لماذا يرسب الطلبه في الامتحانات ؟؟؟

**Hot Ice** · 09-04-2008 01:42 AM

مش ذنبهم ياجماعه .... وناس تاني قالت لأ ذنبهم ....... طيب تعالوا نشوف .

طبعا عدد أيام السنه معروف .. واللي مايعرفش ااقوله 365 يوم

ايام كتير اهو ....... ياتري بقي الطالب بيضيعها في ايه ؟؟

ايام الجمعه 52 جمعه في السنه .... يتبقي عندنا 313 يوم .

العطله الصيفيه 50 يوم .......... يتبقي 263 يوم .

اجمالي ساعات النوم اليوميه ( النوم غير انه شيء مقدس

دا ميزان الجسم ) صافي 122 يوم .... يتبقي 141 يوم .

ساعه واحده للعب يوميا ( مفيده جدا للصحه ) والعقل السليم في الجسم السليم

يبقي ساعات اللعب المتواضعه 15 يوم ..... يتبقي 126 يوم .

ساعتين يوميا للاكل ( مع مراعاة المضغ الجيد )

يبقي بناكل 30 يوم ............. يتبقي عندنا 96 يوم .

ساعه يوميا للكلام والتحدث وتبادل المشاعر ( مخلوق اجتماعي )

ربنا خلقه كدا ! ودول يعملوا 15 يوم .... يتبقي عندنا 81 يوم .

ايام الامتحانات في السنه 35 يوم علي الأقل ( وزاره رؤوفه ورحيمه )

يتبقي عندنا .............. 46 يوم .

نسيت ااقول لكم اجازة نص السنه وربع السنه والأعياد والمناسبات الدينيه والوطنيه والقوميه 40 يوم !!....... يتبقي من السنه 6 ايام .

ايام المرض السنويه ( الكمال لله وحده ) علي اقل تقدير 3 ايام ... يتبقي كام ؟ 3 أيام .

متابعه الأفلام والفعاليات الترفيهيه والمهرجانات ( عايزين نعيش حياتنا برضه ونشوف الدنيا بيحصل فيها ايه .. ) وبعد كمان مانيجي علي نفسنا علي الأقل يومين !!

يتبقي ....

يوووووووووووووم واااااااحد .............

وده بالضبط ... يوم عيد ميلادك السعيد المجيد

الف مبروك .. وكل سنه وانت طيب ياجميل ...

يبقي لازم في ختام بحثي المتواضع ....

اقترح علي سيادتكم اقامة تمثال للطالب المصري المجني عليه

يجاور تمثال امنمحتب ... ويضاهي في شموخه الكاتب المصري

القديم الذي يجلس القرفصاء .. ويفترش الأرض .. في انتظار

دخول تامر السجن مرة اخري ! وعجبي !

**| Nadooosh ●** · 09-04-2008 01:48 AM

هههههههههههههههههههههه
منطقى منطقى منطقى
ربنا يكون فى عوننا

**Hot Ice** · 09-04-2008 01:56 AM

دا ايه الناس اللي بتتلكك دي ؟

الله يكون في عونكم فعلا

شكرا مينتوسا لمرورك الجميل

**● **همسة** ●** · 09-04-2008 02:27 AM

هههههههههههههههههههههه حلوه اخر حاجه
أنا على كده بطله والمفروض يتعملى ميدان
لسببين الأول انى طالبه مصريه والتانى انى كنت طالبه فى علوم

شكرا يا ايس على التوبيك بجد دمه خفيف اوى

**Spider GirL**(•'.'•) · 09-04-2008 10:05 AM

ههههههههههه
يااااااااااه وانا كنت فاكرة ان المشكلة فيا
اتارى المشكلة ف الوقت
ربنا معانا يا طلبة مصر
شكرا Hot Ice

**ReRe** · 09-04-2008 11:40 AM

بث جت من عندك
انا ماتكلمتش

ماحدش يلومني ولا يعتب عليا
زنقوني يا خالتي
ومافيش وقت ياعنيا

الحمد لله

**Messi** · 09-04-2008 12:46 PM

ههههههههههههههههههههههههه هه
جامده يا نجم

**Wezooo**(•'.'•) · 09-04-2008 08:42 PM

ههههههههههههههههههههه
الحمد لله ان كده تمام لان المشكله طلعت فى الوقت مش فيا
وبعدين انت بتقول ساعه يوميا للكلام والتحدث وتبادل المشاعر ( مخلوق اجتماعي )
امال اللى بيكلم اربع ساعات او اكتر يعمل ايه
دى انا عايز سنه من 425 يوم

**Hot Ice** · 10-04-2008 03:08 AM

أولا طالبه مصريه دا قدرنا كلنا

اما بئا انتن ... وأعني المصدومات بالصدمه العلوميه

كان الله في عونكم بجد !! الدنيا مش ناقصه تفاعلات ولا اكسده !!

كفايه اللي بره !! بس يالا ... نقدر نقولك كفااااااااره

شكرا يا همسه .. ونورتي الموضوع

**● **همسة** ●** · 10-04-2008 03:12 AM

ههههههههههههههههههههههههه هههه
حلوه المصدومات بالصدمه العلوميه دى
كانت ايااااااااااااااااااااااا اااام
الحمدلله انها عدت
فعلا استاهل يتقالى كفاره
بس انا كنت سوسه
انا معرفش ليه توتا مش طالعالى