كلمات اغنية ساكن قصادى لنجاة لصغيرة ( مش هقولك لازم تسمعها لانها اكيد هتعجبك )

**لست قلبى** · 10-07-2010 08:15 PM

كلمات
الشاعر الغنائى الكبير
حسين السيد

الحان
موسيقار الاجيال
محمد عبد الوهاب

غناء
محبوبة السميعة
نجاة الصغيرة

ساكن قصادي وبحبه وأتمنى اقابله

فكرت أصارحه لكن أبدا مأقدرش أقوله

وفضلت استنى الأيام في معاد مايسهر ومعاد ما يرجع

كل خطوة أرسم احلام تكبر فقلبي والقلب يطمع

وأقول مسيره ح يحس بيا لو يوم صادفني وسلم عليا

حيلاقي صورته ساكنة بعيني ويحس بيها برعشة ايديا

كنت حاسة أن حـبـه كل ماده كان بيكـبــر

أبقى عايزة لو يكون ليا قلب غير قلبي الصغيـر

فضلت أمالي مع الليالي

تقرب حبيبي اللي ساكن قصادي وبحبه

وفي يوم صحيت على صوت فرح

بصيت من الشباك

زينـة وتهـاني وناس كتيـر دايـرين هنـا وهنـاك

شاوروا لي بإيديهم وقالوا ليا عـقـبـالك

هللت م الفرحه وسألت

قالوا ....... جارك

حبيبك

حبيبي

اللي ساكن قصادي وبحبه

رحت الفرح بالليل ورسمت بعيني الفرحـة

ساعة ما كان بيشيل بإيديه وبعينه الطرحة

شربت شرباتهم وانا قاعدة بصالهم

لحد ما قاموا ومشيت اوصلـهـم

حتى الأمل ما بقاش من حقي أفكر فـيـه

بعد الليله دي خلاص بقى غيري أولى بيه

وتهـت وسـط الزحـام مـا حـد حاسس بيا

عايزة أجري وأرجع أتوه والناس يقولوا حاسبي

ناس في طريق النور ما بين فرح وشموع

وأنا في طريق مهجور ومنـوراه الدموع

ولقيتني فايـتـه من جنب بـابه

لاهو داري بقلبـي ولا باللي نابه

يا ويلي يا ويلي من طـول غيابه

ويا ويل أيامي من جرح عــذابه

عذاب الجرح اللي فاتوهلي وسابه

ساكن في قلبي وساكن قصادي وبحبه

حبيبي ساكن

حبيبي ساكن قصادي وبحبه