الحقيقه و السراب

[| Bugs Bunny ●]

يعيش الانسان فى كثير من الاحيان فيما يسمى بالوهم او السراب ، فيعيش و يتعايش معه حتى يتصور انه حقيقه قائمه ، و فى وقتها لا يستطيع ان يفرق بين الحقيقه و الخيال ، فقد تحول الخيال فى ظنه الى حقيقه ، وفى بعض الاحيان قد يتحول السراب الى وحش مفترس يلتهم ويفترس الانسان اذا علم انه فى خيال لا واقع و عندما يستيقظ الانسان من الوهم يجده قد دمره بالكامل و لم يبقى منه شئ و يجد الواقع مؤلم متغير و لا يستطيع حينئذ ان يساير الواقع او انه يرجع للحلم مره اخرى .
يعيش كل منا وهما فى حياته و يصدقه فيسيطر عليه كأنه شبح ويرفعه الى السماء ثم يتركه يهبط لوحده فيتذكر الانسان كل ما حدث من آلالام فى حياته وهو يسقط ، فيسقط و لا يجد من يسانده .
فنصيحه منى ألا يعيش احد فى اوهامه و يعيش فى واقعه بكل ما به من آلالام و أحزان ، فالواقع اهون و اخف بكثير من الخيال ، فتلك الحالتين تحطم الانسان و لكن اهون على الانسان ان يعيش فى الحقيقه بدل من يجرى وراء السراب .

[Messi]

زى الفل التوبك
بس دلوقتى فى ناس بتلاقى الواقع بتاعهم منيل بستين نيله ومش عارفين يحققوا فيه اللى هما عاوزينهم
فبالتالى بيعيشوا فى وهمهم لانهم لو معملوش كده يبقى فى حاجه من اتنين هتحصل لهم
الاولى انهم هيكتئبوا وفى الاخر هينتحروا
التانيه انهم هينتحروا برضه
فنسيبهم يعيشوا فى احلامهم شويه

[| Bugs Bunny ●]

شكرا ليك ميسى على مرورك

بس انا من رأيى اننا نحاول نعيش فى الواقع و نحاول نتعود عليه بدل منعيش فى وهم و نفوق على حقيقه مره و منعرفش نتأقلم مع الواقع تانى
بس مع ذلك انا كتير اوى بعيش فى احلام و اوهام

[● Snow White ●]

تسلم ايدك يا روكا الموضوع بجد طريقة صياغته جمده أخر حاجه
بس أنا بعترض معاكى فى و جهة النظر لأن سعات وهم السراب بيكون اهون كتيييييير من أللام الواقع و سعات بتكون دافع كبير لمستقبل الواقع

وشكرا بجد تانى و مستنين المواضيع الجامده كلها منك

[Essoo]

موضوع تحفه يا روكا والله تسلم ايدك عليه
وفعلا بيكون السراب سعات احلى كتير من الواقع اللى احنا عايشين فيه لدرجه ان احنا ممكن نصدق ان هو ده الواقع

ميرسى يا قمر على التوبيك الجميل ده

[Spider GirL(•'.'•)]

موضوع جميل جدا
بس انا مع روكا نعيش الواقع بكل ما فيه من سيئات افضل من أننا نعيش وهم وخيال فى نهايته لازم نرجع للواقع فنتصدم
بس مع الحقيقة اللى احنا بنعيشها لازم يكون فى شويه خيال مرتبط بالواقع يكون دافع وامل لمستقبل افضل على ارض الواقع

[| Bugs Bunny ●]

شكرااااااااااااا جدا ليكم( snow , essoo , spidergirl)
لمروووووووركم

[| Silent Guardian ●]

الحمدلله
كل الاراء اللي شوفتها اما توافق بشدة
او ترفض بشدة
الموضوع بجد جميل
الواقع و الخيال؟ ايهما افضل ؟
انا في رائي البسيط و اللي مش عايز حد يعمله ان المزيج بين الاتنين هيكون افضل الاحوال
ايه يعني لما تعيش شوية في الخيال بشرط انك تربطه بالواقع و متخليهوش يفلت منك
يعني مش اول ماتشطح تنطح و تحلم تبقى رئيس الجامعة و تعيش انك خلاص سنة 2020 هتكون رئيس الجامعة , لا احلم انك الاول مش حتى دكتور , لا معيد, رتب نفسك على كده , وصلت ؟ احلم فوق شوية , وصلت؟ اعلى حبيتين و هكذا
انما لو حلمت انك تبقى رئيس الجامعة ؟ و نسيت و مش حطيت في دماغك العقبات اللي هتقابلك لحد ما توصل للمنصب ده هتتكعلبل كتير ,. كتير قوي , و ساعتها صدمة السقوط هتبقى اكبر , من فوووووووووووووووووووووووو ق قوي , لتحت خالص
و شكرا يا روكا و كلمة اخيرة
لولا الاحلام والخيال , مكنش في حاجة من الحاجات اللي احنا شايفنها دلوقتي موجودة

[اميره الثلج]

بجد موضوعك تحفه يا( روكا )

[moony]

موضوعك حلو اوووي يا روكا وفكرة حلوة انك تكلمي عن الفرق بين الحلم و الواقع ورأيك انا موافقة عليه بس لازم يكون مع الواقع شوية حلم تعطيك تفائل لان الحقيقة علي طول هتخليك عايشة اكتئاب لان مفيش حاجة في الحقيقة حلوة تبسطك
وبشكرك علي الموضوع الجامد اووي ده