الجزء التانى-حملة هنتغير بجد

[| Nadooosh ●]

"ازاى ابقى صح "
+السلام عليكم
= وعليكم السلام
+ايه اخبارك
= مخنوق جدا
+ليه يا جميل
= مش عارف
+ فعلا سبب مقنع
=انا بتكلم بجد مش بهزر
+طيب متقول انت مخنوق من ايه
= والله ما عارف حاسس ان انا غلط
حاسس انى زى مابيقولم مسلم بطاقه
+طب انت عارف ازاى تبقى مسلم بجد
تبقى مسلم صح
ازاى تعيش حياتك وتبقى كوول
وانت محافظ على دينك
=...!!
=ازاى ... وهو ينفع ؟؟
+طبعا ينفع
بكل بساطه
لازم تعرف ان علشان تبقى مسلم صح
لازم تعرف
3حاجات
رقم واحد _عباده الله
رقم اتنين_الدين المعامله
رقم تلاته _انت عايش ليه

انا مش فاهم حاجه !!
+ماشى وبالراحه ناخد واحده واحده
=ماشى
+اول حاجه عباده الله
ودى مش معناها صلاه وصوم وزكاه وحج
وكده يبقى زى الفل
=امال ايه ؟؟
+لا طبعا الحاجات اللى قلناها
دى اساسى وجنبها
انك تأمر بالمعروف وتشجع عليه
وتنهى عن المنكر
وتحاول تكره الناس فيه
والدعوه الى الله
ودى مش معناها انك تطلع على التلفزيون
وتتكلم فى الدين وبس
ولكن انت ممكن تدعو الى الله من غير ماتحس
=ازاى؟؟
+انت ممكن تكون ماشى انت وصاحبك
وصاحبك عمال يشتم
ويسب ويلعن
فى اى حاجه
وانت تقول له بكل بساطه
امسك لسانك شويه
او تعمل على وشك تعبير انك متضايق
مش فرحان
وهنبقى نعمل حلقات عن فن واساليب
الدعوه الى الله
وطبعا فى فى العباده حاجات كتيير بس
علشان وقت الحلقه
وتانى حاجه الدين المعامله
يعنى تعامل الناس كلها
كويس
ماتحاولش تتنرفز عليهم حتى
لو هما غلطانين فقط ممكن
تخليهم يدعولك ويحبوك اوى
بدل ما يكرهوك
=ازاى ؟
فقط ابتسم فى وجههم
وقل لهم لو هما اللى غلطانين
(ولا يهمك)
ولو انت اللى غلطان
قول
(اسف)
مش عيب ولا كتير على الجنه
وهتكسب فى الدنيا حب الناس
ودعوتين زى الفل
وماتحولش تفجع حد
علشان هتاخد ذنوب من لا شئ
وماتضحكش على حد لو حصله
موقف محرج
وحاول تمسك نفسك
لانه بيكون فى قمه غيظه
واحرجه
كل لما تقابل حد قول كلمتين
(السلام عليكم )
بيهم اخدت 20
حسنه
من غير حاجه
وماتحولش تخوف الحيوانات وارحمهم

+ماتستغربش هو ده ديننا
وحاجات كتيير برضه وعلى رأسها
بر الوالدين
وبرضه ان عشنا هنبقى نعمل
فيها حلقات كتيير
+وتالت حاجه انت عايش ليه ؟
لازم تعرف ان ليك دور فى الدنيا
لازم تسعى اليه
لو بتدرس لو بتشتغل لو ..لو..
لازم تثبت نفسك وتضرب مثل
صح للمسلمين
وياترى لما تموت الناس هتقول فى حقك
ايه
اما مش هيقولوا حاجه
لانهم مايعرفوكش
ولا هيقولوا
والله ارتحنا منه ده كان وكان
ولا هيقولو ربنا يبارك فيه ويرحمه
ده كان كويس معانا قوى
ولازم تثبت نفسك
فى اى مكان
زى ما قال احد الصحابه
كن فى كل مكان
وافعل كل شئ
ولا تعجز عن ابهار الناس
وهبقى ان شاء الرحمن نعمل حلقات فى ده
=بصراحه انا حبيت الموضوع اوى وعاوز
اعرف تانى
+ربنا يسهل
بس وقت حلقتنا انتهى
=ماشى مستنيك
+ماشى ..يلا
السلام عليكم
=وعليكم السلام
________________

[sleeping angle]

تسلم يا عسول ع التوبيك بجد كلام جميل جدااا

[dark spider]

تسلم ايدكي والله كلامك مظبوط ميه الميه [-o<

[Miss Cute]

ميرسي على التوبيك بصراحه ابدعتِ ياقمر

[● paradise_z0ne ●]

متااااااااااااااااااااابع معاك يا كبير

ربنا يقويكى

[مااقدراكون غيرانا]

ربنا يبارك فيك يا غالية على مجهوداتك المفيدة

ومتابعين معاك وبنتغير كمان للافضل بأذن الله.

[قلب صادق]

بجد ابدعتى موضوع غايه فى الروعه

ويارب كل الناس تعمل بيه

ولو كل واحد عمل كده

وبقينا فعلا بنحب لبعض اللى نحبو لنفسنا

والله هنبقى احسن كتير

بس الشباب والبنات يبعدو شويه

عن كلمه ستايل والموضه فى التصرفات

وفى اللبس وفى الالفاظ والتعليقات الغريبه

اللى كل البنات والشباب الوقت ماشيه عليها

لبس غريب تصرقات اغرب تعليقات ولغه غريبه

بتتداولها الشباب فى كل مكان

وبعيد جدا عن الدين

جزاكى الله كل خير بجد

وربنا يحفظ المسلمين اجمعين