افيون هذا الزمان

[Spider GirL(•'.'•)]

أفيون هذا الزمان

إن أفيون هذا الزمان ليس كما نتصور و نعتقد.. ليست عقار الهلوسة والماريجوانا والحشيش والهيروين ، وليست ما نعرفه من أنواع المخدرات

وأنما هى مخدرات من نوع جديد تدخل كل بيت من تحت عقب الباب وتقتحم على كل واحد غرفة نومه وتزاحم إفطار الصباح إلى معدته وفنجان الشاي إلى شفتيه

تلك هى وسائل الأعلام

التى نقضى امامها بالساعات بدعوى التسلية

وفى نهاية اليوم نشعر بحاله فراغ كأننا لم نعش ذلك اليوم قط

والحقيقة أننا لم نعش بالفعل وأنما حق الحياة سلب منا ويمر اليوم تلو اليوم ونشعر بأننا مجوفين تماما وأننا لم نعش أبدا وننسى ماكنا نريد أن نقوله وما كنا نريد أن نسمعه وما كان يملأ منا العقل والقلب و نتحول الى حيوان أعجم مربوط العقل والأحساس إلى هذه الأجهزة الغريبة التى تفتعل لنا حياة كلها كذب فى كذب

لقد تكاتفت وسائل الأعلام فيما بينها بتعاقد غير مكتوب على أن تقتل الأنسان بقتل وقتهم وتمنيهم بالضحك والإثارة والنكتة البذيئة

وتحت شعار قتل الوقت يقتل الإنسان ويراق دم اللحظات ويسفك العمر فما العمر فى النهاية إلى وقت محدود وما الإنسان إلى فسحة زمنية عابرة إذا قتلت لم يبق من الإنسان شئ

[ReRe]

عندك حق يا اماني...

بس انا مابقتش بتابع اي حاجه في التلفزيون ولاا في الاخبار ولا في اي حاجه...

كل وقتي هنا معاكم علي المنتدي...

فياريت نحاول نستغله صح

علشان مانجيش في لحظه واول مانقوم من علي الجهاز نقول انا ايه اللي كان مقعدني..

عايزين نوصل لمرحلة انك تقوم تعد اللي الاستفادات اللي اخدتها
سواء معلومه
فكره
كلمه تمسك تغير حياتك

ياريت احنا بايدنا نستفيد من اللي متاح لينا

دي دنيتنا واحنا فيها الحاكم والمحكوم

ياريت بئا نعيش في احلي دنيا

[Messi]

كلام مظبوط يا اسبايدر
بس معتقدش ان كل القنوات مش مفيده
فى قنوات كتير مفيده لو تابعناها
فابلنسبه للاستفاده احنا اللى بنقررها
يعنى اذا كنت انا عاوز استفاد فاكيد هلاقى القنوات اللى هتفدنى لو مش عاوز او مش حاطط فى دماغى فهختار القنوات اللى مش هتفدنى.
الموضوع راجع لنا احنا.
اسف ع الاطاله

[● همسة ●]

انا معاكى يا امانى انها اّفه يجب القضاء عليها
مع انى مبقتش اشوف التليفزيون خااااااااااااااااااااالص
انا حتى نسيت شكله

هو زى ما قال ميسى ان كل واحد بيختار هيشوف ايه
واللى عايز يستفيد بيستفيد
شكرا يا جميله على التوبيك

[| Nadooosh ●]

حلو قوى الموضوع دة
وللاسف دة الى بيحصل
ويومنا بيبقى متلخص فى الافلام والمسلسلات والبرامج االى بتساعد على تدنى الفكر بتاعنا
ونبقى عندنا بلادة فى الاحساس وفى كل حاجة
عامة نتمنى ان الايام الجاية تكون احسن
ونتمنى ايضا ان تفكيرنا يبقى اوسع من كدة ونحاول ندور على الى يفيدنا
ويخلينا نستخدم مخنا شوية
شكرا ياسبايدورة

[Haneen]

هو الفكرة صحيحة وموجودة لكن مش كل وسائل الاعلام سطحية بالعكس في قنوات هايلة وبتقدم برامج مفيدة كتير لكن الاصل علي الفرد نفسة هو بدو اية يستفيد ولا يضيع وقتة وعلي هالاساس بيقرر هو بنفسة وطبعا شكرا لكي سبايدر