علمني..وهعلمك...افتكرك ...وتفتكرني..برجاء الاهتمام والمتابعه

[Messi]

[| لولا ●]

موضوع حلو جدا ريرى وشكرا لمجهودك وانا بجد لو فى اى مشكلة والصديق او

الصديقة مش موجودة لا يمكن ابوح بالسر لاى مخلوق لان السر لو طلع بره
اثنين ما يبقاش سر اكيد هستنى صديقتى او صديقى لما يرجعوا واكيد هحكى
ساعتها هعمل ايه ما اقدرش احكى لحد تانى وشكرا لموضوعك

[ReRe]

شكرا ليك يا احمد

شكرا ليكي يا لولا


وياريت تضيفي فكره جديده للنقاش

[● همسة ●]

انا لأول مره بشارك فى التوبيك
وبعتذر لانى من غير قصد تجاهلته مع انه حاجه جامده بجد وفكرته هايله
انا هضيف موضوع جديد وياريت اشوف اراء وردود

كل واحد فينا بيتعرض لضغوط ومشاكل وبيبقى احيانا متعصب وبيخلط الامور ببعضها
يعنى انا متضايق بقى ومحدش يقف قدامى
وبنبقى حساسين اوى من اى كلمه ولاى تصرف
تفتكروا لو حد فى الحاله دى
واقرب حد ليه سواء اخ او صديق او زوج او حبيب
محسش بيك وفى عز ما انت متضايق جه هو كمان وزعل منك او تجاهلك
هتعمل ايه؟؟
هتبكى ولا هتعاتبه ولا هتلتزم الصمت ولا هتعملوا زيى وبعد دقيقه تكونوا نسيتوا كل اللى كان
ها قولوا هتعملوا ايه
بس نصيحه منى ياريت كلنا نتعلم نفصل ومنعاملش حد بعمل حد وأنا أولكم ياريت أتعلم انى افصل.

ياريت اشوف أراء وردود

[Lovely Boy]

تسلم ايديك يا ريرى وبجد موضوع جامد

[Dody Doda]

انا بصراحه هضايق اوي
وممكن كمان ازعل منه بشده واحس انه السبب في الي انا فيه
وانا عارفه ان ده شئ غلط
بس انا اتكلمك ببساطه
وميرسي علي الموضوع

[● همسة ●]

طيب وليه انتى تحمليه الذنب مع انه مش سبب ضغوطك النفسيه؟؟

وميرسى لردك دانا

[ReRe]

اكيد هحمله الذنب..ده اولا

ولو هو او هي كمان تجاهلني او زعل ومقدرش ظروفي.........بغضب جداااااااا وبعتبر ان كده خلاص ...دي النهايه

وده طبعا غلط

ولما بكون متضايقه مفرقش بتخنق من كل حاجه

بس مؤخرا بحاول ابطل لان كده غلط جدااااااااااااااا

وبيزعل ناس كتير منا

شكرا ياهمسه........ومنتظرين التفاعل

[I'm Alive]

على فكرة ريرى الموضوع فكرته هايله هايله جنان فكرة جديده دى أول مشاركه ليا ومش هتبقى أخر مشاركه ان شاء الله وتسلم ايدك على الفكرة وخصوصا فكرتك همسه جميله جدا وأنا كنت مستنى حد يقول فكرة زى دى لأنى بصراحه غرقان فى المشاكل مع والدى فى البيت عموما ومش عارف أعمل ايه محدش عجبه حاجه خالص بالنسبه ليا ليا رد تانى هتكب فيه جزء من المشاكل وياريت الاقى الحل عندكم أوكى ......................................... to be continued

[Messi]

دلوئتى انا زعلان
وهو محسش بيا
وبعدين زعل منى هو كمان
رد فعلى هيكون ايه؟
الاجابه
لاء مش هزعل منه على طول كده
انا اجى على نفسى شويه واتكلم معاه واعرف منه فى ايه زعله منى وافهمه ظروفى وانى زعلان من كذا وكذا واعاتبه اكيد بس من غير زعل يعنى
المفروض انه من نوعيه الناس القريبين من الواحد يعنى اخ او صاحب او والد
فمش كل حاجه خاحه تبقى زعل على طول
واللا الواحد هيى عليه وقت مش هيلاقى حد قريب ليه

شكرا يا همسه ع الطرح