طبيب نفساني حضرتك؟؟؟

[| Bugs Bunny ●]

لاء طبعا مش يرضينا يا دكتور
دا انت الخيط و البكره
اوكى
انا هقولك مشكله من مشاكلى اللى بعانى منها
انا بحس انى مش جريئه خالص , بصراحه هو مش احساس بس دى حاجه اكيده
و نفسى اكون جريئه اكتر من كده
اعمل ايه يا دكتور ؟؟؟؟؟

[mr_gawafa]

دكتور ايه بقي بعد الخيط والبكرة مقلبنا ووفتحنا ترزي

بصي يا انستي الجميلة

حطي مبدأ فحياتك هيعدلك دنيتك اوي

ايه اللي هيحصل لو قولت كذا كذا؟
هزعل صاحبي...احسن مبقي منافق وشايل فقلبي
هخسر صاحب...انا كده كده خسرانه لو بيقول حاجة تجرحني ومعنديش الجرأة اواجهه

ايه اقصي حاجة ممكن تحصلك لو قولتي اللي فنفسك بجراءة...مش هتموتي
ولكن...
الجراءة بتقف عند حد معين
الحد اللي فيه ضرر بمستقبلك
يعني مش عاجبني فكر دكتور هواجهه وافضل معاه بالمادة لحد التخرج
يارب يكون رسالتي وصلت

[| Bugs Bunny ●]

وصلت يا دكتور
الحمد لله
بس انا كان قصدى انى بكون جريئه عادى مع اللى اعرفه كويس بس اللى معرفوش , او لاول مره اشوفه ببقا مش جريئه خااااالص
و المفروض ان المجال اللى انا فيه دلوقت لابد و لازما فيه الجرأه
بس العموم انا هحاول
شكرا يا دكتور

[mr_gawafa]

طيب كده العملية اسهل....مفيش قدامك حاجة تخسريها...يبقي خلاص ايه اللي يمنعك من انك تقولي اللي فقلبك...

بس سيبك انتي انفع ولا لا

[| Bugs Bunny ●]

هههههههههههههههههههههه

طبعا طبعا تنفع

هو فى حد يقدر يقول غير كده

[mr_gawafa]

طيب الحمد لله شهادة موثوقة ايه من Bugs Bunny بنفسها يللا بقي عايزين نشوف الزباين

[● Snow White ●]

كنت بشأر بس يا دكتور جوافة على العيادة ها أخبار الشغل يا Dr.؟؟

[mr_gawafa]

والله يا سنو انا قاعد بنش...
واكيد اي حاجة ليها سبب.
والاحتمالات لقلة زوار عيادتي ممكن تنحصر في:
1- انا مبعرفش اوصل لراحة زبايني.
2-يكون اهل المنتدي مش واثقين فيا ومش عايزين يفضفضوا معايا.
3-يكون كل واحد خايف او مكسوف يتكلم فمشاكله وبكده مفيش حاجة هتتحل.
4- واخيرا ودي مستبعدة شوية ان يكون كل اهل المنتدي عايشين حياة مثالية خالية من الهموم ( مفيش حد في الدنيا كده ).

ويجوز الاحتمالات كلها متطبقة مع بعض
وكل ده سبب اني بنش
حد يلحقني الضرايب هتحجز عليا محتاجين نشتغل

[● Snow White ●]

لا يا دكتور لا تقلق أنا أشك فى السبب التالت بس انا جيبالك مشكلة صغيرة بس كبيرة و مؤثرة
مشكلة ناس كتير انها بتتحمس لأى حاجة جديدة فى الأول وبتبقى شعلت حماس و بعدين بعد ما تبداء فى الجد الحماس يتلاشى
وترجع تشوف حاجة تانية تتحمسلها و ترجع بردو متكملهاش و هكذا
ودى مشكله كبيرة لان الواحد لازم يستمر فى حاجة عشان يثبت نفسه فيها
ها يا Dr ممكن توصفلى الدواء عاجلا؟

[mr_gawafa]

هي المشكلة ان الواحد بيلاقي الموضوع شيق فيتحمس ان الواحد ينفذه...لكن مش مجاله او مش هوايته فمش حبه في عملها ...مجرد فكرة عجبته,,,عشان كده بتاخد وقتها وتروح
طيب والحل..

الحل بسيط اوي اوي
حب ما تعمل حتي تعمل ما تحب
ومش لازم تلاقي فكرة تعجبك عشان تمشي فيها...ليه متبقاش انت صاحب الافكار الجديدة اللي الكل يجري عليها,,,وصدقيني لو دخلتي فحاجة انتي بتحبيها هتلاقي نفسك بتبدعي فيها...وعن تجربة شخصية