حبيتك

**لست قلبى** · 04-01-2010 05:43 AM

حبيتك وانته محستنيش
اعترفت بحبى ليك
وأنا بين أيديك
وانته مسمعتنيش
مخلتنيش أكمل كلامى
مسألتنيش
أزاى هعيش وحياتى مش بيك
كل كلمة بُعد بينا اتقالت ،
منك فى قلبى اتشالت
بتصرخ بأعلى صوت
سيبك يا قلبى منه
ده مش حبيب نبكى منه
ولا نبكى فى يوم على واحد زيه
لا قدر حبك ليه
ولا لهفة شوقك عليه
انساه يا قلبى خلاص متفكرش فيه
وابعد عن أى شوق يناديك
يحيرك واسهر تانى بيك
تشكيلى حالك من هجره ليك
واسمع أهاتك من جرحه فيك
وعيش من تانى وحديك
وحدتك ماسبتش جرح فيك
ولا بكت يوم عينيك
يمكن فى يوم تنسيك
آلام الشوق وداويك
ترجعلك أيام لياليك
وانته مرتاح البال
من سهر ليل مستنيك
وفكر يشغل بالك ينسيك
ناس من دنيا حواليك
تتمنى نظرة من عينيك
بضحكة تشغل شوقهم ليك
يقدروا قيمة حبك يحبوك
وبين احضانهم يضموك
فى قلوبهم يخلوك
وبحنانهم يحسوك
والدنيا من تانى تراضيك