اسمعينى يا مصر

**valandino** · 31-07-2009 12:55 AM

اسمعينى يا مصر
اسمعينى افهمينى حبى ليكى شىء ملينى.. قرّبى منى وخذينى باعدة ليه فكّى الحصار..إنتى روحى وضى عينى نبض عمرى اللى حايينى.. كلّى ليكى صدّقينى دى الحقيقة مش هزار.. لو ناديتى حتلقينى تحت أمرك طول سنينى.. بس إياكى تسيبينى بُعدى عنك ده انتحار..طالبة منك تحتوينى حسّى بية قدّرينى.. حققى حلمى وواسينى ليه كده طال الانتظار.. نقدى ليكى عشق منّى لو إهانة أكيد باهنّى..
مش إهانة مش تجنى نقدى كان أصعب قرار.. لو سكتّ أنا مين يقول إمتى راح تيجى الحلول.. طالبة ليه منّى أدارى عاملة ليه بيننا ستار.. كتير بواجهك تهربى بعيد ليه ما تقربى.. قربك ده هدفى ومطلبى مش عافية لكن باختيار.. سامعة صوتك بينادينى إنتى كنتى بتسمعينى؟.. اوعدينى ما تسيبينى كل ليل آخره نهار