ناقوس الخطر يدق

[● Snow White ●]

كتير اوى بنسمع أن الشباب فاشل و دماغه فاضيه والكلام المتكرر ده وأكيد كل واحد منتمى للجيل المتهم ده أو غيرنا من المهتمين بيحاولو يدورو على الأسباب و الحلول المطلوبه للخروج من هذا المشكله التى تؤرق نوم العديد من المنتظرين تطور دور أعضاء هذا الجيل حتى يصبحوا كبار الرؤس المحركه للدوله
بيتهيألى الحوار مش سهل وميستحمل أننا نستنى وقوع الفأس فى الرأس يعنى لازم أحنا الشباب نبداء بالبحث عن أسباب المشكله و إزاى هنحلها؟؟؟؟؟؟؟؟؟؟؟؟؟؟؟؟؟؟؟
*فى أراء بعض الشباب بتقول أننا مش جيل خايب ولا حاجه لا دا أنا جامدين موت بس هما إللى مش عارفين يفهمونا وان كل جيل بيبص للجيل إللى بعده أنو فاشل ...................
*وجهة نظر بردو بس معتقدش أن الكلام ده صح لأن الحاله فى تدهور مستمر يعنى مثلا الدماغ الفاضيه و واللا مبالاة و التفكير المستهتر والتقليد الاعمى وحالة البلد والحكومات وحجاات كتير أوى كلها وميض ينذر بالخطر

أنا حاولت كتير أفكر فى الحوار ده بس طبعا الموضوع معقد جدا ومينفعش نقول أنو ليه سبب واحد أو حد معين هوا السبب فى هذه المشكله أو أننا نقول الجهه الفلانيه هيا المسؤوله الأن الموضوع بجد كبييييييييير
المهم أحب أن كل واحد مهتم يدخل يقول رأيه يعنى لو حتى سبب واحد من وجهة نظره و أقتراح على الاقل يقدر يطرحه لحل مشكله تهمنا كلنا

وانا هبتدى:


أعتقد ان السبب هوا أن الشباب مش لاقى هدف ولا دور مفيد يعنى انا حسه أن أى حد فى سنى مثلا ملوش دور ملحوظ يخدم دولته يقدر يهتم بيه فى الدوله يعنى المذكره وكده ميهيأليش أننا بنفكر أن دة دور يفيد الدوله بغض النظر عن صحة الكلام ده يعنى السبب فى عدم وجود هدف ودور فعال يقوم به الشباب

الحل:
منح الشباب أدوار تعمل على تفجير طاقتهم وشغل اوقاتهم و يكون لها أثر واضح وملحوظ حتى يشعر الشاب بقيمة الدور الذى يقوم به


***ويا ريت الكل يعمل على الرد على هذا الموضوع للاهميه**

[| Bugs Bunny ●]

شكرا ليك ياااااااااااا snow على موضوعك المهم ده و اهتمامك بالشباب
بس الحل ده هنحققه ازاى ؟؟؟؟؟؟؟؟؟؟؟؟؟؟؟

[● Snow White ●]

شكرا يا B.B على المرور و التعليق يا جميل
بس أنا كنت عيزه أقول أن مش المطلوب الحل هيتنفذ إزاى المهم حتى اننا ندور على الحلول فى الوقت الحالى
وبعدين سيادتك ما قلتيش ولا سبب ولا حل يا ريت تدخلى تانى و مستنين منك سبب المشاكل دى من وجهة نظرك و تطرحى حل للمشكله و بجد شكرا لاهتمامك

[| Silent Guardian ●]

تصدقي بايه ؟
الموضوع بجد في غاية من التعقيد
و انا كشاب , بحاول بقد ما اقدر اني ماقعش في دوامة الخطأ زي مالشباب اللي في الامثلة بتاعتك وقعوا
بس انا شايف ان اهم سبب للسلبية هو الحرمان , و الاسوا و الاذل هو الشعور بان الحرمان ده مش هينتهي
و يمكن الزعيم عبر عن احد وجوه الحرمان في فيلم النوم في العسل في حواره مع الطبيب لما ساله عن رد فعل المجتمع لو اتشالت منهم العاطفة , طبعا كارثة .
مش ضروري ان يكون المقصود بالعاطفة العاطفة ناحية الجنس الاخر ,و انما العاطفة تجاه اي شئ , الاهل , الاسرة , العمل , و طبعا الوطن .
كل دي اسباب للسلبية
للاسف و لضيق والوقت و المجهود , مش هقدر اكمل
بس في اسباب كتير للسلبية و انا حبيت اتكلم في الموضوع ده عشان حسيت ان مفيش ناس كتير هتطرق ليه , و كمان عشان الاسباب التانية اللي هقولها في ناس كتير هتتكلم فيها
شكرا يا سنو
و ربنا يوفقك

[mr_gawafa]

انا عن نفسي شايف ان العيب بوجه عام في الجيل اللي قبلنا واللي قبله واللي لسة ليهم تأثير علينا لحد دلوقتي يقدر حد يقولي يعني ايه احنا في سننا ده لسة بناخد المصروف وبندرس وفي الاخر منلاقيش شغل في حين ان انا قرايبي في النمسا في نفس السن بتاعي خلصوا تعليم وجيش واشتغلوا واتجوزوا وعايشين حياتهم بيأدوا دورهم في الحياه خلاص...واحنا عندنا الشاب اللي في ال30 بيحلم يوصل للمستوي اللي هما فيه دلوقتي....يعني لو كان النظام صح كنا بقينا عالحال ده...معتقدش

[● TiTaNiC LoVeR ●]

اولا موضوعك جميل
ثانيا لازم يكون فى نظام فى المجتمع اللى احنا فيه دلوقتى
ثالثا نخش فى المموضوع
فى شباب بيحسوا انهم مش موجودين فى المجتمع وبيحسوا أن جيلهم بيختلف عن جيل آبائهم
ساعات بنسمع ان ان طالب فى كليه كويسه
بيتعاطى مخدرات
اكيد فى دافع خلاهم يعملوا كده
واكيد كلنا سمعنا عن السباب اللى بيسفروا اوربا بيدورا على عمل
اللى خلاهم يعملوا كده ان مافيش فرص عمل متوفره
والفروض على الاباء انهم راقبوا اولادهم ويعرفوا ايه اللى بيدور عقلهم بحيث تكون أباً وصديقاً وموجهاً في وقت واحد عشان يعرف مشاكل ابنه وايه اللى بيدور في عقله ولا سيبله الحبل على الغارب مش يفكر أن ايه كبر وخلاص بقى يعرف مصلحته
لا إن الشاب يكون في حاجة للتوجيه أكثر من غيره

وشكرا يا سنو وايت على الموضوع

[● Snow White ●]

رأيك واضح و بجد تشكر على طريقة تفكيرك يعنى السبب طول سنوات إعداد الشاب سواء فى التعليم أو الجيش بيأدى إلى أنصراف الشباب إلى ما يثبت وجودهم أمام نفسهم؟ رأى جديد فعلا و تشكر على المرور يا جوافه و نورتنا

[● Snow White ●]

أولا: الله عليك يا باشا شكرا على مرورك

ثانيا : حضرتك رميت الكوره فى ملعبين مهمين جداا
**اولهم الحكومه وعدم القدره على توزيع الكفأت فى اماكنها المحددة ليها عشان كل واحد يكون فعال فى مجاله
**ثانيهم الأسره أن الأسره بيزول دورها عند وقت معين فى حين أن الشاب بيكون فى أكثر الأوقات أحتياجا ليها


ثالثا: بردو بحيك على طريقة تفكيرك وردك النظم