كرسي الاعتراف

**Spider GirL**(•'.'•) · 18-02-2008 10:26 PM

صفى حياتك اللى فاتت وتوقعاتك لحياتك اللى جاية ؟
امتى حسيتى انك زعلانة من الدنيا ؟؟
امتى بتحبى نفسك ؟؟
امتى بتزعلى من اللى قدامك ؟؟

**ReRe** · 19-02-2008 08:25 PM

صفى حياتك اللى فاتت وتوقعاتك لحياتك اللى جاية ؟

لحد من سنه كنت في المنفا
بمعني اني كنت في عزله تامه عن الدنيا دي
من سنه تقريبا فتحت الباب وخدت هوا هههههههه لا قصدي فعلا ان في السنه دي اتعلمت حاجات كتير وعشت حاجات كتير وجربت حاجات كتير
من كام يوم قفلت علي السنه دي لاني اتجرحت فيها كتير طبعا لان ماكنش ينفع اني اتنقل من المنفا للغابه مره واحده
فانا قفلت وببدا جديد بالي اتعلمته السنه اللي فاتت وباللي سابته جوايا
واتمني ان الايام اللي جايه تبقي احلي خاصة ان دلوقتي فعلا معايا ناس بيحبوا رحاب بكل مافيها
وانا بدات احب الدراسه واتمني اني احقق اللي عايزاه

امتى حسيتى انك زعلانة من الدنيا ؟؟

كتير قوي
وقولتها كتير
انا مش عايزه الدنيا دي مش عايزاهااااااااااااااااااا اااا

امتى بتحبى نفسك ؟؟

في الفتره الاخيره قربت منها قوي
وبقينا بنحب بعض واصحاب
خاصة لما بنيت عالمي الخاص اللي بهرب فيه من كل حاجه بتضايقني
وهقولك ايه
انا ليا مين غيري؟؟؟

امتى بتزعلى من اللى قدامك ؟؟

انا للاسف حساسه زياده عن اللزوم فبزعل بسرعه
وعندي احساس دائم اني خنيقه وغلسه ورزله فكتير بعتذر
وبحاول اخد جنب علشان مابقاش تقيله علي حد
وبعدين انا ساعات ببقي لسان وبس يعني في الحقيقه ساعات كتير مابعرفش اتكلم
فبيتقال اني زعلانه
اما انا والله مابزعل ولا بشيل من حد
حتي لما بتنرفز واتخانق بطلع اطلع وانزل علي الفاضي
وهمجيه في انفعالي للاسف
اعذروني اصلي مش واخده علي الاحتكاك بالناس

**7oDa_elray2** · 20-02-2008 12:02 AM

ازيك يا ريرى وحشانى موت
ايه رايك فى الاسئلة
عندى ليكى سوال رائع موت
ايه طموحاتك كلمينى بصراحة بس لما تكونى

**ReRe** · 20-02-2008 03:43 PM

مااااااااااااااااشي ياحوده
اتدلع براحتك
وطموحي ياسيدي دلوقتي عايزه اضربك
ده طموحي انا حره

**Spider GirL**(•'.'•) · 20-02-2008 10:12 PM

سؤالى دلوقتى
عالمك الخاص اللى بتهربى ليه
اوصفيه ؟عرفينا بيه ؟؟
واية اللى بميزة عن العالم الحقيقى ؟؟

**..●●**آه...لو**●●..** · 20-02-2008 11:01 PM

ازيك يا رحاب
اقدمتي على الانتحار ؟
متزعليش بس عالمك الخاص مش هينفعك على طول .ايه رأيك؟
بصراحه كان احساسك ايه لما شوفنا اللي شوفنا واحنا مستنيين اختك وايناس؟
موعود معايا بالجراح .مين ده اللي حاسه انك تعبتي ولازم تعوضيه؟
تلت ادفيس يا ريت تخلي بالك منهم:
لا ياس مع الحياة ولا حياة مع الياس
اذا اردتي شيأ ً بقوة فاطلقيه بقوه فان عاد لك فهو ملكك وان لم يعد فهو ليس لكي من الاساس
لا تنسي الله ما دمتي حية واعلمي بان الله يرى ما لا تراه عيون بشرا
يا ريت تخلي بالك من الكلام ده

**ReRe** · 21-02-2008 09:04 PM

سؤالى دلوقتى

عالمك الخاص اللى بتهربى ليهاوصفيه ؟عرفينا بيه ؟؟

ممممممممم
اقري دي

عالمك الخاص
هناك دائما مفر
هناك وراء البحور
هناك بين اعلي النجوم
هناك علي قمم الجبال
في عالمك
نعم عالمك الخاص
حيث تحياتحيا متوج علي عرش مملكتك
مملكتك التي شيدت بك وحدك
ولك وحدك....

عندما تضيق بك الدنيا ويفيض صدرك بهمومها
فقط تذكر عالمك الخاص
حيث الراحه والامان
حيث السكون والاتطمئنان
حيث كل ماتتمني
في عالمك الخاص
حيث تجد من يسمع شكواك
ويمسح دموعك بل لا يعطيك الفرصه لذرف مثل تلك الدموع
هناك حيث تجد صدر يضمك
ويد حانيه تنزع عنك المك
حيث انت
نعم كل ما في عالمك الخاص هو انت
انت التي لم تجد غيرها في زمنك هذا
لذلك فلتحيا في عالمك مع ذاتك
فمن غيرها قادر علي احتمالك
وان ضجرت منك يوم
فاين لها منك مفر؟!!!

فانت هي وهي انت
فهنيئا لك عالمك الخاص

ولو ماكنتش اجابه كافيه هبقي اقولك تفاصيل

واية اللى بميزة عن العالم الحقيقى ؟؟
كتيررررررررررر
اهمها ان انا بختار الشخص اللي يعيش معايا اللحظات دي
انا اللي بمشي الساعه
دنيتي دنيتي دنيتي
انا مابحبش الدنيا دي مش عارفه اعيش فيها
ساعات كتير بحس اني تايهه

**ReRe** · 21-02-2008 09:19 PM

ازيك يا رحاب
اقدمتي على الانتحار ؟
عووووووووووووووووووووووو

متزعليش بس عالمك الخاص مش هينفعك على طول .ايه رأيك؟
قصدك ايه
ان عالمي الخاص مش هينفعني دلوقتي
ولا رايي في ايه مش فاهم يا تيفا بجد

بصراحه كان احساسك ايه لما شوفنا اللي شوفنا واحنا مستنيين اختك وايناس؟
ههههههههههه كنت متضايقه
لان الي هما فيه ده وهم
وتحت غيبان عقلهم بيرتكبوا كبيره
منتهي القرف
بجد ربنا يهديهم
موعود معايا بالجراح .مين ده اللي حاسه انك تعبتي ولازم تعوضيه؟
رحااااااااااااااااااااااا اااااااااااااااااب
فعلا بتتبهدل معايا
تلت ادفيس يا ريت تخلي بالك منهم:
لا ياس مع الحياة ولا حياة مع الياس
اذا اردتي شيأ ً بقوة فاطلقيه بقوه فان عاد لك فهو ملكك وان لم يعد فهو ليس لكي من الاساس
لا تنسي الله ما دمتي حية واعلمي بان الله يرى ما لا تراه عيون بشرا
يا ريت تخلي بالك من الكلام ده
شكرا يا مصطفي بجد كلمات غاليه من شخص عزيز
بس ياتري ليه سبب بعينه
يعني انت شوفت مني اللي يخليك توجهلي الكلمات دي بالذات
ياريت لو شوفت مني حاجه تقولي
معلش اصلي لسه بتعلم اعيش الذاي

**Spider GirL**(•'.'•) · 21-02-2008 09:20 PM

خلى التفاصيل للواقع
انا كدة فهمت شويا بس دة عالم خيالى انتى اللى بتصنعيه وبتتحددى ابطاله تقريبا يعتبر هروب من الواقع والهروب دة لو نجح فى فترة من حياتك صعب جدا ينجح فى فترات تانية تتطلب المواجهة وقبول الحياة والواقع زى ماهو عشان ماتحسيش انك غريبة عنه فتتصدمى بس ساعتها مش هينفع تهربى للعالم الخاص

**● **TiTaNiC LoVeR** ●** · 21-02-2008 09:53 PM

اشقطى كام سؤال
اسئله عبيطه فى السريع كده
1/ هتعملى ايه لو واحده خبططك وهى قصده انها تخبطك يا ترى هتعملى ايه؟
2/ ايه اللى بيدور فى دماغك دلوقتى ؟ قولى بصراحه
3/ ايه الموقف الللى حصلك وضحكتى على نفسك فيه؟
4/ ايه الاكله اللى عملتيها ومافيش حد كلها ؟ طبعا انا عارف انك طباخه
5/ مين اقرب انسان ليكى ؟
6/ ليكى كام صديق وصديقكه ؟
جاوبى على الاسئله دى لحد ما انام شويه وراجعلك