حتي ال ( قفا ) مش مأثر !!

**Hot Ice** · 08-04-2008 03:24 AM

مرة واحد ( زعيم ) عايز يزود شعبيته قعد يفكر يعمل ايه ..فقال لرئيس الوزراء يعلي الأسعار فالناس تتضايق يقوم هو ينزلها،

فعلا رئيس الوزراء زود الأسعار، بس الناس ما اتكلمتش، عادي خالص !! الزعيم استغرب قوي، وقاله : طب خلي الضرايب على المرتبات خمسين المية. زود رئيس الوزراء الضرايب
خمسين فى المية، الناس هزت دماغها وسكتت.

الزعيم اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا .. !!

رئيس الوزرا عجبه الموضوع .. قام خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية .. الناس قالت اللهم طولك يا روح .... أمرنا لله.... و دفعوا.

رئيس الوزرا كبرت فى دماغه، وأمر إن اللي يعدي بعد ما يدفع العشرة جنيه، و هو خارج من الكوبري ياخد على قفاه .. !
و نزل الزعيم بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه وهية نازلة و تاخد على قفاها وتمشي..... !!

شوية و لقى واحد بيزعق و متضايق، فرح جدا ووطى على ودنه وقال له والسعاده هتنط من عينيه "ايه مالك ؟ "

قال له "حاجة تقرف ! ... أنا متعطل هنا بقالي خمس ساعات..ما ينفعش كدة ..لازم يزودوا عدد الناس اللي بتدينا
على قفانا .... !!!!

**| Nadooosh ●** · 08-04-2008 03:54 AM

يانهار ابيض .........!!!!!!!!!
لاجامدة جامدة

فعلا ........لاتعليق..........

**Spider GirL**(•'.'•) · 08-04-2008 07:00 PM

اقول اية ؟؟؟!!!!!!!!!

**Hot Ice** · 08-04-2008 11:17 PM

هي فعلا جامده لأنها بتوضح حالة اللامبالاه اللي

وصلنا لها ... ! ومش قادر اسميها حالة الرضا

لأننا اكيد مش راضيين .. امال ليه بنسكت ونقبل الهوان !!!

شكرا مينتوسا لمرورك الجميل

**Hot Ice** · 08-04-2008 11:19 PM

لأ ... ماهو لازم تقولي حاجه يا سبايدر !!

وكمان مش هغششك !

**● **همسة** ●** · 09-04-2008 02:32 AM

يارب مصر كلها تبقى المحله الكبرى
بس تعرف موضوعك ده ابعاده متشعبه جدا
ده مشبس بيعرفنا الفرق بين الرضا بالواقع
والرضوخ ليه رغم عنا ده كمان بيسلط الضوء على نقص وعى بالحقوق والواجبات
و كمان للاسف احنا فى مصر غافلين انه لايموت حق وخلفه مطالب

**Hegazy** · 09-04-2008 03:00 AM

ههههههههههههههههههههههههه ههههههههههههههههههههههه

no comment

**Messi** · 09-04-2008 03:12 AM

طب كده المشكله فى الرئيس
المشكله فى سلبيه الشعب فيستاهل اللقفا اللى بياخده
شكراا ع الموضوع

**ReRe** · 09-04-2008 11:35 AM

اي...

**Hot Ice** · 10-04-2008 03:17 AM

تسلم ايدك وردك ...

تعرفي يا همسه فيه رأي تاني بيقول ايه ؟؟

بيقول انه من عملنا ربنا سلط النوعيه دي علينا ؟؟ مقتنعه ؟

ولا احنا اللي سمحنا لهم بكدا ؟؟