الاغاني حرام ليه مصمم تبقي عاصي ياااااا....انت

**النجوم** · 13-12-2009 02:34 PM

أشك إن في إنسان لسه عايش بينا لسه مسمعش إن الأغاني حرام وإنها معصية من أشد
وأكبر المعاصي اللي بنعملها كشباب

في ناس للأسف وبغض النظر عن نيتهم الكويسة بيقنعوا الشباب ان الغناء ( محل إختلاف )
وانه جائز سماعه وانه باختصار مش حرام

وبدون اطالة ونسخ ونقل نقول يكفي ان صحابة رسول الله صلى الله عليه وسلم حرموه وفسروا ايات من
القرآن انها بتحرم الغناء وشيوخ الاسلام اللي اخدنا وورثنا عنهم العلم ليهم نفس الرأي

ولو كل علماء الأمة من ايام الرسول صلى الله عليه وسلم لحد دلوقتي محرمين الغناء
وقدامهم راي أو اتنين ضعاف ملهومش اساس من الصحة نختار ايه بالله يا جماعة ؟؟!

اعتقد حتى اللي هيضحك على نفسه مش هيعرف لانه والله مش ممكن الموضوع واضح ومفيهوش
مجال للغلط
وكمان ياريت الموضوع وقف على سماعنا للموسيقى لا ، اكتر كلمات الاغاني للاسف لاتجوز شرعا لان
فيها الفاظ فيها شرك بالله او تعدي على ربنا سبحانه وتعالى باللفظ غير الكلام الفاحش والتلميحات السافلة

وياريت كده وبس ، الاغنية مبقيتش صوت وطرب ، الاغنية بقت اثارة وجسد وغريزة

الشاب يسمع فلانة وفلانة و يزني بسمعه و يزني ببصره و لا اكنه يعرف له رب يخشاه ويخاف منه

وكام بنت بتسمع فلان وفلان وبتتأثر بيه وتشتاق لصوته وصورته !!!!!!!!!!!!!!!!!!!!!!!

بتقضى وقت اد ايه بتدندن بالاغاني وتفكر/ي في فلان وفلانة ، وتكرر كلمات اغانيهم وتحفظها

بتقضي وقت اد ايه تقول سبحان الله ، بتقضي وقت اد ايه في الصلاة ؟؟

الأول انت بتصلي ؟؟؟

وطريق الاغاني واهلها ابعد ما يكون عن طريق ربنا سبحانه وتعالى والعبادة

تخيل المغني والمغنية اللي انت/ي بتذكره اكتر من ربك اللي خلقك وبتحبه اكتر من ربك ومن دينك
مصيره ايه لو مات على كده ، ياترى هيدخل الجنة بافعاله ؟؟؟ياريت تجاوب نفسك

المغني او المغنيه دول مش بيشيلوا ذنب الغناء وكلام الكفر والفحش اللي بيقولوه وعلى صورتهم
السافلة اللي بتخلي الناس تتأثر بيهم لا ، ده بيشيلوا من ذنوب اللي بيسمعوهم
واللي بيضروهم باغانيهم ، فتخيل المغني ولا المغنيه دي شايلين ذنوب اد ايييييييييييييييييييه !!!!!!!!

وبما انك بتحبهم فانت منهم وده كلام صلى الله عليه وسلم ، قال مايعني انك ستحشر مع من تحب
فاختار اللي تقول عليه احبك لانك هتبقى معاه للجنة او ..........

عمرك مفكرت ليه ناس من المغنيين والممثلين ( بيتوبوا ) ، تعرف ان واحد من المغنيين المشهورين
تامر حسني بيقول نفسي مموتش وانا لسه مطرب ( ربنا يتوب عليه ) بيقول خايف من كده.....

للاسف هو ساعد في افساد شباااااب وبناااااااات بالملايين ربنا يهديه ويسامحه

يارب يخاف من ربنا ويفووووووووق وميستناش
مش بعيد يموت قريب وياريت كل واحد فينا يفتكر كم طفل وكام شاب صلى عليه ودفنه

فكر في صاحبك وقريبك وجارك اللي توفى وهو صغير مات على ايه كان بيسمع ايه وكان بيعمل ايه
ولو عندك قناعة انك لازم هتعيش كتييييير شيلها احسنلك الموت في لحظة والله للكبير والصغير
محدش له منزلة خاصة عشان يكون في أمان

وغير الفحش والمصايب دي كلها ممكن تكفي كلمة واحدة تودي المطرب/ة النار وتوديك/ي النار معاه
لمجرد إنك قولتها بس ، الرسول قال فيما معناه ان ممكن كلمة واحدة تقولها ترديك في الدرك الاسفل
من النار

كلمة واحدة تقولها بجهل على ربنا سبحانه وتعالى ، وأمثلة بسيطة :

ليه القسوة ليه ؟ ليه الظلم ليه ؟ ليه يارب ليه ؟

بيتهم ربنا سبحانه وتعالى بالقسوة والظلم !!!!!!!!!!!!!

لما كان النصارى بيقولوا ان الله سبحانه اتخذ ولد ربنا قال الله في القرآن عن كلامهم

تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدّاً [مريم : 90]

كادت السموات تتفطر والارض تنشق والجبال تهد لمجرد انهم قالوا لربنا ولد ، مقالوش ظالم او قاسي

والمغني ده دلوقتي في قبره الله اعلم بحاله وايه اللي هو فيه بسبب عيشته وكلامه

قدرٌ أحمق الخطا داست هامتي خطاه

والعياذ بالله بيرمي ربنا ( بالحمق ) !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!

استغفر الله استغفر الله استغفر الله استغفر الله استغفر الله استغفر الله استغفر الله

استغفر الله استغفر الله استغفر الله استغفر الله استغفر الله استغفر الله استغفر الله

بس عايز اوصل فكرة
انك ممكن تروح النار في كلمة تكفر بيها وانت مش حاسس

**النجوم** · 13-12-2009 02:35 PM

**النجوم** · 13-12-2009 02:51 PM

ارجوا ان ماحدش يزعل مني
وده كلام الله
مش كلامي
وانا ناقله للموضوع بس
وابتغي بهذا الموضوع ارضاء الله
اللهم بلغت اللهم فاشهد
جزاكم الله خيرا
لا تنسوني من صالح الدعاء
النجووووووووووم