غلطة

**● **MiSs. NeRmOo** ●** · 14-12-2009 12:43 PM

غلطة

فى لحظة صدقته .. عيشت حلمى وحلمه

اتمنيت فرحه .. كنت بموت من المه اكتر منه

مكنتش عايزه اسيبه لحظه

قيدنى جوايا بمشاعره

هربت من قلبى لقلبه

كان جوايا مالكنى اسرنى متمنيتش لحظة ابعد عنه

عيشت ايام مرت فى لحظة

كان بيوحشنى قبل بعده عنى بلحظة

صدقته وكان اهلى وناسى وقبل نفسى بحطه

صدقته

ده كان جوايا وقلت المشاعر لا يمكن تختلف عنده

ده قوله بحبه ليا كان سعادة عمرى كله

لقيت ده كله فى لحظة بغيب عن فكره فى ثانية

مش فاكر حتى كلمة جوايا كانت حلمى

مش فاكر اى حاجة غير قسوة والم من ناس تانيه

قال غلط وده للمره التانيه

كلامه كله معايا غلط وانه مش مرتبط بحاجة ليا

قال كده واعتبرنى مرحلة نسيها ومش فاكر اى حاجة ليا

بيهرب من الم تانى جواه ووقعنى من حياته ديا

نكرة مرت عليه ومفرقتش معاه باى حاجة تانيه

هيعمل ايه يعنى غلط وكانت للمره التانيه

الامر بسيط عنده ليا وهيعمل ايه يعنى بيا

مفكرش لحظة فى اللى عمله فيا ؟؟؟؟

مقكرش غير فى الم حاسه من ناس تانيه

جرحى رخص ومفكرش يعذر فيا

طلب منى اعذره بعد جرح وكسر فيا

وياريته طلب بيحس فيه بالمه ليا

ده خلاه فرض انى غلط كمان وفضل يقطع فيا

انا خلاص فوقت من ده كله بس مش هنسى ابدا المه ليا

مش هنسى جرح وانه حتى محسش انه غلط فيا

فاكر الم ناس تانيه واعتبرنى لا شئ فى حياته ديا

وهم شيلته لوحدى بس ادانى القوة انه ميستحقش فى تفكيرى ثانية

رمانى وجرحنى جرح عمرى كله

مش بفراقه ليا بس انه حتى مفكرش فى اللى عمله فيا

اعلن المه بالناس التانيه اللى قبلها اعلن انهم ناس عادية

نسيته ورميته بس مش هنسى ابدا المه وجرحه ليا

**elly tshofo** · 14-12-2009 02:16 PM

بجد الواحد لو قال انك شاعرة يبقى قليل عليكى شكرا على التوبيك

**● **MiSs. NeRmOo** ●** · 14-12-2009 02:23 PM

هههههههههههههههه
ربنا يخلييك ياا مصطفى ياقمر

**| Mannora ●** · 14-12-2009 06:30 PM

حلوه اوى يا نرمو بس تحسى انها خاطره اكتر من

انها قصه بس الاحساس جميل تسلمى

**● **MiSs. NeRmOo** ●** · 14-12-2009 06:37 PM

منورة حبيبتى والله يامنار دى بتاعت واحدة صحبتى ف قلت انقلهاا

**قلب صادق** · 14-12-2009 07:20 PM

احساسها قد ايه صعب جدا

كلماتها اد ايه معبره عن الم وجرح

وبين السطور دمعه حزينه جدا

يحسها كل مجروح

تسلم ايدك على النقل

احساسك عالى جدا علشا كده

حستيها ونقلتيها

تقبلى مرورى نرمين