افرح ليه

**جوليت** · 11-08-2009 03:58 AM

افرح ليه كان من امتى الفرح مكتوب ليه
حزن حزن دا اكتر صاحب عايش فيه
جى بتقولى انسى الدنيا كانت من امتى فى يوم نسيتنى
وابكى ليه على الدنيا الخاينة الى همومها فى يوم ما سبتنى
جى بتسال راح فين قلبى راح فين حبى
ليه معرفتش ان الدنيا اديتنى نصيبى من احزنها
وانت رجعلى ولسة بتطلب برضة امنها
سبها فى حالها ولاعمرها هتسبنا ف حالنا
والى مقسوم لينا هيوصلنا
وانت هترجع تانى تاؤيك احضنها
يمكن توصل اوترجعلى شايل اشجانها
يومها هتعرف انا الحزن ملينى
مهما تجبلى فرح الدنيا ماهيكفينى

افرح ليه

**I'm Alive** · 11-08-2009 04:03 AM

أفرح ليه
بجد شعر جامد جدا
شكرا ليكى سفيرة الحب على التوبك
الرائع ده

**Spider GirL**(•'.'•) · 11-08-2009 04:14 AM

هتفرحى يا سمورا ما تقلقيش
الدنيا بردو ليها شويا امان لو نعرف نحس بيه

**Jasper** · 11-08-2009 09:42 AM

جميل جدا بس والنبى بلاش شعر فى تشاؤم مش ناقصه

**| Tears Of The Moon ●** · 13-08-2009 05:58 AM

تسلم ايدك يا سمورتــى
بس هتفرحـــى بإذن الله
حاولى تفكــى كـدا يا قمرى
وعلى رأى مونــى الدنيا فيها شوية امان
بس اللى يحس بيهــم

**..●●**آه...لو**●●..** · 13-08-2009 07:07 PM

لو يوم عشتي هتبقي حزينه
اصل العيب مش م الدنيا واهدي شويه ده العيب فينا
دنيا لاهي جميله ولاهي سئيله
طفله عبيطه عشان تعيشيها ضروري سايسيها
انتي بايدك ووحدك بس تخليها جميله
ولو يوم ضربتلك تكشيره بلاش تضحكي وتعملي كبيره
لاهي بقيالك ولا باقيه عليكي
هتعانديها هتزعل منك ولو راضيتيها هتدوسي عليها
فكك منها مش محتاجه لتفكير فيها
وجاست عيشيها
.
.
حلوه اوي يا سمر كلامك وده رد عالموضوع مش رد عالشعر
بس انتي بجد احساسك جميل
وعالي اوي

**Wezooo**(•'.'•) · 13-08-2009 07:16 PM

الله كلام بجد جميل بس بلاش اليأس ده
لازم نفرح حتى لو مش كتير علشان نقدر نعيش

**جوليت** · 14-08-2009 01:22 AM

مرسي يا جماعة على الردود واوعدكم بالفرحة فى القصيدة الجديدة

**eghaism** · 02-09-2009 12:39 AM

اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي