حوار مع الكبار

***NONIA*** · 01-10-2009 12:13 AM

نونيا حبيبتى طبعا
ربنا يكرمك يا منار
هسالك شوية اسئله يارب مكونش دمى تقيل عليكى
لا يا منار ماتقوليش كده دا انتي الهدؤ كله والطيبه:k:

1- ايه احلى اسم بتحبى تسمعيه من اى حد قريب منك؟ دلع مثلا او كده

حنون

2- لما بتكونى متضايقه اوى من حد ممكن تقوليله ولا لا؟

اه باقوله... علشان انا اساسا مش باحب ازعل من حد ولا حد يزعل مني

3- لو حصل وكنتى لازم تقعدى قى صحراء لمدة اسبوع وهتاخدى معاكى حاجه واحده طبعا غير الميه والاكل ايه هتختارى تخديه معاكى؟؟

حبيبي طبعاااااااااا:9:

**صوفى** · 01-10-2009 01:08 AM

حبيبة قلبى وقمرى نونيتى الجميلة ... بجد انا بحبك جداااااااااا مع اننا الفترة اللى فاتت بعدنا عن بعض بس ربنا اللى يعلم معزتك عندى
بصى بقى ياستى
أولا : ايه اكتر حاجة بتحبيها فى دنيتك وليه؟؟
ثانيا : لو طلعلك عفريت العلبة وقالك اتمنى ثلاث امنيات هتكون ايه؟؟
ثالثا: ايه اكتر حاجة ممكن تزعلك من شخص بتحيبه عمتا سوى حبيب او صديق او حد مقرب
وكفاية عليكى كده لحين اشعار اخر
بموت فيكى ياقمرى

**بسمة امل** · 01-10-2009 07:13 AM

نونيا هنا وانا معرفش!!!

ماشى ياحكاية طيب ادينى خبر انا برضو صاحبة الفكرة هههههه

بس خلاص لقيت الحل فى موضوع موجز انباء حكاية لنعرف اخر اخبار المنتدى.

اولا حنونة حبيبتى الغالية بحبك جدااااا وبسعد لما بترسليلى كويزات فى الفيس بوك انتى شخصية رقيقة ورومانسية جداااااا ودمك خفيف وعلاقاتك حلوة مع الجميع ربنا يوفقك وتلاقى اللى يسعدك ويستحقك.

ثانيا اسئلة بسيطة وسهلة للغااااااية :

*مين مطربك ومطربتك المفضلين؟

*مين الممثل والممثلة اللى بتحبيهم؟

*اية الاغنية اللى مش بتزهقى من سماعها وعلطول بتدندنيها؟

*اكتر فيلم بتحبية؟

*من هى حنان فى كلمات بسيطة؟

*هل تقتنعى بالحب عن طريق النت؟

وكفاية كدى ولى عودة بأذن الله.

***NONIA*** · 02-10-2009 05:09 AM

اسألة صافي

حبيبة قلبى وقمرى نونيتى الجميلة ... بجد انا بحبك جداااااااااا مع اننا الفترة اللى فاتت بعدنا عن بعض بس ربنا اللى يعلم معزتك عندى
والله يا صافي غصب عني..انتي عارفه انا بحبك قد ايه:k:
بس هيا شوية مشاغل
ادعولي

أولا : ايه اكتر حاجة بتحبيها فى دنيتك وليه؟؟
طبعا( ربنا ورب الكون كله) وماما وبابا واخواتي دي حاجه اساسيه..
انما ايه اكتر حاجه بحبها في دنيتي هو الحب
بجد بحب حب الناس ليا وحبي للناس
و دي نعمه كبيره من ربنا عليا

ثانيا : لو طلعلك عفريت العلبة وقالك اتمنى ثلاث امنيات هتكون ايه؟؟

1:ربنا يشفي بابا وجميع مرضي المسلمين
2:ارتبط رسمي زي ما قولت قبل كده
3:اشوفكم في احسن حال لانكم بجد جمل اخوات في الدنيا

ثالثا: ايه اكتر حاجة ممكن تزعلك من شخص بتحيبه عمتا سوى حبيب او صديق او حد مقرب

اكتر حاجه بتوجع هيا الخيانه بجميع انواعها
ودي الحاجه الوحيده اللي مش بسامح فيها

وكمان لما حد يفرض رأيه عليا بدون نقاش
بجد بازعل جداااااااااااااا
وبابقي هاتجنن

وكفاية عليكى كده لحين اشعار اخر
بموت فيكى ياقمرى
وانا والله بحبك اووووووووي يا صافي
:k:

**ali_202000** · 02-10-2009 03:59 PM

اهلا ياااااااااانونيا واخيرا نتقابل فى حوار من اجل الشخصيات الكبيره ومنوره هنا فى المنتدى فلازم يبقى اسئله تكون بمنهتى الصراحه والخفة
والاسئله اهى علشان مش اطول عليكى
سؤال والاجابه تعتمد على جراتك وصراحتك

صفى نفسك بكلمتين فقط؟

ماهو الشي الذي ندمت على عمله؟

كلمة تمنيتى ان تستطيع ان تسحبها؟

اخر شخص تتذكره قبل ان تنام؟

جريمة لو تستطيع انهاء ارتكابها؟

حمامة زاجل حاملة رسالة لك من من تتمنى ان تكون؟

شخص لطالما حلمت به؟

دمعة انذرفت رغما عنك؟

موقف صدمك ولن تنساه؟

شخص تتمنى ا لانتقام منه؟

شخص لا تستطيع مسامحته؟

شي او شخص غير مجري حياتك؟

حلم لا تستطيع تحيقيقه؟

كلمة تود سماعها كل يوم؟

القمر -الشمس-النجوم-ايهم تفضل والسبب؟

**حكايه** · 02-10-2009 06:42 PM

ياليلتك الطين :ه:
ده امتحان مش حوار ههههه
ربنا يعينك يا حنان

***NONIA*** · 02-10-2009 07:45 PM

اسألة بسومه

اولا حنونة حبيبتى الغالية بحبك جدااااا وبسعد لما بترسليلى كويزات فى الفيس بوك انتى شخصية رقيقة ورومانسية جداااااا ودمك خفيف وعلاقاتك حلوة مع الجميع ربنا يوفقك وتلاقى اللى يسعدك ويستحقك.

ربنا يكرمك يا بسومه بجد انتي شخصيه لذيذه وبحبك جداااااااااااا والله
وبجد بانتظر توبيكاتك اللي دائما متألقه في افكارها
ثانيا اسئلة بسيطة وسهلة للغااااااية :

*مين مطربك ومطربتك المفضلين؟
مطربي المفضل:عبد الحليم(العندليب)
مطرتي المفضله:فيروز ونجاة
وماحدش يقول عليا قديمه
ههههههههههههههههه

*مين الممثل والممثلة اللى بتحبيهم؟
الممثل:هاني سلامه
الممثله:ياسمين عبد العزيز

*اية الاغنية اللى مش بتزهقى من سماعها وعلطول بتدندنيها؟
اغنية بنت و ولد
ل علي الحجار وهدي عمار
من فيلم اسكندريه نيويورك

وكمان اغنية ادم وحنان
ل ماجده الرومي
من فيلم الاخر

*اكتر فيلم بتحبية؟
فيلم: انت عمري

*من هى حنان فى كلمات بسيطة؟
بنت عاديه جدا بتحب الضحك بس مظلومه شويتين

*هل تقتنعى بالحب عن طريق النت؟
لالالالالالا خالص ..مش مقتنعه به اطلاقااااااااا
وعارفه ان في قصص بتنجح..بس الاغلبيه بتفشل

***NONIA*** · 02-10-2009 09:10 PM

اسألة علوه

اهلا ياااااااااانونيا واخيرا نتقابل فى حوار من اجل الشخصيات الكبيره
( ولا شخصيه كبيره ولا حاجه يا علوه)
ومنوره هنا فى المنتدى
(منوره موجودكم والله)
فلازم يبقى اسئله تكون بمنهتى الصراحه والخفة
والاسئله اهى علشان مش اطول عليكى
سؤال والاجابه تعتمد على جراتك وصراحتك
(هو انت بتنتقم مني؟؟؟)
انا حاسه اني في امتحان
هههههههههههههههههه

صفى نفسك بكلمتين فقط؟

دائماااااااا حزينه

ماهو الشي الذي ندمت على عمله؟

اني دخلت جامعه عماليه
انصح كل شاب وكل فتاه
انه يبعد عن المخروبه دي
ههههههههههههههههههههههههه ههه

كلمة تمنيتى ان تستطيع ان تسحبها؟

كلمة أسف ..قولتها لحد مايستاهلش

اخر شخص تتذكره قبل ان تنام؟
:9:حبيبي

جريمة لو تستطيع انهاء ارتكابها؟

اكتر حاجه بتغيظني لما ولد يلعب ببنت ويتسلي بيها
وفعلا دا حصل قبل كده ومنعت الجريمه دي

حمامة زاجل حاملة رسالة لك من من تتمنى ان تكون؟

من شخص هنا في المنتدي
بدون ذكر اسماء

شخص لطالما حلمت به؟

الشخص اللي حلمت به لاقيته الحمد لله

دمعة انذرفت رغماً عنك؟

انا اساسا دموعي قريبه..من اقل سبب دموعي بتنزل
ومسببالي مشكله كبيره كمان

موقف صدمك ولن تنساه؟

ليه الفضايح؟
كنت شايله رياضه وانا في تانيه ثانوي
خايبه بقي
:9:

شخص تتمنى ا لانتقام منه؟

مافيش حد الحمد لله

شخص لا تستطيع مسامحته؟

واحده كنت قايلالها علي سر
والدنيا كلها عرفت
ههههههههههههههههههههه
وعلي فكره بقالي سنه مش باكلمها

شي او شخص غير مجري حياتك؟

حبيبي..غير حياتي للاحسن مليون مره
حسيت ان الدنيا لها معني تاني خالص
غير اللي كنت عايشاه
مع اني تعبت كتير وشفت ايام ماحدش شافها
بس كله يهون علشان خاطره

حلم لا تستطيع تحيقيقه؟

اني ادخل كلية تربيه موسيقيه
كان حلم حياتي

كلمة تود سماعها كل يوم؟

:اح:
:ه:

القمر -الشمس-النجوم-ايهم تفضل والسبب؟

القمر....علي طول ب احس انه حزين من وجهة نظري

والف شكر ليك يا علوه عالاسأله الكتيييييييير دي
بس حلوه علشان انت اللي كاتبها يا اجمل اخ في الدنيا
:مر: