كلاكيت تالت مرة .....لازم تشارك (يوم اليتيم )

[| Nadooosh ●]

كلاكيت تالت مرة " يوم اليتيم "



السلام عليكم




طبعا دلوقت طورنا السايت
((شكرا للأدمن))


وبقى كل حاجة فيه جميلة

وبدأنا كمان نتعود عليه



لكن فى حاجات اتعودنا نعملها دايما سوا

مش لازم ننساها ابدا او نتخلى عنها




بالرغم من اننا كنا فقدنا الامل فى حفلة يتيم السنة دى



بس انا كنت متفائلة وحاسة ان ربنا مش هيضيع مننا ثواب زى دة



اى نعم احنا متأخرين فى الاعلان عن حفلة اليتييم وكمان فى التحضيرات بس ربنا هيعيينا على اننا نعمل اليوم دة


**((وقفة مهمة جدا))


(( الوقفة دى طبعا ملطوشة ))




اتعودنا كل سنة نرسم بسمة على وجه طفل يتيم فى يوم خاص بيهم

نلعب معاهم ونضحك ونحاول اننا نديهم حنان وحب وبسمة فى يومهم

مش محتاجين اننا نتكلم على ان الرسول وصى بيهم

ان شاء الله هنزور السنادى مؤسسة الأيتام اللى زورناها السنة اللى فاتت

المعاد لسة ما تحددش

لكن دلوقت مطلوب مننا انا نبدأ نجهز لليوم دة عشان يكون افضل من السنة اللى فاتت








((بالنسبة لجمع التبرعات))



ودة طبعا اهم عنوان فى التوبيك


كل عضو يتبرع ولو بخمسة جنية
الكلام دة بجد ومش تهريج

طب والله لو فكرتوا فيها هتلاقوا ان الخمسة جنية دى ملهاش قيمة عندنا واننا بنصرفها فى حجات تافهة ومبنحسش بيها

كمان كل واحد يبدأ ياخد تبرعات من قرايبه وصحابه واللى حواليه

فى عضوين قالوا انهم هيلموا تبرعات من الجامعة ودول الى اتطوعوا بجد ربنا يكرمهم يارب ويجازيهم خير على الى هيعملوة

محمود ((سندباد)) ابوعلى ((على))


بس بجد عضوين مش كفاية احنا عايزين مبلغ كويس فى وقت قياسى



يا مفكوكين يا محبين للخير

انا عايزة ناس تلم تبرعات مع العضوين دول



بنات واولاد
يا جماعة احنا كنا عشرين فرد بنلم تبرعات واكتر كمان

والحمدلله قدرنا نعمل مبلغ كويس وفرحنا الاطفال
المشكلة السنة دى بقى ان احنا عايزين ضعف عدد الافراد دة على الاقل
عشان نلحق عشان معندناش وقت خالص

اتمنى يكون عدد فاعلى الخير اكتر واكتر

ربنا يكرمكم يارب

وفى انتظار ردودكوا ومقترحاتكوا

اة وقبل ما انسى

بالنسبة للبرنامج

دة يااما حفلة عادية جوا الدار يا اما هنطلعهم رحلة خارجية ودى بنسبة كبيرة هتكون فى القاهرة

وبناء علية انا عايزة مقترحات اكتر هنا فى التوبيك وهنشوف احسن اقتراح فيهم وننفذة


دة لينك توبيك السنة الى فاتت

سلام

[| Silent Guardian ●]

ياااااااااااااااااااااااا ا رب يوفقنا السنة دي زي كل سنة
خصوصا ان السنة دي احنا بادئين متاخرين قوي
شكرا ليكي يا ندوش , ده موضوعك انتي , و كل سنة انتي اللي بتنظميه
بالتوفيق و كلنا معاكي

[Candy Girl]

يارب ربنا يوفقك ياندى ويقدرنا نساعد ولو باى مجهود قليل
واحنا معاكى عشان ندخل فرحة صغيرة للقلوب دى

[| Amino2 ●]

اوك ياجماعه انشاء الله نلحق نعمل حاجه
وانا معاكوا انا ومحمود اخويا باءذن الله
وفى ناس تانيه انشاء الله

[| لولا ●]

ربنا معاكى يا ندى ويقدرك على فعل الخير

[| Mannora ●]

معاكى يا جميل واللى هاقدر عليه هاعمله ويارب تبقى حلوه زى السنتين اللى فاتو

[| MonyanA ●]

تعرفى يا ندى
انا عمرى ما شاركت فى اى حفله لليتيم
سواء تبع المنتدى او بره
بس ان شاء الله اشارك معاكم
لو فيه اى حاجه ممكن اقدمها قوليلى
وان شاء الله تكون حفله جميله للايتام وينبسطوا فيها
بالنسبه للوقت
ان شاء الله هنقدر
ان شاء الله
احنا بس اهم حاجه نحدد احنا عايزين نعمل ايه وننظم الوقت كويس
ربنا معانا ويقوينا

[..●●آه...لو●●..]

بجد يا ندى رجعتي فينا الامل من تاني المهم دلوقتي الاقتراحات في صوره نقاط علشان الوقت والعمل والتوزيع :
1/ ان شاء الله كل واحد مننا شخصيا منيمم خمسه جنيه ده المفكوكين وكل واحد يلم من اسرته والناس اللي حواليه في بلدو ا اللي يقدرو
2/ قرار رحله نبسط بيها الناس او حفله ده قرار تابع للدار يجب ان يتم الر عليه بسرعه ودي وظيفتك انتي وهبه يا ندى عشان انتم اللي بتتعاملو مع الدار
3/ رحله يبقى هنواصل جمع التبرعات حتى انتهاء الميد تيرم بتاع كليه هندسه وده هيبدا سته اربعه "ده من وجهه نظري علشان لو قبلها يبقى صعب جدا جدا"
4/ مهم جدا في حاله اذا كان حفله يبقى ان شاء الله لم التبرعات لغايه الميت تيرم وبما اني معيد ومعنديش غير مادتين يبقى هنشتري التجهيزات ان شاء الله خلال اسبوع الميت تيرم
5/ الحاجات اللي هنشتريها وتنظيم الحفله ان شاء الله في حاله اعتراضهم على الرحله
وبكده احنا مطلوب مننا لغايه 6/4 نكون عاملين حاجتين تبرعات وقرار رحله ام حفله وفي حاله حفله يبقى ننزل نجيب الحاجه في اسبوع الميت تيرم مع تحديد المعاد

.................................................. ....
حاجه مهمه جدا الناس اللي جايه
بجد يا جماعه احنا محتاجين عدد كبير
علشان يقدر كلو واحد يقعد مع حد ويفكر معاه
ويغير نظرته السوداء للحياه
ونرسم بجد ع وجوهم البسمه
ونلعب معاهم ومن الجنسين وطبعا الحفله مضمونه وان شاء الله المعاد يكون مناسب جميع الاطراف مع مراعاه عودت البنات الا منازلهم قبل المغرب
زي المرتين اللي فاتم
وشكرا

وده كلو من وجهه نظري وليس منهج يتبع قابل للتعديل والمناقشه

[Great Man]

انا معاكو ان شاء الله

[Great Man]

كلام جميل
بس فى حالة تنظيم رحلة
هيكون مطلوب مننا ايه جمع تبرعات مثلا ؟؟

هل هينفع نطلع احنا كمان بعددنا وياهم ولا ايه ؟؟


----------------------------
وياريت نعرف احنا هنطلع رحلة ولا لأ قريب جدا

دا من حيث المبدأ عشان نعرف كان ممكن نجيب حد ولا ؟؟