شاهدوا البقرة الصفراء التى ذكرت فى القران وكانت أية لبنى أسرائيل

**جوليت** · 05-04-2010 05:19 AM

**| Amino2 ●** · 05-04-2010 05:51 AM

كلام منطقى ومحير فى نفس الوقت
اصل احنا وصلنا لمرحله ان احنا ممكن نعمل اى حاجه بالكمبيوتر فيها
زى ماقلتى مثلا صوره صدام حسين واتعملت بتاعه الملك فيصل
ولحد النهارده محدش قال حاجه عليهم يعنى صح ولا مش صح
كذلك صوره البقره انا اول ماشوفتها حسيت ان دى الوان بس برده شاكك انها ممكن تصبح حقيقه رغم ماوضحتيه باضافه الوان اخرى او شيلتى حاجه وحطيتى حاجه
مش عارف هو موضوع الشك ده للامانه محير عشان كده انا مش عارف
بس احساسى ان هى مش صح
ربنا يجازيكى خيرا
واهدنا يارب لما فيه الصواب

**| Bugs Bunny ●** · 05-04-2010 01:54 PM

اكيد طبعا ربنا سبحانه و تعالى قادر على كل شئ و البقره الصفراء ايام سيدنا موسى كانت وحده بس و بنى اسرائيل قتلوها يعنى الصوره اكيد غلط و فبركه
اكيد طبعا ربنا قادر انه يخلقها تانى و تلات و كتير اوى طبعا بس الحاجات دى بحس انها كذب مش مقصود منها غير لفت الانتباه و التضليل و انهم يبعدونا عن حاجات اهم و يا عالم بردو ممكن يكون اللى عامل الصوره دى مكنش قصده ان الصوره هيتعمل بيها كده ممكن يكون كان قصده انه بيلعب يعنى على البرنامج و بيلون و كده
ده غير ان فى كتب تفسير بتقول ان ( صفراء فاقع لونها ) معناه ان البقره كانت سوداء جدا من كتر سودها بتلمع على اللون الاصفر و الله اعلم طبعا بس انا سمعت قبل كده كده
بس احنا كده بعدنا عن الموضوع الاساسى و العظه اللى المفروض نخدها من قصه البقره و انشغلنا بلونها و بس

شكرا يا جوليت على طرح الموضوع

**| لولا ●** · 05-04-2010 04:57 PM

شكلها باين اوووووووووى انها مفبركة ومش عارفة بجد الناس اللى بتعمل المواضيع دى بتعملها ليه

**Spider GirL**(•'.'•) · 06-04-2010 10:34 AM

هى واضح انها متفبركة
لكن لو كانت جت فى توبك عادى ماكنش حد هياخد باله من دة
لازم فعلا مانصدقش كل اللى نقاراه او نشوفه او نسمعه من غير ما يمر ع عقول واعية بتفكر
شكرا سمر

**| Amino ●** · 06-04-2010 09:23 PM

على فكرة الصور دى فعلا معمولة بالفوتوشوب وبعدين انا اللى اعرفه ان البقرة اللى هما قصدهم عليها بقرة معمولة من الذهب وبقها مفتوح علشان الهواء يدخل فيه وليها فتحة فى الخلف فلما كان الهواء بيدخل من فمها ويخرج من من الخلف كان بيعمل صوت زى صوت الرياح وهما كدا فاكرينها اله بس دا كل اللى اعرفه عنها