حوار مع الكبار

**jeefhardy** · 03-10-2009 10:54 PM

**بسمة امل** · 04-10-2009 04:40 AM

انا جيت يانونيا بس ايدك الاول على المبلغ هههههه

شوية اسئلة خااااااصة جدااااا بس لازم تجاوبى عليها:

مانوع موبايلك؟

كم رقم فية؟

اية اخر رسالة وصلتك واخر رسالة ارسلتيها؟ولو ممكن تقوليلنا لمين؟ فضوووووووول ههههههه

اية النغمة العامة؟

معاكى رصيد قد اية دلوقت؟

وبس كفاية كدى غلاسة هههههه وشكراااااااا.:ش:

***NONIA*** · 05-10-2009 02:21 AM

اوك يا بسومه من عنيا ..انا ورايا غيركم؟
هههههههههههههه
ليكي عندي 25 جنيه

مانوع موبايلك؟
سامسونج بس مش عارفه رقم الموديل

كم رقم فية؟
111

اية اخر رسالة وصلتك واخر رسالة ارسلتيها؟ولو ممكن تقوليلنا لمين؟ فضوووووووول ههههههه

اخر رساله بعتها لمنار(همسة حب)واخر رساله وصلتلي من منار برضوا

اية النغمة العامة؟

هيا موسيقي ل عمر خيرت

معاكى رصيد قد اية دلوقت؟
12.98

وبس كفاية كدى غلاسة هههههه وشكراااااااا

ههههههههههههههه
مافيش غلاسه ولا حاجه ياقمر
تسلميلي يا بسومه

**jane dark** · 05-10-2009 06:03 AM

اولا اود ان ارسل تحيتى لكى يا حنان واقولك صباح الخير
ثانيا يارب مكنش رخم وتبقى اسئلتى خفيفه وياريت تجاوبينى بصراحه
ثالثا بغض النظر عما تكنيه لى فى هذا الوقت ياريت تتقبلى تحياتى
والان نبدأ الاسئله
1:ايه الحاجه اللى ممكن تنرفزك وتخليكى تثورى وتغضبى ولو غضبتى ممكن تعملى ايه ومين ممكن يهديكى؟
2:احنا كلنا بيجيلنا اوقات نكدب فيها على نفسنا او على حد
انتى ايه الموقف او الاحساس او مين الانسان اللى عشانه لازم تضطرى للكدب؟
3: مين الانسان اللى كان عزيز عليكى هنا فى حكايه ودلوقتى مبقتيش تتكلمى معاه ؟
4:ايه اليوم اللى ما بتتمنيهوش ييجى وانتى موجوده وعايشه (ربنا يطول فى عمرك طبعا) ؟
5:انتى ممكن تسلمى على حد وانتى مخنوقه منه وليه؟
6: ان شاء الله لما تدخلى الجنه وفرض عليكى انك يكون معاكى شخص واحد بس الى الابد لانها حياه بلا موت ونعيم قائم مين هيكون الشخص ده (ربنا يوعدنا واياكى)؟
7: فيه حاجات بتفكرى فيها ساعتها بتحمدى ربنا ان محدش يقدر يعرف انتى بتفكرى فى ايه وربنا حجب عقولنا عن البشر؟
8:شعورك هيكون ايه لما تكونى زعلانه من حد اوى ومخنوقه منه وتعرفى انه يكون
زعلان منك اكتر ما انتى زعلانه منه هتتصرفى ازاى؟
ويارب مكنش تقلت عليكى واكون ضيف خفيف على التوبيك بتاعك والحوار بتاعك وشكرا واكيد انا كحمان هيجيلى يوم اقغد مكانك اى نعم ممكن مبقاش مهم زيك ممكن اليوم ده يتاخر بس هبقى سعيد لما ييجى اليوم ده ده اذا كنت عايش هههههههههههههههههههههههه
وشكرااااااااااااااااااا لسعة صدرك
mostafa

***NONIA*** · 05-10-2009 07:46 AM

ايه الحاجه اللى ممكن تنرفزك وتخليكى تثورى وتغضبى

لما حد يطلب مني طلب وانا مشغوله اساسا
يعني حاجه فوق طاقتي

ولو غضبتى ممكن تعملى ايه

للاسف صوتي بيبقي عالي
بس باهدي بسرعه

ومين ممكن يهديكى؟

مافيش حد انا باهدي لوحدى

احنا كلنا بيجيلنا اوقات نكدب فيها على نفسنا او على حد
انتى ايه الموقف او الاحساس او مين الانسان اللى عشانه لازم تضطرى للكدب؟

ماما وبابا للاسف
وهما اللي وصلوني لكده
لو بيتكلموا معايا واعتبروني صاحبتهم مش بنتهم
عمري ماكنت هاكدب عليهم

3:مين الانسان اللى كان عزيز عليكى هنا فى حكايه ودلوقتى مبقتيش تتكلمى معاه ؟

انت يا مصطفي

ايه اليوم اللى ما بتتمنيهوش ييجى وانتى موجوده وعايشه (ربنا يطول فى عمرك طبعا) ؟

ربنا يكرمك
انا باتمني اموت قبل حبيبي علشان ما اشوفش اليوم دا

انتى ممكن تسلمى على حد وانتى مخنوقه منه وليه؟
اه ساعات بتحصل
ليه بقي؟
علشان مابقاش قليلة الذوق مش اكتر

ان شاء الله لما تدخلى الجنه وفرض عليكى انك يكون معاكى شخص واحد بس الى الابد لانها حياه بلا موت ونعيم قائم مين هيكون الشخص ده (ربنا يوعدنا واياكى)؟
اللهم اميـــــــــن
مافيش غيره..اللي هافضل مستنياه لأخر يوم في عمري
حبيبي

فيه حاجات بتفكرى فيها ساعتها بتحمدى ربنا ان محدش يقدر يعرف انتى بتفكرى فى ايه وربنا حجب عقولنا عن البشر؟
بفكر في بكره
المستقبل هايجنني
نفسي اعرف ايه هايحصل بكره وبعده وبعده
علشان بس منتظره حاجه تحصل قريبااااااا
وقلقي دائماا بسبب الموضوع دا

وبجد اول مره اقول الكلام دا
بخاف حد يتريق عليا

شعورك هيكون ايه لما تكونى زعلانه من حد اوى ومخنوقه منه وتعرفى انه يكون
زعلان منك اكتر ما انتى زعلانه منه هتتصرفى ازاى؟

انا فعلا في الموقف دا
ومش عارفه اتصرف لحد دلوقتي
ونفسي الشخص دا يواجهني
علشان بجد متضايقه جداااااااااا

كانت اسأله صعبه جدااااااااااااا
واول مره اتعب وانا بجاوب

الف شكر يا مصطفي

**كيوبيد** · 05-10-2009 09:56 AM

حنون...يمكن دي أول مرة أسأل حد ويمكن لأن غزالتي رايقة حبتين وكمان اجوبتك ع الأسئلة اللي فاتت حفّزتني...

1- -لو كنت تريدين العمل وزوجك او خطيبك اصر على الرفض بعد محاولات عديدة لاقناعه ماذا تفعلينهل تستسلمين وتتركى العمل ؟ام تفضلين الانفصال؟؟
2-الغيرة هل انتي غيورة؟؟؟ وهل غيرتك هذه غير طبيعية ؟؟
3-اذا شفتي بنت احلى منك بتغاري منها ؟؟؟
4-مين المطربة اللي بتحبيها ؟؟ ومين المطربة اللي بتغاري منها ؟؟؟
5-ما هي ردة فعلك عندما تعلمين ان محبوبك مع فتاة اخرى ؟؟؟
6- ما أكثر شيء تهتمين فيه في مظهرك عند مقابلة حبيبك؟
7- متى تمنيت أن تنشق الأرض وتبلعك؟
8- اذا سألك طفلك ماما انا جيت ازاي؟؟هاتقوليله ايه؟؟

**حكايه** · 05-10-2009 10:58 AM

حرااااااااام
ارحموا البنييه بقى
يالهوى
ماصدقتوا تعصروها..ايه الحب ده كلله :ههه:

**كيوبيد** · 05-10-2009 08:40 PM

ايه ياحكاية..هيا جات عليّا انا؟؟
اهي نونيا قلبتني....
ههههههههههههه

**jane dark** · 05-10-2009 08:43 PM

انا بشكرك جداااااااا على صراحتك المعهوده يا حنان حاجه مش غريبه عليكى
والموقف اللى انتى فيه ده انتى السبب فيه ولازم يتعالج قريبا
ان شاء الله
لانه وضع مش نافع صح؟
انا اسف بقى على صراحتى اللى ممكن تكون وصلت للوقاحه
سامحينى بس ده اللى جوايا لانى بتكلم بصراحه مع انسان بعزه حقيقى
وبشكر فيك صراحتك المهذبه
mostafa

***NONIA*** · 05-10-2009 10:27 PM

اسألة اسلام

لو كنت تريدين العمل وزوجك او خطيبك اصر على الرفض بعد محاولات عديدة لاقناعه ماذا تفعلين هل تستسلمين وتتركى العمل ؟ام تفضلين الانفصال؟
لو بحبه هاوافق علي طلبه وهاستسلم
ومش هازعله مني ولو للحظه

2-الغيرة هل انتي غيورة؟؟؟ وهل غيرتك هذه غير طبيعية ؟
اكيد طبعاااااااااا غيوره..بس بشكل طبيعي
الحمد لله
وغيرتي مش مسببه لي اي مشكله

3-اذا شفتي بنت احلى منك بتغاري منها ؟؟
لا طبعاااااا ..الحمد لله
باقول ما شاء الله

4-مين المطربة اللي بتحبيها ؟؟
بحبها عادي ..يعني مش هاموت عليها
فيروز
ومين المطربة اللي بتغاري منها ؟؟
مافيش طبعاااااااا..وانا هاغير منها ليه؟
ههههههههههههه

5-ما هي ردة فعلك عندما تعلمين ان محبوبك مع فتاة اخرى ؟؟
الصراحه مش متخيله الموقف دا
بس لو حصل فعلا اكيد هاتبقي صدمه بالنسبه لي
بس مش هاعرفه تاني واكيد دا حد مش يستاهل حبي
وهاحمد ربنا اني عرفت حقيقته
قبل فوات الاوان

6- ما أكثر شيء تهتمين فيه في مظهرك عند مقابلة حبيبك؟
ايه السؤال الغريب دا؟؟
هههههههههههههه
اكيد باهتم بكل حاجه
في وجوده وعدم وجوده

7- متى تمنيت أن تنشق الأرض وتبلعك؟

هاحكي لكم علي موقف حصل معايا
وكل ما افتكره باتضايق جداااااااا
كنت مره خارجه انا وبنت خالتي
ورحنا سوبر ماركت اشتري مناديل
وماكانش معايا فكه
ف اديت الراجل 20 جنيه
واخدت الباقي
وبعد ما خرجت لاقيته بينده عليا
وقالي لو سمحتي تعالي
فارجعت تاني
لاقيته بيقولي
ال 20 جنيه دي مزوره
كنت هاموت ساعتها
وقعدت اتأسفله
واخدتها منه ورامتها
لدرجة اني عيطت من الموقف
وبجد دا اصعب موقف حصل معايا
واتمنيت ساعتها الارض تنشق وتبلعني

8- اذا سألك طفلك ماما انا جيت ازاي؟؟هاتقوليله ايه؟؟
اسفه.. مش هاجاوب علي سؤالك يا اسلام

والف شكر علي اسألتك

نورت التوبيك