سرفيس

[The White Wizard]

قصيدة السرفيس


في السرفيس واقفين طوابير
والكمسري نازل تحشير
خش يا فندم خش يا بيه
والقاعد يرفع رجليه
حاسب ياسطه هاته تعالى
خش يا كابتن جنب الخاله
والسواق ودماغه العاليه
لما بيحلف بامه الغاليه
ان ما يركب فيها رجاله
اصل السرفيس جاتله الحاله
واما يقول ياللا يا انسات
علشان تنزل لنا بركات
لا انا لا غيري يقدر يتكلم
اصل السواق لبسه مقلم
يقدر يبقى علينا معلم
يركب ويدلدل رجليه
واللي بيجري ورا السرفيس
عامل جدول للتخسيس
واقف بيستناه على طول
مهما الوقفه بيه هتطول
واما يسيبه هيركب ايه
فيه الاجره بربع جنيه
وحاجات تانيه بتحصل فيه
بيني وبينك راح اقولهالك
واللا بلاش وتريح بالك

[Romance_taha]

هههههه .. ظريفة يا باشا .. شكراً ليك على الزجل الحلو ده ..

[7oDa_elray2]

مشكور يا باشا على الموضوع
تسلم ايدك