متأمل برضاك تجبر عزايا



لحظة وجودك عندي الكون مفقود
يصير هالكون كله مرايا
يصير كل الكون بعيوني ورود
وتضحك لي الدنيا دامك معايا
كف العلا بأسمى معانيه ممدود
لمصافح أكفوفك أيدينك ظمايا



جيتك أمل والباقي فيك يعود
متأمل برضاك تجبر عزايا



جيتك من أعماق الزمن عمر موعود
لأجلك تركت الكون كله ورايا



جيتك براءة طفل له يوم مولود
ما دنست ذكراه كثر الخطايا



جيتك بعيوني شوق وأمال ووعود
اسأل عيونك وأنت تعرف خفايا
لولا الرجاء ماجيت والباب مردود



جيتك بكف ورود وبكف هدايا
احضن طموحي دام هالعمر محدود
ولملم بقايا كان فيني بقايا
أنفاسك وعطرك وعنبرك والعود
ماحبيت غيرك يا قلبي وهوايا