العادات و التقاليد بلون الموضه

[● Snow White ●]

أصبح هناك العديد من التجاوزات التى يقوم بها الشباب و أوشكت على ان تصبح من المسلمات هل هو تغير الزمن هل العادات والتقاليد تتاثر بمرور الوقت؟ هل فى المستقبل سوف تلون العادات والتقاليد - المرتبطه أرتباط وثيق بالاديان الحنيفه التى نعتنقها - بلون يتماشى مع زوق العصر؟؟؟؟

هناك العديد من السلوكيات التى نقوم بها الأن كانت من المحرمات فى السنوات السابقه و من هذه السلوكيات سلوك لم يعد امامه العديد من الخطوات حتى يصبح مسلم به وهو الرجوع إلى المنزل فى الأوقات التاخره تقرب أو قد تتخطى منتصف الليل

فى الماضى كان هناك قوانين صارمه فى البيوت لا أحد يدخل المنزل بعد وقت محدد والقوانين لا يوجد بها تفرقه بين ولد وبنت أما الأن فا نلاحظ و خصوصا فى العاصمه و المدن الكبرى تاخر الابناء خارج البيت لا نناقش مكان تواجدهم فى النادى فى الكافيه فى الشارع لا يوجد فرق و لكن المرفوض هوا الفكره نفسها فكرة تاخرهم........ اليس للبيوت حرمات؟؟ ألا يستطيع الاباء السيطره على هذا الوضع الراهن؟
سألت بعض الأباء و كان الرد ان السبب فى ذلك هوا أن المدينه نفسها تكون مستيقظه حتى الصبا كما دور العرض و النوادى و الكافيهات وهذا ما يشجع الابناء و يبعد عنهم الشعور بالخوف؟
إذا هل معنى سهر النوادى و السنيمات و الكافيهات حتى الصباح و جود الامان وترك المساحه لهم لدخول البيت مع بزوغ الفجر؟

على كل من يتطلع إلى هذا الموضوع طرح رأيه.......... هل يوافق هذا السلوك ولماذا و ما الحل؟

[Spider GirL(•'.'•)]

موضوعك جميل سنو وايت
بس المسألة مسأله ثقة متبادلة بين الاباء والابناء
ولو الاباء ماعندهمش ثقة فى الابناء مش هيسمحوا لهم بالتأخير

[Messi]

متشكرين يا اسنو وايت ع التوبك
بس انا مش شايف انها مشكله عويصه (كبيره يعنى) دلوقتى انا مثلا شايف ان معظم صحابى ده لو مكنش كلهم مبيخرجوش اللا باليل من بعد 10 كده ليه بقى .
دلوقتى الواحد مثلا فى الايام الفاضيه بيقوم من النوم الظهر على مايفطر ويبداء يفوق كده العصر بيدخل وغالبا مفيش حد بيخرج العصر من البيت الوقت ده بيكون تقريبا للعب الكوره (انا بتكلم عن نفسى وعن صحابى) بعد المغرب الشاب بيشوف انه عيب انه يخرج دلوقتى كمان معظم الماتشات بتاعت الكوره بتكون فى الوقت ده او بعد كده بشويه .فمش هينفع نخرج
يادوب بقى بعد كده الواحد بيبداء يفكر انه يخرج بتكون الساعه دخلت فى 9 او 10 كده
على الواحد مايقعد ويتكلم بتكون الساعه اقل حاجه دخلت على واحده .
الحاجه المهمه بقى فى الموضوع انا شايف ان مفيهاش اى انتهاك لحرمات البيت .انا معايا مفتاحى بدخل بالراحه ومن غير ما حد يصحى وادخل انام ومحصلش اى حاجه .
كمان زى ما قالت اسبايدر جيرل من موضوع الثقه.وبيتهيالى ان اهلى لو مش واثقين فيا مش هيسبونى براحتى.
بس كده

[● TiTaNiC LoVeR ●]

انا عارف ان السلوك ده غلط
بس الواحد اتعود على كده اه
بس انا من نحيتى مع زمايلى عشان نخرج انسب وقت بنخرج فيه بليل
بس على فكره العاده دى مش المفروض تكون مستمره
المفروض الابوين ياخدوا بالهم من الموضوع ده
شكرا يا سنو وايت على التوبيك

[● Snow White ●]

والله نورتيلى التوبك يا قمر بس انا معترضه على الرأى ده وأختلاف الرأى لا يفسد للود قضيه كدا ولا إيه؟
بص يا جميل فى مثل أنا بثق فيه جدا وهوا (المال السايب يعلم السرقه) يعنى مش معنا الثقه أن حضرتى أو حضرتك نرجع البيت 12 بليل و مش معانا حد من الاسره سواء بابا ماما اخويا كده لأن أحنا بنات و الزمن ده نيله و مش هقولك كلام الناس و الكلام ده بس خوفا علينا أحنا وبصراحه أنا لو شفت أنسه اموره زي سعتك كده رجعه بيتها متأخر و لوحدها دماغى تروح و تيجى و الشيطان شاطر
أما بالنسبه للأولاد فا الكلام يتغير بس كده يا سكر و مرسى على طلتك علينا

[● Snow White ●]

بص يا ميسى انت إللى يسمع كلامك هيقول صح يا باشا بس انا اعتراضى أن دى تغير و تحول فى العادات و التقاليد يعنى من 20 سنه كده كان استحاله يحصل صح؟
الحوار مش حوار ثقه يا كابتن بعيدا عن الثقه أنا بقول ربنا قال (جعلنا اليل لباسا وجعلنا النهار معاشا) صدق الله العظيم يعنى ده الصح اليل نسكن فى بيوتنا و النهار ليه عيون صح أنا بقى إلى بتكلم فيه أننا غيرنا الكلام ده ليه
أنا عارفه أن معظم أو كل الشباب زى السياده كده بس ليه كده وليه الحوار أتغير؟
وبيتهيألى أن الموضوع بالنسبه للأولاد اقل خطر صح؟

[The White Wizard]

انا مش عشان ولد هقولك اخرج زي ما انا عاوز وارجع وقت ما انا عاوز
ابويا الله يرحمه كان دايما يقولي اخرج زي ما انت عاوز بس لازم تعمل حاجتين
الاولى اني اخرج وارجع في الميعاد اللي بنتفق عليه مش بعده حتى ولو بربع ساعه
التانيه انك لو غيرت المكان اللي انت كنت رايحله لازم تتصل بيا وتعرفني

بصراحه انا وحشتني سلطه والدي عليا جدا

[● Snow White ●]

الله ينور عليك يعنى هيا عاده الشبابا خدو عليها بس هيا مش محبوبه يعنى لازم يكون ليها حدود مش مرتبطه بالثقه أو عدمها ولازم الاهل يخو بالهم
انا معاك
ونورت الموضوع

[Spider GirL(•'.'•)]

الكلام بيختلف بالنسبة للبنت عن الولد يعنى بصراحة البنت ما ينفعش تتأخر بالليل لوحدها لاننا فى مجتمع شرقى وكمان حفاظا عليها بس بقى واختلاف الرأى لا يفسد للود قضيه

[| Bugs Bunny ●]

انا عن نفسى مابخرجش كتير , و لما بخرج بيكون اخرى فى البيت الساعه 10 بس ده لما بكون اتفقت مع ماما و اتكلمنا كتييييييييييييير
" الذن على الودان امر من السحر "
و بقعد اكتر و ازود فى الوقت اللى هرجع فيه لحد ما يبقى 10 و بيكون بعد عذاب , بس لازم تكون عارفه انا ريحه فين ؟ و مع مين ؟ و هرجع امته؟
و لازم تعمل تحريتها على صحابى , يعنى تكون عرفاهم كويس
و لازم تكون واثقه فيه , يعنى تعرف انها مخلف رداله يكلو الزلط
شكرا على الموضوع يا جميل