طبيب نفساني حضرتك؟؟؟

[mr_gawafa]

طبيب نفساني حضرتك

*طبيب نفساني حضرتك....!!!!

لا انا مش طبيب نفساني ولا حاجة بس انا برضه من سنكوا واكيد هفهم مشاكلكوا اكتر من اي حد لاني ببساطة عايش الحياة زيكوا ومعاكوا ومتفاعل معاكوا اكتر من اي حد تاني

*طيب مين انت...!!!

طالب زي زيكوا بس مستعد اسمعلكوا ونتناقش سوا فمشاكلكوا والحل بإذن الله هيكون عندي

*لا ياعم انا هبقي فضيحة المنتدي وانا مش عايز كده...!!!

لا..لا فضيحة ولا حاجة احنا هنا كلنا اسرة مع بعض واحدة ويمكن لو حلك مش عندي اكيد هتلاقيه مع واحد من العيلة دي وعلي العموم لو مكسوف اوي ممكن تبعتلي عالخاص وهرد عليك عالخاص برضه

*طيب وانا هعرف منين انك اونلاين..!!

اوعدكم ان كل خميس ان شاء الله وبإنتظام هكون معاكوا عالمنتدي يعني لو دخلت الجمعة هتلاقي اجابة لسؤالك ان شاء الله اكيد

وانا في انتظاركم

[The White Wizard]

انا نفسي ايقى طبيب نفسي
بس الدنيا هنا في مصر فظيعه
هيقولو عليا مجنون
وانت فاهم

[Spider GirL(•'.'•)]

انا بصراحة نفسى احب الكلية بتاعتى واتأقلم معاه يعنى لو عندك حل قوله بس اكيد مش هتقولى امسكى الكتاب واقوله بحبك

[mr_gawafa]

انا معاكي وموضوع مهم وجامد جدا جدا جدا
طبعا مش هقولك امسكي الكتاب وقوليله بحبك
بس في مسرحية كده اوكيه كان احمد السقا بيهزر ويقول حب المادة عشان المادة تحبك
تعالي نبص كده معني الجملة دي
ولنفرض جدلا انك في كهربا حاسبات
يعني المفروض تبقي بروجرامر اي وان
يعني لما تدرسي مادة البرمجة الفروض تبقي اسهل مما تتصور
علي فكرة..صعوبة المواد حالة نفسية قبل اما تبقي صعبة بجد
في ناس تقول مادة البرمجة دي مادة فظيعة مادة عمرها متتذاكر لكن تعالي كده لو حبيتي المادة...اه دي مادة تقيلة بس يا انا يا هي ده انا هبقي ولا حاجة من غيرها يبقي انا مش لازم اطلع من هنا الا اما اخليها فجيبي
يعني بالمختصر خشي فعناد مع المواد بتاعتك يا قاتل يا مقتول هتتذاكري يعني هتتذاكري وشوفي هتلاقي نفسك بدأتي تفهمي وتجاوبي وتعملي كل اللي فنفسك
اسأل مجرب ولا تسأل.....
وهترجعي تقولي جوافة قال

[Spider GirL(•'.'•)]

المشكلة مش مشكلة مذاكرة مستر جوافة انا بحاول اذاكر وبفهم اللى بذاكره يمكن بعد فترة
بس انا نفسى احبها اذاكرها حب مش مضطرة عشان اقدر استفيد اكتر
عندك حل دكتور جوافة

[● Snow White ●]

الله عليك د/جوافه فكره جهنميه انا بجد بجد بحييك وفرحانه اوى
من الفكره وبالتوفيق وشد حيلك كده عشان بيتهيألى أن المشاكل هتبقى كتيير و مش هتلاحق وانا هجمعلك شويه وأجيلك be ready

[mr_gawafa]

الحب مش غصب يا سبايدر ولا بالعافية كمان دي دراسة والانسان بالفطرة ومش عارف ليه يحب دايما اللعب ويكره الدراسة...لكن تعالي وبصي...انتي محتاجة المادة دي عشان تبقي بشمهندسة...بتكرهيها لكن لازم علي قلبك زي العسل...نظام اللي ييجي منك احسن منك
جربي وشوفي...مش هقولك هتحبي المادة لكن هتتقبليها

[mr_gawafa]

دكتور ايه لا كده الناس تاخد فكرة غلط عننا

لا ياستي لا دكتور ولا حاجة كمان ربنا ميجبش مشاكل بس انا موجود زي موعدتكوا وهمتك معانا بقي يا سنو وايت عايزين نشتغل

[● Snow White ●]

ليه بس كده يا جوافه دا دكتور دى سكر موت عشان نعيش فى الدور و هنجهز لسيادتك العياده و أجيبلك شزلونج أحمر جلد و مكتب ميتل سلفر و كام كتاب فى مكتبه متعلقه كده و هتبقه جمده

[● Snow White ●]

تمام الحمد لله يا جوافه أفندى
و الكتب ستوردها ل سعتك شحنتها و هستناها فى المطار
اما بالنسبه لكلامك أنا أول ما أنفزه هعرف بقى إزا كان شافى ولا لاء و ربنا يستر
على العمووووووم تشكر على المساعده وربنا يخليك للغلابهo:-)