام بس دة جسر طويل



قالة الغريب اتقدم ولا تخاف المجهول



دة امان وما لك غيرة وصول



ولكن همام عندة من الاصرار كتير



حبة لاميرةالزمان جعل فى قلبة شجاعة واصرار على عمل المستحيل



قالة انا هتقدم بس مش عارف انا لية عاوز اطمن ان الجسر امان



قالة صدقنى دة انا رفيق طريق وليك ناصح امين



قالة همام اشكرك على الرفقة والنصيحة



ومشى همام خطوات ثابتة وقرب من الجسر علشان يعدية



ولما قرب وقبل اول خطوة افتكر همام



افتكر كلام العجوز الحكيم



اوعا تصدق رفيق الطريق



وقف همام ونظر للغريب وقالة انت غير صادق وغير امين



وانا مش ممكن اسمع منك نصيحة ولا كلام

والجسر مش هعدية لانة مش امان

وهنا ضحك الغريب وقالة


ودى اول خطوة واول علامة توصلك للغاية والمراد



انت مانستش النصيحة ولا الكلام



ولا كنت متسرع اهوج واهتميت بالمظهرالخداع



مين قال ان الصديق هو صديق يوم وليلة ولا صديق مشوار



الصديق لازم نصبر علية فترة من عمر الزمان



اياك تنخدع فى الكلام المعسول ولا الوعود



وصاحبك الى يصاحبك عمر مش يا دوب ساعات



اما الى يصاحبك يوم ويقولك انا ليك ناصح امين



فكر فى كلامة ولا تتسرع



ووسمع همام الكلام والتعجب ظهر فى عنية



قالة الغريب خد منى مفتاح لباب المدينة الى انت قاصدها



وخلى بالك الباب لا ينفتح الا بــ 3مفاتيح



دة اولها والاتنين التانين دور بنفسك وبيهم فوز



ولوحكمت عقلك وصدقت قلبك اكيد للحقيقة هتوصل



واختفى الغريب وهمام واقف محتار



ماسك اول مفتاح وبيدعى رب الكون يهون علية باقى المشوار



وقرر بينة وبين نفسة يكمل لوحدة المشور



ومشى همام ولما اشتد الحر فى المكان

بص همام وشاف من بعيد شجر اخضر وشاف الطير يطير فى المكان

قال لنفسة دة سراب ولا خيال ولا دة حلم من الاحلام

جرى همام عليه وكل املة يكون حقيقة مش اوهام

وصل همام وسعادة كبيرة لما شاف نفسة وسط واحةخضرا

اية من الجمال سبحان الله

نظر فى ذهول همام مش مصدق حالة

وهو بيدور على اى انسان فى المكان

سمع صوت بينادى علية وبيقول انت مين

ومنين وصلت لينا هنا

نظر همام ورأت عيونة سبحان الله خلق وصور انسانة بكل جمال الدنيا

قالها انتى مين حورية من الجنة ولا انسية انتى زيك ما شافت عينى

قالت له انت مين وليه هنا موجود

قال لها انا بدور على بلد فيها من اغلى ما فى الكون

ضحكة وقالت ومين قالك انها هنا موجودة

قال لها انا بسأل واملى انى فى يوم اوصل

قلت له وليه محتاج اغلى شئ فى الكون

قال همام اقدمة مهر لاميرتى واميرة الزمان

قالت له بس دة صعب المنال والمخاطر حوليك من كل مكان

قال لها همام لو حياتى ثمن ادفعها وانا الكسبان

ضحكة ضحكة عالية وقالت انت بتتكلم اى كلام

كلامك صادق بس مش فى مكانه ولا يدخل عقل انسان

قالها انا صادق وحبى وعشقى لها عندى اغلى من حياتى

قالت له لما هى عندك اغلى من حياتك ازاى تقدم حياتك تمن مهر لها

وهى هتسعد مع مين وايه هيفدها مهرها

سكت همام محتار يقول ايه لها

قالت له اسمع منى يا مسكين خلى كلامك فى مكانه موجود

لما انت بتحبها وبتدور على مهرها

علشان تسعد باقى ايامك بحبها

وهى عندك اغلى من حياتك وانت خايف على بعدها

لازم تعرف ان حياتك ملك لها

ومش من حقك تدفعها ثمن ولا من حقك تتهاون فيها


حياتك ثمن لسعادة حبيبتك لازم عليها تخاف مش تكون ثمن



قالها همام انا مش بخاف على حياتى وليها والله تهون



قالت له ولو حياتك كانت ثمن هى فين سعادة قلبها



حافظ على حياتك علشان تسعد قلب المحبوب



واعرف ان قربك لها هو املها من ربها



نظر لها همام وواحتار يرد ومنين يسعفة الكلام



وقالها كلامك مش غريب ومافيش عندى له جواب



بس عندى ليكى يا حورية سؤال



ليه الحزن والدموع فى اجمل عيون ساكنة ومتحيرة



ولية الشجن فى الصوت بيتكلم



ايه حكايتك يا حورية الزمان



نظرت له وبدموع فى العين ردت وقالت ......



واه منك ياديك صياح



دايما توقف الكلام المباح



على لسان شهرزاد



نظر شهريار وقال اسمعى منى مرة يا شهرزاد

وانسى صياح ديك النهار



قالت فى دلال وخفة وجمال



مولاى ما يحلى كلامى وجمالى الا مع نور القمر



وبنظرة شوق قالها هتوحشينى يا شهرزاد


ونقول ايه تسكت شهرزاد وتقولكم


ونكمل معاكم مع شوق شهريار