هل تملك مقدرة الحكم علي الامور ؟؟

**Hot Ice** · 08-04-2008 01:49 AM

كان لرجل أربع أبناء أراد أن يعلمهم درس رائع فى الحياة .... الا يحكموا على الامور بسرعة و لا تكن نظرتهم سطحية للأمور

لذلك أرسلهم الى مكان بعيد حيث توجد شجرة كبيرة و طلب من كل منهم أن يصف تلك الشجرة له .. وحدد لكل منهم وقتا معينا يذهب فيه ..

فذهب الابن الاكبر فى فصل الشتاء ... و ذهب الثانى فى الربيع و الثالث فى الصيف .. و الاصغر في الخريف ..

عندما عاد الأبناء من رحلتهم البعيدة جمعهم معا و طلب من كل منهم ان يصف ما رأه ..

فقال الاول : ان الشجرة كانت قبيحة و جافة ....

بينما قال الثانى : أنها كانت مورقة و خضراء ..

و تعجب الابن الثالث من كلامهم قائلا : انها مغطاة بورود ذات رائحة جميلة و تبدو غاية فى الروعة والجمال ..

و أنهى الابن الاصغر الكلام معلقا : انها كانت مليئة بالثمار و الحياة ..

ابتسم الأب لهم بحب .. وقال لهم جميعكم علي صواب ومارآه كل منكم صحيح ..

واضاف لهم مفسرا ... ان كل منكم ذهب في موسم مختلف .. ووقت مختلف ولكن لنفس المكان ...

لم يتغير المكان او الشخص ... ولكن الوقت مختلف ..

لذا ياابنائي الاعزاء لايجب ان نحكم علي شخص ( شجرة ) في وقت ( موسم ) معين .. ونقيم هذا الشخص من خلال هذا الموقف الوحيد !!

.. فكما رايتم .. انها نفس الشجره .. ولكن وقتها اختلف والظروف المحيطه بها اختلفت .. فرآها كل منكم بشكل

مختلف .. والأهم انها قيمها وحكم عليها بشكل مختلف ..

ياابنائي اذا استسلمتم لقسوة الشتاء فلن تروا ابدا جمال الربيع .. ولاحكمة الخريف .. ولا قيمة نسمة الصيف ..

واذا حكمتم علي موقف فألموا بجميع جوانبه ولاتتسرعوا في الحكم .. حتي لاتخسروا انسانا رائعا !!

ولاتدعوا الالم الذي يبدو في جانب ما .. ينسيكم لذة الفرح في باقي الجوانب ..

حاولوا ياأبنائي ان تعبروا فوق المواقف الصعبة و الظروف المرة لان الله يعد لكم أوقات احلى و حياة افضل ..

**ReRe** · 08-04-2008 02:03 AM

واذا حكمتم علي موقف فألموا بجميع جوانبه ولاتتسرعوا في الحكم .. حتي لاتخسروا انسانا رائعا !

ولاتدعوا الالم الذي يبدو في جانب ما .. ينسيكم لذة الفرح في باقي الجوانب ..

شكرا ليك يا هوت
وطبعا انا ........... اعترف اني كنت لا استطيع الحكم علي الامور ومتسرعه و....
كنت عيانه وخفيت الحمد لله عادي يعني بس ده مابنكرش اني دلوقتي دماغي بتفكر جامد...ومضايقه من الشخص الرائع ...
وهقوم دلوقتي علشان عندي امتحان
و..............
مش هعمل حاجه طبعا

**Wezooo**(•'.'•) · 08-04-2008 02:06 AM

شكرااااااااا على الموضوع الجميل ده
وعلى فكره كل انسان جواه القدره على الحكم على الامور

**Hot Ice** · 08-04-2008 02:22 AM

ياسلاااااااااااام ... بطلي تواضع بئا يا ريري !

وبعدين انتي رايحه فين ؟؟ فيه سيكشن مراجعه !

**Hot Ice** · 08-04-2008 02:26 AM

شكرا لمرورك يا ويزو

بس اهم حاجه انه يمتلك المقدره الصحيحه للحكم علي الامور

والا تقتصر نظرته علي جزئيه فقط بل تمتد لتشمل الموضوع ككل !

**Spider GirL**(•'.'•) · 08-04-2008 06:45 PM

موضوعك جميل Hot Ice
الواحد فعلا لازم يحكم على الانسان فى اكتر من موقف
وما يكونش الحكم الاول والاخير للشكل الظاهرى
يعنى ينظر للانسان دة بعمق اكتر وعقلانية افضل

**ReRe** · 08-04-2008 07:18 PM

مراجعه ايه يا مستر هوت انا لسه ماخدش المنهج

**Hot Ice** · 08-04-2008 11:13 PM

برافو عليكي يا سبايدر .. انتي كدا فعلا ألميتي بكل

جوانب الموضوع ... وكمان مش بس الشكل الظاهري

انا ممكن مثلا اكون بكلمك في وقت انتي منفعله فيه

وبالتالي هيبقي ردك عليا متأثر بحالتك ساعتها

فمفروض اني محكمش عليكي في اللحظه دي انك

مثلا انسانه عصبيه .. شكرا لردك الجميل

**Messi** · 09-04-2008 02:56 AM

شكرا ع الموضوع الرائع
ويارب اكون من الناس اللى متحكمش ع اللى قدامها بتسرع
شكرا مره تانيه ومنتظرين المزيد

**● **همسة** ●** · 09-04-2008 03:08 PM

بجد كلام حكيم جدا
كتير ظلمنا ناس وكنا متسرعين فى الحكم عليهم
انا عن نفسى اكبر متسرعه شوفتها
بس فيا حاجه حلوه اوى انى لما بتنرفز من حد مش بواجه بسرعه بستنى شويه وبراجع نفسى وبعدها بكتشف انى غلطانه
يعنى كان ممكن من الاول اريح نفسى واحاول اصبر
بس يلا بقى هنقول ايه ذكاااااااااااااااااااااء بزياده

بس فى ميزه فيا وخللوا بالكم كويس
ها خليتوا بالكم
طيب هقول بئا
هى انى.................
انى مش بواجه الشخص وانا متنرفزه
يعنى هو مبيحسش بحاجه
كل حاجه بتبقى بينى وبين نفسى