هذة قائمة بالشهادات التى يجب ان يحصل عليها خريج كل قسم فى كلية السياحة والفنادق واللى يفضل جدا تكون موجودة فى الـcv بتاعه :

اولا : قسم ارشاد سياحى :

1- شهادة icdl

2- شهادة toefl فى اللغة الانجليزية

3- شهادة كورس سواء من معهد او جامعة او مركز تثبت ان مجيد للغة اجنبية ثانية اجادة تامة زى الايطالى او الالمانى او الفرنساوى او الاسبانى وده مش شرط ولكن يفضل , لان كلية السياحة مبتهتمش بتعليم اللغة الثانية اهتمام جامد جدا زى كلية الالسن مثلا .
وسواء كده او كده فخريج قسم الارشاد بياخد الرخصة .

ثانيا : قسم الدراسات السياحية :

1- شهادة icdl

2- شهادة toefl فى اللغة الانجليزية , وده يفضل لو انت اتخرجت ومش محترف الانجليزى جامد

3- شهادة كورس فى اى لغة تانية وده يفضل برضو مش لازم يعنى

4- شهادة كورس اماديوس او جاليليو فى حجز تذاكر الطيران ويفضل من شركة مصر للطيران وبتكلف 1500 جنية ( على ثلاث مستويات ) وممكن تتاخد بـ500 او 600 جنية من اى مركز تانى لكن مبتبقاش بنفس درجة الاعتماد بتاعة مصر للطيران .
والشهادة دى لو عايز تشتغل موظف حجز طيران سواء فى شركة سياحة او شركة طيران

5- شهادات خبرة من شركات او مكاتب سياحة وسفر وغالبا انهم بيكونوا شهادتين او تلاتة وبتاخدهم من شركات او مكاتب السياحة والسفر اثناء انتهاء التدريب الصيفى اثناء دراستك بالكلية .
 والشهادات دى لازم تبقى معاك لما تتخرج لان معظم التوظيف فى السياحة بيطلب الخبرة السابقة

على فكرة التوظيف فى قسم دراسات سياحية لازم لغتين على الاقل

ثالثا : قسم الدراسات الفندقية :

1- شهادة icdl
2- شهادة toefl فى اللغة الانجليزية وده يفضل
3- شهادات خبرة من فنادق او مطاعم وغالبا انهم بيكونوا 3 شهادات خبرة اثناء دراستك بالكلية بتاخدهم من الفنادق او المطاعم عند انتهاء التدريب الصيفى لكل سنة ودى كفاية اوى انها تشغلك بعد التخرج فى وظيفة عالية