شفتو الواد ابو جيل ف شعروو .....

[● MiSs. NeRmOo ●]

الشباب الروش...


اكيد كلنا شفنا الواد ابو جل في شعره اللي مبلط في الشارع!؟او ابو شعر منكوش...ولابس قميص او تي شيرت روز عليه ورد او مطرز و البنطلون واقع منه و آل يعني الواد مفيش زيه اتنين و يا ارض اتهدي و كله ماشي على الموضة و يا سلام بقى لما تلاقي واحد لابس كدة و عنده عضلات آل يعني كدة الواد راجل مية مية وروش جدا....ولا البنات اللي تلاقيها لابسة بدي ستومك او البنطلونات ال"لو ويست".."يعني توصل لحد تحت الوسط..لا مؤاخذة برضه"الضيقة و بتبقى ماشية مش قادرة تتنفس...او مثلا تلاقيها لابسة ضيق جدا زي بنطلون الليكرا او الاسترتش الضيق"بتاع كارينا" و فوقيه فستان قصير و محجبة!!؟؟؟او الاقي واحدة لافة راسها لفة هدايا بايشاربات كتير و حاجات بتلمع وتقريبا ناقص تعلق نور او ترش "جليتر" و آل هي كدة محجبة!؟..طبعا متخلونيش اتكلم عن الشبشب ابو صباع اللي تلاقي الولد او البنت لابسينه و ماشيين يطرقعوا بيه و يجرجروه على الارض كأنهم داخلين الحمام مش نازلين الشارع و لا الشرابات اللي بصوابع انا بخاف من رجلين الناس اللي لابساه بحس كأن عندهم رجلين فراخ او عندهم اربع ايدين.....قولولى رأيكوا فى الكلام دة وبصرااااااااااااااااااااح ة وكل صراحة؟

[| Amino2 ●]

بصى هو الكلام ده صح
وفعلا بقيت ظاهره غريبه
بس بصراحه الاكتر على البنات لانهم مش بقوا محترمين زى الاول
سيبك من الولاد لانهم مهما كان ولاد وحرين فى لبسهم
انما البنت الواحد لازم ينتقدها
وكده هتخلينى اقول كلمتى المعروفه جدا عن البنات
اووووووووووووووووووف

[Spider GirL(•'.'•)]

الموضوع دة مستفز اوى
احنا بنقلد وخلاص حتى لو حاجة مش هتناسبنا
وكمان البيت عليه عامل كبير
ازاى الأب او الأم يخرج ابنه او بنته بشكل دة

كمان الجامعة عليها عامل
لأن الحاجات دى غير مناسبة للجامعة اطلاقا ومع ذلك بنلاقيها كتير
ع الرغم من انهم بيمنعوا النقابا
منتهى التناقض فى حياتنا

انا مش معاك ع فكرة
الى ينطبق ع البنت ينطبق ع الولد
يمكن ع البنت اكتر لأنها مطالبة انها تصون نفسها اكتر
لكن كمان الولد مفروض يراعى المجتمع اللى هو فيه

وبطل كلمة اوف دى

[viRuS3]

انا من رأى جاسر وأمانى عندهم حق فى كل كلمة
شكرا ع الموووضوع

[اريج الورود]

على فكرة يا حج الشباب مش حر ولا حاجة ازاى يغعنى ولد محترم وابن ناس يلبس زى الصيع وتفرق ايه بقى من ولد الى اخر اذا بقوا حريين فى لبسهم ما يمشوا من غير هدوم احسن؟
وفعلا لبس البنات اليبومين دول بقى غريب اوىفعلا والله احنا بقينا نشوف حاجات غريبة اليومين دول بقوا البنت لابسين حجاب وشكلهم مظبط مع عمرو دياب مثلا تحاولى تقولى ده ضيق اوى الواسع احلى عليك تروح تقولك ما انا مغطية كل جسمى ايه يعنى .اصبحوا كاسيات عاريات ويا سلام بقه لما تلبس بنطلون استرتش بتاع اختها الصغيرة ،وتلبس جيبة الالعاب بتاعة الابتدائى عليه كأنه جيبة عادية ،وتستلف حزام اخوها اللى ما عندوش غيرة وتحطوا على وسطها ،وبعدين اصغر طرحة موجودة فى البيت ولتكن بتاعتها وهى عندها خمس سنين علشان تحطها على شعرها بحيث الا تغطى بأى حال من الاحوال اكثر من نصف شعرها، وبعدين تمشى فى الشارع بعد ما بالصدفة وقع على وشها دهانات الجزيرة وتقول انها مسلمة اسفة محجبة ،والله لو بقه ده الحجاب ممكن اى حد اجنبى يلبس اشرب على اللبس اللى لبسه وهتبقى كفاءة ،المشكلة ان البنات ديه واتمنى ان ربنا يهديهم ويهدينا بيسيئوا للنبى وللاسلام لانهم بنات النبى واقل حاجة ممكن يقدموها للنبى انهم يستروا جسدهم العارى وشعرهم المتدلى نصفه للخارج علشان لا يسيئوا النبى فيهم لانهم اللى بيضعفونا هم والشباب البايز ويجعلوا الكفرة يتطاولوا علينا ،كيف لا واحنا بنجرح النبى بأفعالنا المشينة ؟واعتقد انهم معزورين لان وجهة الاسلام بيدنسها الاشكال الغريبة ديه سواء رجال او نساء ولا تنسوا تصلوا على النبى وجزاك الله خيرا على الموضوع وربنا يجعله فى ميزان حسناتك

[قلب صادق]

بصراحه موضوع رائع جدا وطرح مميز لمشكله

بجد بقت هيه الاساس الوقت الموضه يعنى قله العقل

والدين

فعلا البنت بتلبس لبس غريب جدا وتقول موضه

والشباب بتلبس لبس لا يناسب لا الاخلاق

ولا كلمه راجل اصلا ازاى انت راجل وتلبس كده وتمشى كده

ازاى راجل وتقول موضه وتقلد كتير جدا لبس شيك وستايل

وقمه فى الزوق والاناقه بس راجلى او شبابى حتى يعنى

يناسب الاستايل يناسب جسمك وسنك وشكلك بس محترم

انا بقول العيب فى الاهل .. ازاى اب يسيب اولادو تخرج كده من البيت

فين الاب فين الام اللى بتدى الفرصه للبنت تخرج لابسه لبس قمه فى

الانحلال سورى يعنى بس كاسيات عاريات والعياز بالله يعنى

الاب يا اخوانى والام لازم يراعى الاولاد ومفيش حاجه

اسمها ولد وبنت الانحلال واضح وباين اوى بين الشباب والبنات

وبقول للبنت اتقى الله فى لبسك ووتصرفاتك ومفيش حاجه اسمها موضه

وللشباب اتقى الله اولا فى انك راجل يا اخى فى لبسك وكلامك

ومشيتك واسلوبك ورجلولتك .. اتقى الله فى اى بنت فى الشارع

هتاخد ايه من الهيافه هتاخد ايه من المعاكسه هتخسر احترام الناس

وهتخسر دينك كمان يبقى فين الرجوله والاخلاق


اسف انى طولت عليكو بس بجد الموضوع ده كبير اوى ولازم نتكلم بصراحه

اشكرك غاليتى على الموضوع الرائع

دمتى بكل خير وعافيه

[| Amino ●]

انا من رأى بقى ان البنات هما السبب فى دا كله
بسبب البس والمسخرة
هو فى فعلا بنات مؤدبين بس لبسهم مش مؤدب ازاى مش عارف
ضيق ... مجسم وكدا
فعادى ان الشباب يعمل حاجة علشان يلفت انتباهم ليه

[| Tears Of The Moon ●]

اه فى ناس بتعلب حديد كتير
فى اللى بياخده منظرة
وفى اللى بياخده رياضة وهواية
وفى اللى بياخده طبيعة وبناء جسم
ومش معنى اى حد بيلعب حديد يبقـى بيتمنظر
شكرا نيرمين

[M@GO]

انا مش هتكلم عن الولاد خلاص بم انى ولد يعنى بس مش هقول غير ان مش كل موضة لازم تتألد وعلى حسب الكلام اللى خدته فى الفلسفة درس العولمة احنا كدا بنهد حضارتنا وبنقيم بايدنا حضارة لناس تانيين
ام بقى بالنسبة للبنات فـ حكاية الموضة بتاعتهم زى ماحضرتك قولتى حاجة فرى مستفزة ازاى يبقى بنطلون وفوقيه حجاب ولا بودى هيتقطع وفوقيه حجاب دا الواحد بيشوف حجات غريبة اوى ومش معنى كدا اننا نرجع لعصر الجلبيات لاء لازم يكون فى موازنة بين العصر اللى احنا فيه واللبس
وشكرا لطرح الموضوع

[الهضبــــــــــــــــــه]

اسمحلي يا امين اخد كلمتك واقول
اوووووووووووووووووووووووو وووووووووووووووووف
من البنات سبب البلاوي والمصايب وسبب انحراف الشباب وفساد المجتمع