كرسي الاعتراف

**ReRe** · 21-02-2008 11:02 PM

اشقطى كام سؤال

اسئله عبيطه فى السريع كده1/ هتعملى ايه لو واحده خبططك وهى قصده انها تخبطك يا ترى هتعملى ايه؟

هخبطها
هو انا ماعنديش ايد

2/ ايه اللى بيدور فى دماغك دلوقتى ؟ قولى بصراحه

انا في موقف زي ال.....
ودماغي بجد سايحه

3/ ايه الموقف الللى حصلك وضحكتى على نفسك فيه؟

ههههههههههه كتيررررررررر
انا اهم ميزه فيا اني بتغابي
والله بعمل حاجات كتير
افتكر مره اني وانا بولع الفرن دخلت براسي جامد
وشعري ورموشي اتحرقوا وانا في اولي كليه وللاسف ليا رموش لسه ماطولتش
وااااااااااء

4/ ايه الاكله اللى عملتيها ومافيش حد كلها ؟ طبعا انا عارف انك طباخه

هههههههههه
كانت بطاطس
وكنت في اولي اعدادي
وكنت......... فيها
يلا بقي

5/ مين اقرب انسان ليكى ؟

اولا رباب بلا منازع
اسماء
رحاب
ريهام

6/ ليكى كام صديق وصديقكه ؟

الحمد لله كتير اخاف اعدهم يتحسدواجاوبى على الاسئله دى لحد ما انام شويه وراجعلك

**● **Snow White** ●** · 22-02-2008 02:19 PM

رىرىىىىىى انا جيت متاخر
كنت هقولك ليه كنتى مشلوله منى فى الاول بس أنتى رديتى على السؤال ده امبارح والله ما عارفه ليه كلكم كنتم مسترخمنى كده فى الاول ما علينا
بصى يا سيتى
1) مين اكتر عضو لما شفتيه أستغربتى مش زى ما كنتى متوقعه خالص
2) إيه أكتر كاجه دايقتك فى مقابلة المنتدى بتاعت امبارح؟
3) لو هتغيرى أسمك على المنتدى هتخليه إيه؟
4) اشتريتى كام بلطو من ساعت ما دخلتى الكامحه
5) أكتر حاجه بتشلك فى المنتدى ؟؟؟؟؟؟؟
6)وحشتك؟
بس كده يا قطه ومعرفش الاساله متكرره ولا لاء عيشى انت مع نفسك
سورى انى جيت متاخر

**ReRe** · 23-02-2008 01:50 AM

رىرىىىىىى انا جيت متاخر

كنت هقولك ليه كنتى مشلوله منى فى الاول بس أنتى رديتى على السؤال ده امبارح والله ما عارفه ليه كلكم كنتم مسترخمنى كده فى الاول ما علينابصى يا سيتى
1) مين اكتر عضو لما شفتيه أستغربتى مش زى ما كنتى متوقعه خالص

مصطفي شومان
بس انا شوفت مصطفي من الصيف
وبعديه
ميسي

2)

إيه أكتر كاجه دايقتك فى مقابلة المنتدى بتاعت امبارح؟
انك زعلتي حسام وماخلتهوش ياكل الايس كريم
وعلي فكره دي فعلا حاجه شغلتني قوي طول الطريق وانا مروحه
ونظام القاعده في براديس
ان شاء الله جاري البحث عن مكان افضل

3)

لو هتغيرى أسمك على المنتدى هتخليه إيه؟
توتا
واتحجز لايات
ورحووووووووووووبه
او حوبه

4)

اشتريتى كام بلطو من ساعت ما دخلتى الكامحه
اتنين بس
واحد ضاع يوم نتيجة الترم الاول في سنه اولي
لما قالوا ان النتيجه ظهرت طلعنا زي المجانين ونسيته وضاع
وده التاني
وضاع حوالي اربع مرات بس لقيته
مره نسيته في مرمر
ومره وقع في الشارع وكده يعني

5)

أكتر حاجه بتشلك فى المنتدى ؟؟؟؟؟؟؟
ههههههههههههه
ان في ناس قفشه مني

6)

وحشتك؟
اكيد
علي فكره انا كمني كنت قافشه عليكي الاول لما عرفتك حبيتك
عارفه لما تكوني عيانه وتخفي مش بتحسي بمعني الصحه
هو كده بالظبط لما تبقي مابتحبيش حد وبعدين تحبيه بتعرفي الفرق وبتحسي حبه بجد
ويسعدني اني حبيتك لوحدي مش حد اداني عنك فكره مسبقه

بس كده يا قطه ومعرفش الاساله متكرره ولا لاء عيشى انت مع نفسكسورى انى جيت متاخر
المهم انك جيتي

نوووووووورتيني

**ReRe** · 23-02-2008 02:00 AM

مانا اتصدمت واللي كان كان
وماعنديش حل غير كده
حتي لو كان حل مؤقت صدقيني مافيش حل غير ده
وبعدين هقولك حاجه
اليوم اللي قضناه مع بعض ده تفتكري ده انا انسبه لانهي دنيا
الواقع ولا احلامي
انا عن نفسي بنسبه لعالمي الخاص لانه مرفوض في الواقع بتاعي
يعني انتم جزء من عالمي الخاص يا اماني

**ReRe** · 23-02-2008 03:49 AM

ياه
الحمد لله نزلت من علي الكرسي
وشكرا يا شومان انك حافظ علي العهد اللي بينا وماسالتنيش

**ReRe** · 23-02-2008 03:50 AM

الي بعدي
هاتوووووووووووووووووه
نادووووووووووووووووووه
علي الكرسي وقاعدوووووووووووووووووه
يا حجااااااااااااااااااااااا زي
سمبا ياحجازي

**Hegazy** · 29-02-2008 08:55 PM

ممممممممممممممم انتى بتنادى عليا انا صح مممممممممممممم عموما انا موجود وكل من فى جعبته سؤال و محيره يقوله و انا اكيد يعنى هحاول اجاوب عليه بس الله يستركم براحه هه مش عيد الام هو

**Spider GirL**(•'.'•) · 29-02-2008 09:24 PM

اهلا منور الكرسى احمد باشا
خد لك كام سؤال كدة اتسلى فيهم

اية اكتر سؤال محرج اتسألتيه فى حياتك ؟؟

اية اكثر 3 اشياء بيديقوك في حياتك ؟؟

كام صدمة اتصدمتها فى حياتك ؟( عاطفية _ انسانية)

مين اكتر عضو فى المنتدى بترتاحى له ؟

عضو تقول له (احبك) ؟

عضو (ربي ما يحرمني منك ) ؟

عضو (اعتذر منك ) ؟
عضو (احترمك) ؟

ما هي التجربة التي لا تتمنى تكرارها..؟؟

فماهو أكثر شيء يؤلمك.....؟؟

اخر مرة بكيت فيها ؟

هل تعرضت لخيانة احدهم مثل صديق صديقة حبيب ...الخ ؟؟

مين اكتر شخص عرفته وقربت منه وبعد كدة ندمتى انك عرفته؟؟

قرأت مرة: من السهل التضحية من أجل صديق ... لكن من الصعب ايجاد صديق يستحق التضحية .
يا ترى هل هذا صحيح من وجهة نظرك ؟! يعني هل يوجد فعلاً صديق يستحق التضحية؟ وهل وجدته ( ومين )) أم لازلت تبحث عنه ؟

اية احساسك فى اللحظة دى ؟؟

**Hegazy** · 01-03-2008 10:40 PM

اية اكتر سؤال محرج اتسألتيه فى حياتك؟؟

بغض النظر عن الصيغه المؤنثه بس اكتر سؤال احرجنى - انت حبيتنى بجد - ......!!!!!

اية اكثر 3 اشياء بيديقوك في حياتك ؟
1/الصوت العالى 2/ انتى منجحش فى حاجه انا اعملها
3/ ان حد يحرجنى

كام صدمة اتصدمتها فى حياتك ؟( عاطفية _ انسانية)
عاطفيه انجرحت مره واحده و كمان بيتهيالى انسانيا مرتين

مين اكتر عضو فى المنتدى بترتاحى له ؟

MINTOOOOSA

عضو تقول له (احبك) ؟
عضو فى بالى كده

عضو (ربي ما يحرمني منك ) ؟
MESSI
عضو (اعتذر منك ) ؟
و الله مزعلت حد منى
عضو (احترمك) ؟
SPIDER GIRL

ما هي التجربة التي لا تتمنى تكرارها..؟ ؟
الارتبااط

فماهو أكثر شيء يؤلمك.....؟؟
انى اجرح واحد بيحبنى

اخر مرة بكيت فيها ؟
لما انجرحت فووووق

هل تعرضت لخيانة احدهم مثل صديق صديقة حبيب ...الخ ؟؟
حبيب بس مينفعش اطلق عليه حبيب لانه مدام خان يبقى مكانش حبيب اصلا

مين اكتر شخص عرفته وقربت منه وبعد كدة ندمتى انك عرفته؟؟
برضه بغض النظر عن الصيغه المؤنثه - اكيد حد جرحنى بعد ما اديته الثقه الكامله -

قرأت مرة: من السهل التضحية من أجل صديق ... لكن من الصعب ايجاد صديق يستحق التضحية .
يا ترى هل هذا صحيح من وجهة نظرك ؟! يعني هل يوجد فعلاً صديق يستحق التضحية؟ وهل وجدته ( ومين )) أم لازلت تبحث عنه ؟
طبعا فى صديق يستحق التضحيه من اجلهو بيتهيالى انى وجدته و بالنسبه لمين فاكيد انتو مش هتعرفوه

اية احساسك فى اللحظة دى ؟؟
بعزززززززززززززك موووووووووت على الاسئله اللذيذه دى

**● **همسة** ●** · 01-03-2008 11:55 PM

السلام عليكم ورحمة الله وبركاته
ازيك يا حجازى
اهلا بيك على الكرسى يا ترى مريح ولا لاااااااااا
هسالك شوية اساله على الماشى كده
1- احلامك وامنياتك للمستقبل؟؟
2- هل تعتبر نفسك شخص طموح؟؟
3- ايه اكتر حاجه بتعجبك فى حجازى واكتر حاجه بتكرهها فيه؟؟
4- متى تشعر بالندم؟؟
يعنى هفكر فى سؤالين كمان وارجع
سلام مؤقت